Madaxda Somalia iyo Shanta Beenood ee Caadada U Ah
Madaxda Somalia iyo dadka u dooda waxa lagu magaacabo "midnimo" waa
dad ka ilaasha um madooda runta markastana ku maaweeliya been lagu
qoslo. Shanta [5] beenood ee ugu wa aweyn uguna daran oo damiirka
wangaagsan uu diido ee ay adeegsadaan iyo kashifaadoodu waa kuwan
hoos ku qoran:
1. MIDNIMADU WAA MUQADDAS: Arrnitanu waa been ay madaxda Somalia
dadkooda ku ma aweeliyaan, waxayna ka qarinayaan in midnimada ku
timaada israac laba dal oo aan cidi isku qasbin aanay ahayn marnaba
muqaddas oo haddii lagu heshiinwaayo lagu kala tegikaro sida
midnimadii dhexmartay Senegal iyo Maali oo lagu kala tegay 1960,
Masar iyo Syria oo lagu kala tegay 1961, Rwanda iyo Burundi oo lagu
kala tegay 1962, Cape Verde and Guinea-Biss au oo lagu kala tegay
1975, Somaliland iyo Somalia oo lagu kala tegay 1991, iyo Ethiopia
iyo Eritrea oo lagu kala tegay 1993. Midnimada muqaddaska ah ee aan
lagu xadgudbikarin waa ta ka dhexjirta dal isku xuduud iyo taariikh
ah. Matalan Puntland waa gobol ka tirsan Somalia oo la leh xuduud
iyo taariikh kamana go'ikarto Somalia sababta oo ah midnimada
Somalia gu daheeda waa muqaddas lagumana xadgudbikaro sida aanu
loogu xadgudbikarin midnimada Somailand, Jabuuti, Ugandha iwm.
Midnimadii dhexmartay Somaliland iyo Somalia 1960 waxaa ay ahayd oo
keliya inay horseed do xorraynta iyo isukeenka qowmiyaddii
Somaaliyeed ee u qaybsanayd shanta [5] gobol si loo wada hooskeeno
hal calan iyo hal dawlad oo ka dhalata Geeska Afrika. Figraddaas
Somali weyn waa dhicisowday markii Jabuuti ay diiday inay ku soo
biirto 1977, Kilinka 5aad iyo N.F.D kala raaceen Itoobiya iyo Kenya,
labadii israacady 1960 (Somaliland iyo Somalia) ay dhibaa toweyn
dhexmartay kalana noqdeen 1991. Sidaas darteed midnimada Somaliland
iyo Somalia marnaba ma ahayn muqaddas balse waxay ahayd rabitaan
laba shacab waana lagu kala tegay.
2. XUDUUDAHA SOMALILAND WAA XUDUUDIHII ISTICMAARKA OO SOMALIDU MA
AQOONSA NA: Arrintanu waa been ay ku adeegtaan madaxda Somalia iyo
kuwa uga qaybgala doodaha si ay runta uga qariyaan dadkooda.
Dhammaan xuduudaha Afrika, Asia (Oo ay ku jiraan dha mmaan dalalka
carabta), iyo xuduudaha Koonfurta Amerika (South America) waa
xuduudo isticmaar oo laga dhaxlay dalalkii Yurub ee gumaysanjiray
Qaaradahaas sida Faransiiska, Ingiriiska, Talyaaniga, Spaanishka iwm.
Qaranimada, wadanimada, iyo aqoonsiga dalkasta oo ka tirsan
qaaradahan waxay ku salaysanyihiin xuduudihii ay ka dhaxleen
isticmaarka. Ma jirto xuduuud ay dalalkaas u samaysay Qaramada
Midoobay. Sidaas darteed, xuduudaha Somaliland waa xuduudo laga
dhaxlay gumaysigii Ingiriiska waana xuduudo sharci ah marka la eego
shuruucda xuduudaha adduunka ee ay aqoonsantahay Qaramada Midoobay.
Ciddii dafirta xuduudaha Somaliland waxaa ay dafirtay xuduudaha
Afrika oo dhan, Asia, South Amerika iwm.
3.SOMALILAND WAA GOBOL KA TIRSAN SOMALIA: Madaxda Somalia waxay
dadkooda ku maa weeliyaan beenta ah in Somaliland ka mid tahay
gobollada Somalia sida Mudug, Bay, Sh/ Dhe xe iwm. Runtu waxaa ay
tahay in Somaliland tahay dal gaar ah oo xataa ka weyn Somalia xagga
qaranimada. Somaliland waxaa uu ahaa dal qaranimada ka hor qaatay
Somalia bishii June 26, 1960 halka ay Somalia qaadatay qaranimadeeda
July 1, 1960. Waa laba dal oo midkastaba leeyahay xuduudo iyo
taariikh u gaar ah. Sidaas darteed, Somaliland maaha gobol ka tirsan
Somalia ee waxaa uu ahaa haddana yahay dal gaar oo madaxbanaan sida
Jabuuti, Ethiopia, Kenya iwm.
