Maxaa
Doorashadan Hor Taagan?
“Riyaale
Somaliland Waxa Uu Ku Wadaa Halka Xamar Maanta Taagan Tahey”
Weli miyaad maqasheen Riyaale oo leh intaas oo doorasho ayuu CADAMI
inaga saaray? Jawaabtu waa MAYA. Waxase aad had iyo jeer maqas
haan Riyaale oo ku manna sheeganaaya intaasi oo doorasho ayaan
qab tay! Inta doorasho ee uu ku fashilmay inuu qabto weli miyuu
sheegay.
Jawaabtu waa MAYA. Taasi hoos
ayaan ku naqdiyi ee aan ku horeeyo qormadan waxa igu kalifay. Waxa
igu kalifay in aan shacbiga werwersan la socodsiiyo geedi-socodka
doorashada madaxweynaha ee loo qoonde eyay September 27, 2009
halka ay mareyso. Inta aanan qodobeyn halka wax marayaan waxa aan ka
horeysiinayaa baaq culayskiisa leh:
Somaliland Aabaheed ayey fuudka la cabi sidaa Xamar haddii
doorasha daasi mar danbe dib u dhacdo. Riyaalow adna kursiga dib ugu
sii fadhiyi maysid mucaaridkana calfan meysid, shacbigawna nabaddu
way ciirciiri ee ku tala-gal. Xume sahadin maayo waxaase aan ka sii
affeef dhigan ayaa kana sii digayaa garriirka lexaadka leh ee
Somaliland ku iman kara jirritaankeedana gilgili kara haddii
doorashada xiligii loogu talogalay ku qabsoomi weydo.
Haddaba qormadan waxa aan ku naqdiyayaa
a) Doorashadii maxaa hor taagan
b) nidaamkan cusub (cutting edge) yaa inoo keenay ma cid baa se
inagu khasabtay
c) xubnaha komishanka haddii qaar la bedelo imika miyaanay taasi
doorashada dib u rididayn
d) Serverkii goorma ayuu wax soo saarayaa waxa uu soo saarayo ma
yihiin wax lagu qanci karo
e) Lacagtii mala shubay
f) Shurruudihii deeq bixiyeyaashu maxay aheyd
g) Maxaa la dhameystiray maxaase dhiman
h) Cannaanta iyo caga jiidka yaa iska leh
i) Jaafaa-jirriqa Somaliland caalamku ma u dabranaanayaa
j) Qabashada doorashada iyo kharashkeeda yaa ka mas’uul ah
k) Dadka qaarkood codkooda ma waayi karraan iyo gebogebo
Doorashadii maxaa hortaagan?
Doorashada waxa hor tagaan inay wakhtigeedii ku qabsoonto ina
Riya ale. Riyaale waxa uu u ololeynayaa in heshiisyadii la wada
galay iyo shuruudihii deeqbixiyeyaashu aanay hirgelin. Waxa ka mid
ah arrinta komishanka oo la isla meel dhigo. Deeqbixiyeyaasha iyo
dad kale oo badaniba waxa ay aaminsan yihiin in komishanka maanta
joogaa aanu tayo uu doorashada inagaga saari karo laheyn. Sidaa
awgeed deeq bixiyeyaasha waxa ka go’an in aanay kharashka
bixinayn iyada oo komishanka wax weyn laga bedelo mooyaane.
Arrinta labaad ee doorashada hortaaganina waxa weeye UDUB oo diidan
gudida xeerbeegtida (arbitration committee) ee ajnabigu ku jiro ee
loogu talagalay in ay go’aan ka gaadho wixii la isku qabsado.
Gudidaasi oo ah ta caddeyneysa in doorashadii si xor iyo xalaal ah u
dhacday iyo in kale. Waxba fa’iido kama aha haddii aynu doorasho
galno oo caalamku aqoonsan waayo saw hal bacaad lagu lisay ma aha.
Nidaamkan cusub ee dhaka-faarka ah (biometric) yaa inoo keenay?
Alifka Alxamdu kaaga qaloocda Albaqra ayuu ku dhibaa. Hadal iyo
dhamaantii waxa nidaamkan dhakafaarka ah (complex) ku adkeystay
komishanka.
Markii komishanku go’aansaday in la is diiwaangeliyo waxa la soo
diray khabiir ka soo taliyay nidaamka ku haboon diiwaangelinta
Somaliland. Khabiirkii markii uu indha-indheeyay qiimeyna ku
sameeyay xaaladda horumar ee Somaliland ka jirta waxa uu soo
jeediyay in nidaamka Somaliland ku habooni uu yahey midka ugu fudud
oo ah in la isku diiwaangeliyo qalin iyo waraaq (paper system)
lagana dheeraado ka ku saleysan kombuyuutarada iyo tiknoolajiga
cusub. Hase yeeshee komishanka ayaa ku adkeystay in ka casriga ah la
qaato. Waxa maanta ina xanuujinayaa waa alifkii allxamdu inagaga
qaloocday. Canaanteedana komishanka ayaa iska leh cid kalana lama
wadaagto ee taa hala ogaado
Xubnaha komishanka haddii maanta la bedelo doorashada ma sahayan
doontaa?
