Madaxweyne Rayaale Oo
Mudo-Kordhin U Sii Xaadh-xaadhanaya
Madaxweyne Rayaale Oo
Mudo-Kordhin U Sii Xaadh-xaadhanaya Gabalkeedu Dhacay Oo Xil-Gudasho
La’aan Oo Ku Dhamaystay Mudadiisii
Waxaa dadweynaha Somaliland ka warsugayaan Golayaasha Sharcidejinta
waqtiga………..taas oo si weyn ay ummadu uga warsugayso, Si loogu gudbo
marxaladahan adag ee uu dalku markasta galaayo iyo dib dhacyadan
doorashada madaxtooyada..
Xukuumada K/Meelgaadhka ah ee Madaxweyne Riyaale uu hogaamiyo oo loo
kordhiyey Mudo 1Sano ah , heshiis ay hore u gadheen sadexda xisbi
Qaran iyo komishanka doorashooyinku , oo golaha guurtiduna ay
shaanbada ku dhufteen ayaa xilgudasho la,aan ku dhamaaday kuna eeg
6-da April ee 2009 isla markaana lagu hungoobay mudadii loo qayday
inay ku qabsoonto doorashada madaxtooyadu 29 march 2009 .
Golaha guurtida oo ah ka sharcigu u ogolyahay mudo kordhin inay u
sameyn karaan marka duruufo ay yimadaan oo doorashadu wakhtigeedii
ay dhici weydo, xukuumadana uu wakhtigeedu ka dhamado , iyaga oo
cuskanaya sababaha uu sharcigu tilmaamay oo keliya lakiin xaalada
taagani ay markasta ahayd xilgudasho la,aan aan cidna ka qarsoonayn,
oo sharcigu baneenay in lagu qaado xukuumadan k/meelgaadhka ah
Maanta .
Waxaan jirin oo aanay dastuurka sina u waafaqsanayn doodan jilicsan
ee ay Xukuumadu soo qaadato in Madaxweyne la soo doortay uu bedeli
karo ,Madaxweynahan K/M/Gaadhka ah ee ay Maalmuhu u hadhsanyihiin,
iyadoo Qodobka 86aad, faraqyadihiisa, 1, 2, 3 iyo 4 ay si cad u
tilmaamayaan afar xaaladood oo uu madaxweynaha xilka uu kala
wareegayo madaxweyne aan la soo doorani si ku-meelgaadh ah , oo uu
ku waayayo xilgudasho la,aan aan qarsoonayn oo xukuumaduna ay ku
jirto kuna qeexan qoddobkaasi, farqadiisa 1aad.
Waxaan maanta ogtahay Xukuumada jirtaa in aanay Golayaasha
Sharcidejinta wax mudo-kordhin ka heli Karin,ayna jirin duruufihii
suurtagalka ka dhigi lahaa in mudo kale la kordhiyo oo sharcigu
banaynaayey, hore ee loogu sameeyey ay ka baaqsadeen inay doorashada
ku qabtaan, Xukuumadana ay ku cadahay inay carqalad ku tahay
Dooorasho ka dhacda dalka iyo dubu-dhaca doorashada oo markii labaad
la marayo lana hubin tan danbe.
Sidaa darteedna ay waajib tahay in Xaaladan Adag ay Golayaasha
Baarlamaanku go’aan ka qaataan, Oo waajibaadkooda distooriga ah u
gutaan hab sharciya, dariiq kale oo furrani aanu jirin, oo aan ka
ahayn in la adeegsado waxay u baahan tahay , oo labada gole ee
sharci-dejintu isu yimaadaan , waayo marka ay dhamaato mudada -xilka
xukuumada K/Meelgaadhka ah awoodii dawladnimadu waxay ku soo
ururaysaa Golayaasha Sharci-dejinta, oo iyagu wakiil ka ah
dadweynaha Somaliland.
Waxaad kaloo aad maqlaysaa doode kale oo jilicsan oo ah, in aanay
Golayaashu Barlamaanka isu-imankarin , Fadhiyada wadajirka ee Labada
Gole ee Barlamaan waa mid sharci ahaan jirta, oo ku cad Qodobka
38aad farqadiisa ugu danbeeya ee disteerkeena oo si cad u qeexaya
fadhiyada wada-jirka ee ay 2da gole ee Barlamaanka yeelan karaan.
Xaalada Siyaasadeed ee taagan ayaa lagaga badbaadi karaa in
distoorka xeerarka dalka u yaala shuruucda lagu dhaqmo loona
hogaansamo, xalkeeduna u yaalo Goleyaasha Baarlamaanka, talaabada la
qaadayaana ay tahay mid noqonaysa sharciyad qaranka lagu
badbaadinaayo.
Iyadoo looga fadhiyo Golayaasha Sharcidejinta inay go’aan ka
gaadhaan xukuumada Riyaale oo ay u hadhsantay mudo aad kooban oo
todobaad iyo Badh ah, oo inagu soo noqnoqotay Khaladaad badan oo
xukuumadu markasta can ku tahay oo kutumashada Sharciga dalka, oo ku
timaada markasta xilgudasho la’aanta, oo haddii ay sii socoto halis
galin karta Amniga Qaranka.
Golaha guurtidu oo Mudo 3goora oo hore xilka ugu kordhiyey
xukuumadan jirta sababo xil-gudasho la,aan iyo dib u dhaca
doorashada madaxtooyadu uu halkii sanad ka hor joognay aan ku soo
noqonay, Guurtiduna ay maanta mudo kordhintii ay dhowr jeer u
kordhiyeen Madaxweynuhu aanay ku salaysnayn waqtigaa shuruucda dalka
wafaqsanayn, ayaa maanta looga fadhiyaa inay sumcadoodii soo
ceshadaan oo si waayeelnimo ah ay xaalada u eegaan.
Waxaa dadweynaha Somaliland ka warsugayaa Golayaasha Sharcidejinta
waqtiga dhow ee kaabiga inagu soo haya inay soo gebagebeeyaan
gunaanadka xilka xukuumada K/M/Gaadha ah ee uu hogaamiyo madaxweyne
Riyaale, oo ku eeg 6 April 2009, taas oo si weyn ay ummadu uga
warsugayso, Si loogu gudbo marxaladahan adag ee uu dalku markasta
galaayo iyo dib dhacyadan doorashada madaxtooyada..
Adan yusuf Elmi
Birminghma,UK
|