Madaxweynaha Jamhuuriyada Somaliland Iyo Wafdigiisii Uu Hogaaminayey
Oo Soo Gaadhay Magaalada London
Waxaana qolka marti sharafta ku soo dhaweeyay safiirka Somaliland u
fadhiya Boqortooyada Ingi riiska ,Mudane Cali Aadan Cawaale...... Daawo Sawirrada
London (TNN)- Madaxweynaha Jamhuuriyada Somaliland Mudane Axmed
Maxamed Maxamuud (Siilaanyo) iyo weftigii uu hogaaminayay ayaa saaka
ka soo degay garoonka caalamiga ah ee Heathrow Airport ee magaaladda
London.
Waxaana qolka marti sharafta ku soo dhaweeyay safiirka Somaliland u
fadhiya Boqortooyada Ingiriiska Md Cali Aadan Cawaale, xoghayaha
gaarka ah ee Madaxweynahay Cali Axmed Cali, Maareeyaha Telefiishanka
qaranka Khadar Xasan Cali Gaas iyo Gudoomiyaha telefiishanka ee
Yurub Cabdi Bacow.
Weftiga madaxweynaha oo ka koobnaa Marwada Koowaad ee qaranka Marwo
Aamina Sheekh Maxamed Jirde, Wasiirka Arrimaha dibadda Md. Maxamed
Cabdilaahi Cumar, Wasiirka madaxtooyada Somaliland Md Xersi Xaaji
Cali Xasan, ayaa ka soo laabtay dalka Maraykanka, halkaasi oo ay
kulamo kale duwan kula soo yeesheen muddadii ay ku sugnaayeen
masuuliyiin sare oo ka tirsan wasaarada gaashaandhiga (Pentagon),
wasaarada arrimaha dibadda,baarlamaanka Maraykanka iyo shirkado
dhinaca maalgashiga ah.
Sida oo kale weftigu waxay maalintii Sabtidii kulan balaadhan la
yeesheen jaalliyada Somaliland ee ku dhaqan dalka maraykanka
Magaalada Washington, iyagoo uga xog waramay xaalada guud ee dalka
iyo waxyaabihii uga qabsoomay kullamadii ay masuulyiinta Maraykanka
layeesheen muddadii ay ku joogeen dalkaasi.
Munaasabadan oo ahayd mid si heer sare ah loo soo agaasimay ayaa
waxa dadku ka kale yimaadeen meelo aad u kale durugsan oo ilaa
gobolada fog-fog ee Koonfurta Maraykanka iyo dalka Kanada ah,
qaarkood in ka badan 12 saacadood soo kaxaysteen gawaadhi.
Dhinaca kalena waxa madaxweynuhu intii uuu ku sugnaa qolka marti
sharafta ee Heathrow airport salaam sharaf ugu yimid raysal
wasaarihii hore ee Kenya Raila Odinga, oo VIP ku sugnaa isna.
Timacade News Desk
London ,United Kingdom
|