Madaxweynaha Somaliland Oo Ka Qeyb Galay Aaskii Qaran ee Loo
Sameeyay Marxuum- Axmed Weyne
Hargeysa (TNN):- Madaxweynaha Somaliland Mudane Axmed Maxamed
Maxamuud (Siilaanyo) oo ay weheliyeen shirgudoonada Goleyaasha
Baarlamaanka, xubno ka tirsan Golaha Wasiirrada iyo xisbiyadda
qaranka ayaa maanta kala qeyb galay Boqolaal qof oo ka mid ah
shacbiga ku dhaqan caasimadda Hargeysa aas qaran oo Xabaalaha Xeedho
maanta loogu sameeyay ALLE ha u naxariistee Marxuum- Axmed Ibraahim
Daahir (Axmed weyne) oo ka mid ahaa Mudaneyaa sha Golaha Wakiiladda.
Madaxweynaha Somaliland Mudane Axmed Maxamed Maxamuud (Siilaanyo)
ayaa hadal kooban oo uu ka jeediyay aaskaasi waxa uu ILAAHAY uga
baryay Marxuumka inuu naxariistii jano ka waraabiyo, qoyskiisii iyo
shacbiga Somaliland ee uu ka baxayna samir iyo iimaan ka siiyo.
Madaxweynuhu waxa uu sheegay in Marxuum-Axmed Ibraahim Daahir ahaa
nin weyn oo dalkii sa iyo dadkiisa u soo shaqeeyay.
Waxa kale oo iyaguna halkaasi ka hadlay madaxda xisbiyadda qaranka
iyo shirgudoonka Goley aasha baarlaamaanka ee Guurtida iyo
Wakiiladda waxaanay dhambaalka tacsida ah ka sokow ka sheekeeyeen
sooyaalkii siyaasadeed iyo halgameed ee Xildhibaan Axmed Ibraahim
Daahir (Axmed-weyne) oo xalay ku geeriyooday caasimadda Hargeysa ka
dib markii uu xanuun kaga soo booday wadnaha.
Cumar Maxamed Faarax
|