Mooshin Xasaasi Ah Oo Kala Qeybiyay Golaha
Guurtida Somaliland Oo Dib Loo Dhigay
Hargeysa (Longlivesomaliland
News)- Mooshin xasaasi ah oo kala qeybiyay Mudaneyaasha Golaha
Guurtida Somaliland, oo ay Golaha horkeeneen 19 Mudane oo ku
saabsanaa in laga noqdo go’aankii Komishanka doorash-ooyinku ay ku
laaleen diiwaan gelintii codbixiyeyaasha isla markaana ay ku
dalbanayeen in xukuumadu ay fuliso go’aan hore guddi ka tirsan
Aqalkaasi ay ka soo saartay dirirta Ceel-bardaalle, ayaa maanta la
hakiyay.
Ka dib markii koox Mudaneyaal ahi ay sheegeen in gudo-galka
mooshinkani uu si weyn u kala qeybinayo midnimadii iyo wada jirkii
Golaha xiligan xasaasiga ah.
Fadhigii maanta oo Mudaneyaashu isu soo habar wacdeen ayaa waxa ka
soo xaadiray 69 Mudane, waxaana Guddoominayay Guddoomiyaha Guurtida
Md. Saleebaan Maxamuud Aadan.
Md.Axmed Xasan Saalax oo ka mid ahaa Mudaneyaashii ergada ka galay
si loo hakiyo mooshinkan oo ay ka baqeen inuu khilaaf weyn oo hor
leh ka abuuro Golaha, oo fadhigii maanta ka hadlay waxaanu yidhi
“Shir-gudoonka iyo Mudaneyaasha Golaha Guurtidaba waxaan ku
salaamayaa Salaanta Islaamka, intaasi ka bacdi shirgudoonka Golaha
waxaan u soo jeedinayaa golahan wuxuu ahaa golihii qaranka u
sareeyay ee marjaciisa ahaa ee marka khilaafaad Somaliland soo galo
Golahihii ambiilka (Racfaanka) loo qaadan jiray, haddana waxaad
moodaa inuu kala qeybsan yahay oo xisbiyadii ku milmay taassna looma
baahna. Waxa loo baahan yahay si qaranku u badbaado in Golahani
sidii uu ahaan jiray uu ahaado.”
“Tallada colaada nin walba lama geliyo, laakiin tallada nabada nin
walba waa la geliyaa,waxaan shir-gudoonka aanu ka codsanaynaa in
mooshinkii aanu soo dhignay ee aanu soo qornay dib naloogu dhigo,
Goluhuna dibada ku soo heshiiyo, oo sidii uu Goluhu ku heshiin lahaa
uu shir-gudoonku ka talliyo,”ayuu yidhi Md Axmed Xasan.
Md. C/raxmaan Axmed Aareeye, oo isna ka mid ahaa Xildhibaano is xil
qaa may oo doonaya in wada hadal lagu dhameeyo khilaafaad muddaba
soo jiit amayay oo uu dhaxeeya Mudaneyaasha Guurtida, ayaa
sheegay in hak inta mooshinkan ay iyagu dalbadeen isla
markaana ay maalmaha soo socda Guddiyo ka saari doonaan Mudaneyaasha,
waxaanu tilmaamay in dhawaan la soo af-jari doono khilaafaadka
golaha ka aloosan.
Guddoomiyaha Golaha Guurtida Md. Saleebaan Maxamuud Aadan, oo
fadhig an gudoominayay ayaa sheegay inuu hakiyay mooshinkii ay 19
Mudane u s oo gudbiyeen Golaha ee la xidhiidhay in laga noqdo
go’aankii Komishanka d oorashooyinku ay ku laaleen diiwaan
gelintii Codbixiyeyaasha isla markaana la fuliyo Go’aamadii ay laba
bilood ka hor ay Guddi ka tirsan Guurtidu ka soo saartay shaqaaqadii
Ceel Bardaalle.
Guddoomiyuhu wuxuu sheegay inay Mudaneyaasha is xil qaamay ay fursad
siinayaan ilaa Salaasada waxaanu u soo jeediyay inay warbixin
dhammaystiran golaha horkeenaan.
Longlivesomaliland News Desk
Hargeisa Office/Somaliland
|