Madax Weyne Waad ku fashilantay xilkii
Shacabka Somaliland markii ay ku dooranayeen waxay moodayeen inaad
isbedel iyo horumar ku samayn doonto dalka laakiin nasiib daro waad
ku fashilantay waxana ay manta aqoonsade en in dawladii Dahir Riyaale
Kaahin si kastaba uga fiicnayd marka dhinac kasta laga eego.
Daahir Riyaale maalintii uu kuu tirinaayey xilka wuxuu ku yiri
dal
isku duuban oo nabad ayaan kugu wareejinayaa waxana ay ahayd mid run
ah maantana waa la wada arkaa afar geesood ee dalkaba in dab ka
qiqaayo hadaba sidii aad xilkii SNM ugu fashilantay
ayaad tana ugu fashil antay ee is casil.
Golahan toosinta iyo wada tashiga raga aasaasay dhamaantood waa
mujaahidiintii SNM ee ku taqaanay kaana tuurtay kursiga markaad
ahayd gudoomiyaha SNM ee aad ku fashilantay, maantana ilaahay
mahadii intii ka noolayd ayaa ilaashanaysa dalkooda iyo dadkooda
waxana hubaal ah hadii aanad deg deg uga tagin inaad adigoo intaa ka
fool xun ka tegi doonto.
Waxaa la yaab leh in aad arki wayday ninkan Xirsi la yiraa ee ku
dilay kuna dhaxal wareejiyey adigoo nool ee ku faanaya magacaaga
kaana dhigay inaad tahay wax aan jirin ama bukaan jiif ah oo aan
xiskiisu joogin oo kooma ku jira.
Madaxweyne ma raalibaad ka tahay dhaqan xumada, afxumada, hanjabaada
uu kula kacaayo shacabkii shalay ku soo doortay ee adigoo xaalkaaga
la ogaa boodhkii iyo duligii ku saarnaa kaa tumay ?
Mishkilada ugu weyn ee adiga iyo shacabka Somaliland idin dhex
taalaa manta waxa weeyi nin kaa Xirsi la yiraa iyo kooxda uu wato oo
kugu diray dhamaan shacabkii Somaliland ee ku jeclaa adigana kaa
dhigay oday talax gabay oo uu afduub ku haysto, waanad ogtahay in
dhamaan shacabka Somaliland neceb yihiin ee ka tasho oo soo cesho
haybadii aad lahayd markii shacabku ku dooranayeen ee ahayd inaad
noqon doonto madaxweyne dalka iyo dadkaba wax u qaban doona.
Waxa kale oo aan kuu sheegayaa inaad ka maarmi doonto Xirsi iyo
dhamaan inta uu wato ee si deg deg ah daaqada uga tuur oo dib ugu
soo noqo shacabkii ku doortay oo la tasho hadii kale waxa dhici
doonto maalin dhaw oo aan Xirsi iyo qayrkii aanay ku anfici doonin
oo aad gaadhi waydo meel aad ka soo dabaasho.
Maxamed Faarax
Somalilander
|