Iyada oo gaaban jawaabtu waa maya. Aniga oo aan hoos u dhigeyn
shaqada komishanku qabto qadarinaayana culeyskeeda iyo ahmiyada ay
xasiloonida iyo himiladeenaba u leedahay haddana fikirkaygu ma aha
shaqo u baahan aqoon heer sare ah. Intaa waxa dheer ma aha shaqo u
baahan tababar (training) khaas ah waxaase ay u baahantahay khibrad
iyo waayo aragnimo qofku ku qiimeyn karo hadba xaaladda taagan
go’aan waayeelnimana qaadan kara.
Sidaa awgeed xataa haddii toddobada xubnoodba maanta la bedelo iska
daa qaarkoode ma aha wax doorashada dib u ridi kara. Maxaa u daliil
ah? Maalin dhaweyto xubin cusub (Xasan Hoori) ayaa komishanka ku soo
biiray wax tababar ah oo uu u baahdeyna lama sheegin. Markiiba wuu
la qabsaday waayo khibradii maamul ee uu hore u lahaa ayaa ku
filnaatay. Mida kale komishankan maanta jooga shaqadii adkeyd
(technical aspect) ee ay qaban lahaayeen waxa qabta INTERPEACE.
shaqada waxa wada INTERPEACE komishankuna waa magac u yaal aan
gacanta waxba ugu jirin. Markaa doorashada ayaa dib u dhaceysa
haddii komishanka qaar la bedelo waa dacaayad loogu tala galay in
shacbiga lagaga baqadsiiyo
SERVER-ku goormuu wax soo saarayaa, maxaase dib u riday?
SERVER dambe oo lagu marmarsoodaa maanta ayey hadhay. Maanta oo ay
bisha July tahay sagaal (09/07/09) sida ay inoo xaqiijisay
INTERPEACE, SERVER-ku waxa uu liistadii dadka is diiwaangeliyey soo
saarayaa kama denbeys bisha July 27, 2009 hadaanay kaba soo horeyn.
Sababaha SERVER-ku liistada ula raagay waa dhawr, waxa se la odhan
karaa waxa ugu weyn iyadii oo lagu kordhiyay astaanta wejiga (facial
recognition) markii la ogaaday dadkii is diiwaangeliyay in aan 52%
fara laga qaadin. Haddii aan sidaa la yeelin waxa dhici laheyd tiro
ku dhaw 700, 000 oo qof in laga tago. Mar labaad cannaantaa waxa
iska leh komishanka iyo ciddii uu shaqada u dirtay dadkii
qawaaniinta ku tunteyna weli qofna lagama ciqaabin.
Lacagtii weli ma la shubay?
Weli murran ayaa ka taagan in saamigii xukuumadda oo ahaa 25% (hal
million oo dollar) la shubay. waayo shuruuda ku xidhneyd waxa ay
aheyd in lagu shubo akawnt (account) u gaar ah (dedicated) oo bangi
madaxbanaan ah oo markasta hanti-dhawr lagu sameyn karro. Hase
yeeshee xukuumaddu waxa ay leedahay waxa aanu ku shubnay akawnt
(account) bangiga dhexe ah. Taasi runtii waxa weeyaan xukuumaddu ma
ogola hantidhawr ajnebi ah in xisaabaadkeeda la geliyo. Horena waxa
u dhacday in ay xukuumaddu saami hore ugu soo qeybay markii jeegii
bangiga la geeyay lacag laga waayey. Deeqbixiyeyaashu waxa ay
aaminsan yihiin in aan weli lacagtaa la shubin
Shuruudihii deeqbixiyeyaasha (donors) maxay
ahaayeen?
Qodobada ugu waaweyni waa kuwan:
a) In Xukuumaddu saamigii kaga qeybay miisaaniyadda doorashada oo
ahaa hal-million oo dollar ay ku shubto akount(account) gaar ah
(dedicated) kuna shubto Baan madaxbanaan oo la hubin karo
b) In la sameeyo guddi xeerbeegti ah oo madaxbanaan (arbitration) oo
uu ku jira hal qof oo khabiir ah oo ka socda deeqbixiyaasha
c)In la dhameystiro xeerka anshaxa
d)In la wada aqbalo natiijada ka soo bixi doonta SERVERKA d)in
arrinta komishanka laga wada heshiiyo
Maxaa shuruudihii deeqbixiyaasha ka hirgalay?
