|
Madaxweyne
Siilaanyo Iyo Muuse Biixi oo Shalay kulan Fool ka fool ah Ku Yeeshay
Qasriga Madaxtooyada Iyo Muuse Biixi Oo Faro madhan kala soo baxay
Dhanka kale Waxa Ay Wararku Sheegayaan In Maalintii Doraad Hayd Ay
Oday Dhaqameedyo Ay Muuse Biixi Isku ....
Hargeysa (TNN)- Madaxweyne Axmed Maxamed Maxamuud Siilaanyo ayaa
shalay Aroornimadii Qasri ga Madaxtooyadda kulan aanay cidi ku
wehelinaynin kula yeeshay Guddoomiyaha ku meel gaadhka ah ee Xisbiga
Kulmiye Muuse Biixi Cabdi, kulankaas oo Habeen hore ay ka dhabqiyeen
Koox Wasiiro ahi.
Xog badan lagama hayo kulanka gaarka ah ee ay Siilaanyo iyo Muuse
wada yeesheen, balse Ilo Xog Ogaal U Ah labada dhinacba ayaa
Timacade News u xaqiijiyay in fara madhan uu Muuse Biixi kala soo
baxay Madaxtooyadda , kadib markii uu Madaxweyne Siilaanyo
gaashaanka u daruuray soo jeedimihiisii.
Nuxurka soo jeedimaha Muuse Biixi ee uu la hortagay Madaxweyne
Siilaanyo ayaa la sheegay inay ahaayeen Shirweynaha Xisbiga Kulmiye
in loo gacan banaaneeyo Hogaanka Xisbiga Kulmiye, in uu qabto bisha
Sideedaad ee sanadkan iyo in aanu kula tartamin Wasiirkiisa
Maaliyadda C/casiis Maxamed Samaale.
Soo jeedimahan ayaa la sheegay Madaxweyne Siilaanyo dhamaantoodba
inuu ku diiday Muuse Biixi, waxaanay wararka ay Timacade News
helaysaa sheegayaan Siilaanyo inay ka go’an tahay Sanadka 2014-ka
bisha Sideedaad inuu qabto, isla markaana ay Xukuumad iyo Xisbiba ka
wada qayb qaadan doonaan Maamulkiisa iyadoo loo mari doono Xeerka
Xisbiga oo dhigaya Guddi Qaban qaabo in la magacaabi doono.
Sidoo kale waxa uu Madaxweyne Siilaanyo ku adkaysanayaa inaanau
Xisbigu cidna u xidhnayn ee lagu tartami doono haddii ay Wasiir
tahay iyo haddii cid kale oo Xisbiga ahba damac ka galo, isagoo ku
goodiyay Wasiir Samaale inaanu ka hor istaagi Karin Hankiisa
Siyaasadeed.
Go’aamadan uu Madaxweyne Siilaanyo ugu Quus gooyay Mujaahid Muuse
Biixi ayaa noqonaya kuwo soo af-jara Ololayaashii iska soo horjeeday
ee ka dhex dilaacay Muuse Biixi, Samaale, Madaxweyne ku-xigeenka iyo
rag door ah oo kaadariyiinta Kulmiye ah.
Dhanka kale Waxa Ay Wararku Sheegayaan In Maalintii Doraad Hayd Ay
Oday Dhaqameedyo Ay Muuse Biixi Isku Jifada Hoose Yihiin Casuumad
Qado Sharafeed Ah U Sameeyeen Wasiirka wasaarada Maaliyada Sh.C/casiis
Maxamed Samaale Munaasibadaasi Oo La Sheegay Inay Ujeedadeedu Ahayd
Xaal Marin Ay Odayaashu ak Xaalmarinayeen Wasiirka Maaliyada Hadalo
Deel-qaaf Ah Oo Uu Ku Duray Gudoomiyaha Kumeel Gaadhka Ah Ee Xisbiga
Kulmiye Mujaahid Muuse Biixi Cabdi.
Timacade News Desk
Hargeysa, Somaliland
|