Madaxwaynaha Somaliland oo Shacabkiisa Ku Booriyay Inay Muujiyaan Dareen Wadaniyadeed Maalinta 18ka May

"Waxa aan umadda reer Somaliland ugu baaqayaa in ay muujiyaan wadaninimada..." Axmed Siila anyo

Hargaysa (TNN):- Madaxweynaha jamhuuriyadda Somaliland Mud. Axmed Maxamed Maxamuud (Siilaanyo) ayaa dhamaabal farxadeed iyo tahniyadeed u diray dad weynaha reer somaliland ee ku kala sugan daafaha dunida ugu baaqay in maalinta 18-ka may oo ah maalintii ay Somaliland xornimadeedii halawday 1960-kii dib ula soo noqotay ku muujiyaan dareen farxadeed.iyo dabaal degeed.

Madaxweynaha oo u waramayay saxaafada ka hawl gasha gudaha somaliland ayaa ku booriyay ugana riyaaqay shacabka reer Somaliland meel kasta oo ay joogaanba in ay soo qaataan astaan ka qaranka Somaliland oo ah calanka.

Madaxweynuhu waxa kale oo uu ilaahay ka baryay in Somaliland oo 20 sano beesha caalamka ma rti uga ahayd in ay hesho ictiraaf caalami ah in uu ku guuleeyo.

madaxweynaha somaliland mudane siilaanyo isaga oo arintaa ka hadlayana waxaa uu yidhi "Waxaan usoo jeedinayaa shacbiga reer somalialnd in ay nabadgalyadooda ku faro adaygaan isla markaana meel uga soo wada jeesadaan wax kasta oo khalkhal gelin kara, sidaad wada ogtihiina Waxa inagu soo fool leh sanad guuradii 20aad ee ka soo wareegtay maalintii ay Somaliland xornimadeedii kala soo noqotay dalkii la isku odhan jiray Somalia, waxaanay dadka reer Somaliland diyaar u yihiin in ay muujiyaan dareenkooda ku aadan sidii ay dunida ictiraaf uga heli lahaayeen.

Waxa aan umadda reer Somaliland ugu baaqayaa in ay muujiyaan wadaninimada iyada oo laga doonayo in ay calanka Somaliland soo qaataan, waxaanan ilaahay ka baryayaa in uu hamigeena iyo himiladeena ah in aynu ictiraaf caalami ah ka helno beesha calaamka inagu guuleeyo"

si kastaba ha ahaatee waxa si weyn looga dareensan yahay gabi ahaanba jamhuuriyada somaliland xuska 18 may taasi oo ah waqtigii ay somaliland dib ugala soo noqotay dalkii laysku odhan jiray somaliya waxana ay noqonaysaa sanadguuradii 20aad ee ka soo wareegta dhalashadii soamliland
 

Timacade  News Desk
Hargaysa Somaliland