Marxuum Maxamed Saleebaan Tubeec oo aas Qaran loo sameeyey,
Muqdishana lagu aasay
Meydka marxuumka ayaa saaka laga soo dejiyay garoonka Aadan-cadde, iyadoo ay la so cdeen qaar ka mid ah qoyskiisa,...................+ Halkan ka Daawo sawiradan
Muqdisho (TNN):- Marxuum Maxamed Suleymaan Tubeec (boqorkii codka) oo
toddobaadkii hore ku geeriyooday Jarmalka ayaa maanta lagu aasay
Muqdisho, waxaana aaskiisa ka qaybgalay mas’uuliyiin uu ka mid ahaa
ra’iisul wasaaraha Soomaaliya, Cabdiweli Sheekh Axmed Maxamed.
Meydka marxuumka ayaa saaka laga soo dejiyay garoonka Aadan-cadde;
iyadoo ay la socdeen qaar ka mid ah qoyskiisa, waxaana salaadda
Janaasada lagula tukaday dugsiga tababarka ciidanka booliiska ee
Jeneraal Kaahiye.
Sidoo kale, aaska ayaa waxaa ka qaybgalay wasiirka Diinta iyo
Owqaafta, Ridwaan Xersi Maxamed, wasiirka warfaafinta Mustaf Sh.
Cali Dhuxulow, wasiirka duulista hawada Siciid Qoorsheel, wasiirka
amniga Qaranka, Cabdikariin Xuseen Guuleed, wasiir ku xigeenno,
fannaaniin, abwaanno iyo dadweyne fara badan.
Aaska kaddib ayaa waxaa hadlay ra’iisul wasaaraha xukuumadda Somalia
isagoo u duceeyay marxuum Maxamed Suleymaan Tubeec, wuxuuna Alle uga
baryay inuu u dambi dhaafo, Jannadiisana geeyo.
“Waxaan halkan tacsi uga dirayaa shacabka iyo fannaaniinta
Soomaaliyeed ee uu ka bax ay fannaankeena qaaliga ah. Tubeec wuxuu ka
mid ahaa fannaaniinta hal-doorka ah wux u una caan ku ahaa dareen
wadaniyadeed iyo wacyigelinta bulshada,” ayuu yiri Ra’iisul
wasaaraha xukuumada.
Timacade News Desk
Muqdisho,Somaliya
|