Madaxwayne Siilaanyo Oo Labadii Kornayl Ee Kaga Hadhay Mujaahidiinta
SNM Cawda U Jaraya
Maxamed Kaahin Axmed, waxa uu sheegay in tartanka shirwaynaha
xisbiga Kulmiye aanu ku koo bnayn oo kaliya ....
Hargeysa (TNN) – Guddoomiye ku xigeenka koowaad ee xisbiga talada
Somaliland haya ee Kulmiy e Maxamed Kaahin Axmed, ayaa caddeeyay
inuu ka mid yahay Musharixiinta u tartamaya Guddo omiyenimada
xisbiga Kulmiye.
Maxamed Kaahin Axmed, waxa uu sheegay in tartanka shirwaynaha
xisbiga Kulmiye aanu ku koo bnayn oo kaliya Muuse Biixi Cabdi iyo
Cabdicasiis Samaale, balse ay loolanka Guddoomiyaha ragga ku jiraa
badan yihiin isla-markaana uu isagu ka mid yahay siyaasiyiinta ku
tartamaya in loo door to Guddoomiyaha xisbiga Kulmiye.
Maxamed Kaahin oo shalay la hadlay Telefiishanka Qaranka Somaliland,
ayaa isaga oo arimahaa ka hadlayaana waxa uu yidhi “Anigaygan kula
hadlayaa waxaan ka mid ahay ragga tartanka ugu jira kuraasta loo
tartamayo ee Kulmiye (Guddoomiyenimada iyo Musharaxnimada
Madaxwaynah a)” ayuu yidhi
Maxamed Kaahin Axmed, waxa uu ka digay in xisbiga Kulmiye ku
baa’abyo hogaamiye talada kalig ii maroorsada “Xisbiyadii Somaliya
iyo Somalilandba soo matay waxa baa’biiye hogaamiye kaligii doona in
talladu ka go’do sida xisbigii SNL, xisbigii Kacaanka, LEEGO iyo
UDUB, markaa waxaan jec elahay inaan Kulmiye noqon sidaasi oo kale”
Hadalkan ka soo yeedhay Maxamed Kaahin Axmed, ayaa la sheegay inuu
ka dhashay cadho uu ka qaaday guul-daro isaga Muuse Biixi kala
kulmeen qorshe ay ku doonayeen in Madaxwayne Sii laanyo sidii ay
hogaanka xisbigaasi rasmi ahaan ugu qabban lahaayeen, iyagga oo
doonaya inay geeska ku riixaan siyaasiyiinta uu ugu miisaanka culus
yahay Wasiirka Maaliyadda Cabdicasiis Maxamed Samaale oo doraad
shaaciyey inuu u taagan Guddoomiyenimada xisbiga Kulmiye ee la
dooranayo bilaha soo socda, dhawaaqaasi oo ay culayskii ka dhashay
uu ku khasbay in Muuse iyo Kaahin ay garnaqsi isla habeenkii xigayba
ula tagaan Madaxwaynaha.
Garnaqsigaasi ayaa la sheegay in Madaxwayne Siilaanyo ugu muujiyey
weji ka adag kii ay ka fil ayeen, iyadda oo qodobada la iskula
jeex-jeexay kulankaasi oo intooda badan ka imanayey Muu se iyo
Kaahin uu Madaxwaynaha iyo xubno ka mid ah golaha Wasiirradu kaga
jawaabeen in aana y suurto-gal ahayn, waxaana arimaha Muuse iyo
saaxiibkii soo bandhigeen ka mid ahaa in Guddo omiye Muuse Biixi
Magacaabo guddida qaban-qaabada shirwaynaha xisbiga, taasi oo Golaha
Wasiirradu ka diideen isla-markaana u sheegeen inaanu awood u lahayn,
maadaama oo uu yahay Guddoomiye ku meel-gaadh ah.
Marka laga yimaado taasi, damaca Maxamed Kaahin ka soo baxay ayaa
loo aanaynaa inuu salka ku hayo tallaabo uu kaga hor tagayo qorshe
la sheegay in lagu doonayo in Guddoomiyihii ururka RAYS Xasan
Gaadhaafi oo dhawaan Kulmiye lagaga dhigo Guddoomiye ku xigeenka
koowaad ee xisbigaasi, taasi oo ah jagada uu Maxamed Kaahin hadda
hayo.
Warka ku saabsan in Xasan Gaafaadhi xilkaasi loo wado oo dheeraad ku
ah hirdanka loogu jiro hogaanka xisbiga Kulmiye, ayaa ah mid meesha
ka saaraya yoolka siyaasadeed ee ay hiigsanaya an Maxamed Kaahin
Axmed iyo Muuse Biixi Cabdi oo laftiisa uu kursigiisa uu soo fuulay
culays ka ga imanaya Cabdicasiis Samaale iyo shakhsiyaad kale ee
xisbigaasi ee hungurigu ka galay hogaa minta xisbiga, iyadda oo la
sheegay in Muuse Biixi cadhadii uu ka qaaday natiijada kulankii
Madax waynaha ee loogu diiday inuu Magacaabo guddiga qaban-qabada
darteed uu garan waayo halka uu gaadhigiisu ka yaalo kaamboolka
Madaxtooyada isla-markaana isaga oo isla maqan uu jidka dheer ee
Madaxtooyada hor mara uu qabsado, ilaa ilaalada Madaxtooyada dib u
soo celisay.
Si kastaba ha ahaatee, dhaqdhaqaaqyada ka dhashay loolanka loogu
jiro hogaaminta Kulmiye oo uu sidoo kale qayb ka yahay agaasimaha
maamulka lacagta ee komiishanka Aydhiska Cabdikariin Xinif oo u
tartamaya Musharaxa Guddoomiye ku xigeenka koowaad ee Kulmiye,
isla-markaana aan weli la sadaalin Karin halka uu sal dhigi doono,
ayaa dibada u soo saaraysa dareeno ah in Ma daxwayne Siilaanyo
qorsheeyay inuu Muuse Iyo Kaahin oo ah labada nin ee kaga hadhay
Koralay nadii Ururka SNM ee ay halganka dheer soo wada galeen dibada
uga saaro xisbiga Kulmiye isla-markaana uu doonayo inuu samaysto
saaxiib cusub oo noqonaya rafiiqiisa siyaasadeed inta uu tallada
dalka hayo, waxayna tani soo afmeeri doontaa haddii ay dhacdo hamiga
siyaasadeed ee labada kornayl oo tan iyo intii dalka lagu soo noqday
ay xulafo ahaayeen Madaxwayne Siilaanyo, iyadda oo la odhan karo in
labadan siyaasi waxa ku dhaboobay odhaahdii Boqor Buur-madow ee
ahayd “Doobiyaal geel aanay lahayn la jooga”
Source: wargeyska waaheen
|