Madaxweyne
Rayaale oo Shaaca ka Qaaday in aannu Madaxda Dalka Kuwait Kala
Hadlin Aqoonsiga Somaliland
“Waxa ka horreeya aqoonsiga
dhaqaalaha, aqoonsina waan raadinaynaa. Aqoonsigu waqti dheer ayuu
qaadanayaa”
“Horta dalku sharci ayuu leeyahay, sharcigana waa la raaci doonaa,
xisbiyo tartamayaana waxba kama heshiin karaan”
Shir-jaraa’id - Madaxweyne Rayaale
Madaxweyne Daahir Rayaale Kaahin, ayaa shaaca
ka qaaday in aannu m adaxda dalka Kuwait kala hadlin
qaddiyadda aqoonsiga Somaliland, bals e nuxurka safarkiisu ku
qotomay arrimo dhaqaale.
Md. Rayaale oo Axaddii ka soo degay Madaarka Berbera, ayaa
shir-jaraa’id oo uu shalay ku qabtay guriga martida ee magaalada
Berbera wax yar intii aannu subaxnimadii hore ee shalay u baqoolin
dhinaca caasimadda Hargeysa, waxa uu faahfaahin kaga bixiyey
ujeeddada socdaal toddobaad qaatay oo uu ku tegay dalka Kuwait iyo
natiijada uu kala soo hoyday iyo khilaafaadka siyaasiga ah ee
waqtigan dalka ka aloosan.
Madaxweynuhu waxa uu socdaalkiisa ku tilmaamay kii saddexaad ee ugu
muhiimsanaa safarradii uu hore dibadaha ugu baxay, isagoo xusay in
uu madaxda dalka Kuwait kala soo hadlay sidii ay Somaliland uga
caawin lahaayeen horumarinta adeegyada bulshada.
Hadal kooban oo Madaxweynuhu shirkaa jaraa’id ka jeediyey waxa uu ku
yidhi; “Waa dalkii saddexaad ee caalamka. Waxaan la kulmay
madaxdiisa, waxaan kala hadlayna wuxuu ahaa waxa ugu muhiinsan wixii
dan u noqon lahaa ummadda ay naga caawiyaan sida dhismaha aasaasiga
ah; xagga waddooyinka, waxyaalaha kale ee ummadda wax u tari kara
sida biyaha, caafimaadka. Jawaab fiican ayey noo ballanqaadeen oo
wax badan wax lagaga qaban karo. Run ahaantii jawaab fiican bay i
siiyeen, waxaanay ballanqaadeen oo wixii caawimo ahna inoo soo
marinayaan hay’adooda deeqaha qaabilsan ee Kuwait Fun oo
mashaariicdii hore ee waddooyinkii la dhisay xillligii Soomaaliya
qayb weyn ka bixisay.”
“Insha Allaah waxaan ku tashkiiliyey inay dalkan yimaaddaan oo
maalgas hadaan, maadaama yihiin dalka ugu ilbaxsan dunida, aniguna
waxaan ku dhiirrigeliyey in ay dalka yimaaddaan maadaama Kuwait
tahay dalka ugu ballaadhan wax maalgashada waddamada Carabta, meelo
badan oo caalamka ay maalgashadeena way jiraan, fursaddaa aan
helayna waxay ahayd fursad siciid ah, wax fiicanna waan kala kulmay,
rag meesha inoo joogay oo ay qiimeynayeena way jireen, muqaabiladda
la ii sameeyeyna waxay ahayd mid aanan hore uga baran, muqaabiladda
la ii sameeyeyna waxay ahayd ahayd mid aan hore u dhicin oo aanan
hore uga baran, wax aanan ugu faa’iideystay waxa innoogu muhiimsan
oo ah waddooyinka, cusbitaal iyagu gacanta ku hayaan oo ay ka
dhisayaan degmada Sheekh si uu u noqdo cusbitaal guud, kulankaasina
waxa uu ahaa kulan taariikhi ah, waxaanan ka rajaynayaa inay si
dhakhso ah u soo diraan dad ina qii meeya, waxaan ka rabnaa
iyagu markay yimaaddaan inay wax inoo dhis aan sida waddooyin
ilaa Wajaale, socodaalkayga nuxurkiisuna intaas ayuu ahaa,” ayuu
yidhi Md. Rayaale.
Intaa kadib su’aalihii warfidiyeennadu weydiiyeen Madaxweynaha iyo
jawaabihii uu ka bixiyey waxay u dhaceen sidan:
Su’aal: Madaxweyne xidhiidhka
Somaliland iyo waddamada Carabtu wuxuu ahaa mid xanniban, sideed u
malaynaysaa in wax looga beddelayo?
Jawaab: Horta innagu run ahaantii
albaab aynu iska xidhnay ma jiro, la akiin albaabkii inoo furmaba
waa in aynu galnaa, safarkaygana fure ayuu u noqon doonaa.
Berigii aan tegay Imaaraadka Carabta waxaan la kulmay uun Sh. Xamda
an oo isagana aad ogtihiin waxtarkiisa ee riigga biyaha inoo qoday,
Bisha Cas ee dhawaan qalliinka indhaha fuliyey, iminkana wuxuu inoo
soo dira yaa kooxo wadnaha qala iyo kelyaha mishiinadii lagu
sifaynayay oo ay Hargeysa keeneen, markaa waxaan u arkaa inay
Carabtu ka waxtar badnaan doonto kuwa kale.
S: Madaxweyne, Somaliland baahida ugu
weyn ee haysaa waa aqoonsi, arrintaas ma kala hadashay madaxda
Kuwait ee aad la kulantay?
J: Horta aqoonsigu ha inoo dambeeyo,
wax badan ayaa innooga horree ya haddii aynu dhaqaale helno,
maanta haddii dhulkeenna khayraad iyo shidaal ka soo baxo adigaaba
laguu imanayaa, waxa ka horreeya aqoo nsiga dhaqaalaha,
aqoonsina waan raadinaynaa. Aqoonsigu waqti dheer ayuu qaadanayaa,
waqti dheerna wuu innagu qaatay, waannu socon doonaa ilaa iyo inta
aynu ka gaadhayno.
S: Rajo intee in le’eg ayaad ka qabtaa
in doorashadu dhacayso waqtigii loogu talogalay?
J: Insha Allah 27-ka September inay
dhacayso ayaan aaminsannahay.
S: Maadaama aanay saddexda xisbi isla
meel dhigin khilaafka ku saabsan arrimaha doorashada maxay tahay
sida wax loo fulinayaa?
J: Horta dalku sharci ayuu leeyahay,
sharcigana waa la raaci doonaa, xis biyo tartamayaana waxba kama
heshiin karaan.
S: Sideed u aragtaa labada xubood ee
Komishanka ee aad Golaha Waki illada u gudbiseen si loo beddelo?
J: Horta anigu waxba uma gudbin ee Ku-xigeeynkayga
ayaa gudbiyey, m arkaa waan eegi doonaa waxay u soo celiyeen, hadday
sifo sharci tahay waa la sixi doonaa.
Jamhuuriya Online
|