4. SOMALILAND WAXAA AY KA TIRSAN TAHAY FADARAAALKA SOMALIA:
Arrintanu iyaduna waa been lagu maaweeliyo dadka Somalia si looga
qariyo xaqiiqda aan la daboolikarin. Somaliland waa dal gaar ah oo
madaxbanaan oo leh xuduud iyo taariikh u gaar ah. Waa dal leh
dastuur, madaxweyne, xukuumad, baarlamaan, iyo nidaam dimoqaraadi ah
oo wax lagu doorto. Somaliland weligeed kama ay qaybgelin wixii lagu
magacaabijiray "Roadka Mapka Somalia", kamana qaybgelin xulashada
baarlamaanka iyo madaxda Somalia. Shakhsiyaadka u dhashay Somaliland
ee u cararay Somalia si ay jagooyin u helaan una fushadaan danahooda
gaarka ah ma matalaan ummadda Somaliland. Jambuuriyadda Somaliland
waxaa matala mad axdeeda ay doortaan. Sidaas ayaa Somaliland aanay
uga tirsanayn kana mid ahayn wax aa lagu magacaabo "Fadaraaka
Somalia".
5. DHIBAATOOYINKU MEELKASTA WAA KA DHACEEN: Arrintan iyadana sida
wax u dhaceen loogama hadlo. Waa run oo labada ummadoodba waxaa
saameeyay dagaalladii sookeeye oo u geystay burbur, geeri badan,
hanti beel, iyo barakac. Laakiin waxay ku kala duwanyihiin laba
arrimood. Waa midda kowaade, Somaliland waxaa dhibaatada u geystay
oo ku soo duulay waa Somalia halka Somalia ay iyadu isku geysatay
dhibaatada. Waa midda labaade, dadka Somaliland waxaa lagula kacay
wax aad uga fog islaamnimada iyo Somalinimada oo aan hore taariikhda
u soo marin. Waxaa ilaa hadda la helay 226 xabaal wadareed oo midda
ugu yar ay ku jirto 12 qof, waxaanay ku kala yaaliin: Hargeysa: 200,
Berbera: 12, Burco: 8, Ceerigaabo: 2, Gabiley: 2, Sheikh: 1,
Arabsiyo: 1, Xeebta Jazeera (Muqdisho) : 1. Dadka xabaalahan
wadareed lagu duugay ma ahayn dad hubaysan oo dagaallamaya, mana
ahayn dad ay haleeshay xabbad ordaysa balse waxay ahaayeen dad aan
dembi lahayn oo Sannadihii 1984, 1985, 1986, 1987, iyo 1988
guryahooda lagala bixijiray habeenkii gelinka dambe laguna
gummaadijiray magaalooyinka dushooda sida ay caddeeyeen hay'adaha
caalamiga ee dembiyada baadha (Internationa Forensic Science). Dadka
intaas le'eg waxaa loo gumaaday oo dembi looga dhigay magaca
qabiilkooda oo qudha.
Madaxda Somalia iyo dadka u dooda oo og dembiyada intaas le'eg ee
dhacay oo dadkooda ka qariya kuna hadaaqa maalinkasta midnimo
dembiile ah waa dad ka dhinsan damiirka iyo islaamnimada. Midnimo
laga dhaxlay dunuubta intaas le'eg waa xaaraan in la soo cesho.
Madaxweynaha Somalia, Sheikh Xasan Moxamuud, waxaa uu caado ka
dhigtay inuu yidhaado maalin kasta: "Annagu ku raadinmayno midnimada
xoog." Waxaan kuu sheegayaa Somaliland kuma xoroobin baryo, xabbad
ayaa lagu xorreeyay, waxaana lagu difaacayaa xabbad. Waxaan kugula
talinayaa inaad ka waantowda goodintaas daciifka ah. Adiga oo taadii
isu keenli la' oo dhaafila' madaxtooyada Xamar ayaad faanta.
Marka aad dhegeysato dadka Somalia ee u dooda waxa lagu magacaabo "MIDNIMO"
waxaad moodaa inay Somaliland ka haysato dhul iyo dad, waxaad moodaa
inay rabaan dhulka Som aliland oo aanay dadka Somaliland rabin
sababta oo ah marnaba ma xusaan xasuuqa weyn ee kor ku xusan. Waxaan
leeyahay dhulka Somaliland dadbaa leh ee maaha meel cidla' ah oo aad
usoo guurikartaan. Xukuumadda Somaliland iyo dadweynaha Somaliland
waxaan uga digayaa inay wadahadallo la yeeshaan xukuumadda iyo dadka
Somalia ee aaminsan 5 been ood ee kor ku xusan isla markaana
dastuurkooda ku sheegtay Somaliland. Wa Billaahi Towfiiq.
Ibrahim Hassan Gagale
Email: ibrahim_hg@yahoo.com
Taariikh: Feb. 9, 2013
|