Waxa ka hirgalay waxaan buurneyn oo ah natiijada ka soo baxda
SERVERKA oo saddexda xisbiba wada aqbaleen. Waxa lagu muransan yahay
in Xukuumadda saamigeedii shubtay iyo in kale. Xukuumaddu waxa ay
leedahay waxa ay ku shubtay bangiga dhexe ee Somaliland. Bangiga
Somaliland xisaabaadka ku dhaca xukuumadda uma ogola in ay cid
dhexdhexaad ahi hantidhawr ku sameyso (audit). Waxa kale oo ay
diidan tahey xukuumaddu in ay lacagta u xawisho (transfer) bangi
dhexdhexaad ah sida Dahabshiil iyo kuwa la midka ah. Markaa
xukuumaddu ma tixgelin shuruudii deeqbixiyeyaasha ee ahayd in
account gaar ah oo bangi madaxbanaan lagu shubo. Horena waxa u
dhacday in xukuumaddu balanqaad kan la mid ah sameysay markii jeegii
(check) bangiga la geeyeyna lacagtii laga waayay
Waxa aan weli la dhameystirin saddex qodob oo
muhiim ah:
a) in la isla qaato xilka iyo awooda ay yeelaneyso gudida
xeerbeegtidu iyo wakhtiga shaqadoodu ku egtahey
b) in la isla eego siddii tayada komishanka kor loogu qaadi lahaa –
oo loo turjuntay in xubnaha komishanka wax laga bedelo iyo
c)in la wada saxeexo xeerka anshaxa doorashada.
Qabashada doorashada iyo kharashkaba yaa ka masu’uul ah?
Weli miyaad maqasheen Madaxweynaha oo leh intaasi oo doorasho ayuu
CADAMI inaga saray ama inoo qabtay? Jawaabtu waa maya. Waxa se aad
had iyo jeer maqashaan madaxweynaha oo ku manna sheeganaya intaasi
oo doorasho ayaan qabtay! Marka hore Doorashada qabashadeeda waxa ka
mas’uul ah madaxweynaha ee komishanku CANNAAN amba AMAAN hadba kay
muteystaan uun buu ku leeyahay.
Doorashadii madaxweynuhu HAL jeer ayey inoo qabsoontay LABA jeerna
way inoo qabsoomi kari weyday. Taasi in ay tahey mid la isugu
abaal-gudo iyo in kale shacbiga ayey u taal.
Kharashka doorashada yaa mas’uul ka ah?
Waxa ka mas’uul ah xukuumadda waana in miisaaniyadda lagu daro oo ku
tala gal loo sameeyo ee ma aha in la isku haleeyo deeqbixiyeyaasha.
Xukuumaddu maxay yeeli lahayd haddii aanay INTERPEACE kharashka soo
helin? Wax ku xidhan mucaaridka oo doorashada hakin kara ama dib u
dhigi kara oo aan aheyn in ay si nabadgelyo ah u ololeeyaan kuna
codeeyaan ma jiro. Sidaa awgeed qabashada iyo kharashkaba
deeqbixiyeyaashu kama mas’uul aha ee waxa ka mas’uul ah xukuumadda.
Xukuumadduna waa in ay u mahadnaqdaa INTERPEACE iyo
deeqbixiyeyaasha.
Dadkii is diiwaangeliyay qaarkood liistada ma
laga waayi karaa?
Haa oo waa laga waayi karaa sababo kala duwan awgood, hase yeeshee
tiro buuran ma noqon karaan waana wax loo dul qaadan karaa
(tolerable) marka si cilmiyeysan loo eego (statistically speaking).
Caga jiidka iyo jaafaa-jiriqa Somaliland deeqbixiyeyaashu ma u
adkeysan karaan?
Jawaabtu waa maya. Laba jeer ayey doorashadu dib u dhacday
markastana miisaaniyadii way is bedeleysaa. Xiligan aynu ku jirnaa
waa wakhtigii xagaagga (summer) dadku fasax u wada baxayeen. Haddii
aan sida ugu dhakhsaha badan go’aan looga gaadhin arrimaha inaga
qabyada ah muddo dheer ciddi is haleeli meyso waxaana dhici karta in
deeqbixiyeyaashu isbedelaan lana noqdaan deeqdii ay inoo soo
fidinayeen.
Yaa cagaha jiidaaya?
Xukuumadda ayaa hadba cagaha jiidaysa iyada oo cimri dherer ka
dhig aneysa. Ugu horeyn nimanka metela UDUB ma aha niman wax goosan
kara ee waa niman dibadda laga maamulayo (remote control). Markaa
wakhti ayey qaadataa inta ay go’aan qaadanayaan. Mar labaadka
shur uudihii deeqbixiyeyaasha xukuumaddu way diidan tahay in ay
hirgeliso. Go’aanada guddida dhexdhexaadinta ee Riyaale inkasta oo
uu saxee xeedii diiday haddana ku balan qaaday in uu aqbalay
ilaa maanta waxba kama hirgelin. Mucaaridku iyaga ayaa mar walba
tanaasulka sameeya. Mididda daabkeeda xukuumadda ayaa gacanta ku
heysa.
Gebogebo
Riyaale Somaliland waxa uu ku wadaa halka Xamar maanta taagan tahey
ee Illaahay ha inaga samato saaro.
Waxa aan ka affeef dhiganayaa in fikirkani aniga igu kooban yahay
loona nisbeyn karrin xisbiga KULMIYE.
Cali Guuleed (Cali
Maarshaal)
|