Maayar Ku-xigeenka Gabiley Marwo
Khadra Xaaji Gaydh
 

Maayar Ku-xigeenka Gabiley Marwo Khadra Xaaji Gaydh, ayaa markii ugu ho reysay shaaca ka qaaday khilaaf ay sheegtay inay salka ku hayaan xafiiltan xisbi iyo wada-shaqayn la’aan u dhexaysa Golaha Deegaanka degmada Gab iley.

Guddoomiye Ku-xigeenka oo uu xalay xog-waraysi kooban la yeeshay Wargeyska Ogaal, waxay faahfaahin ka bixisay waxyaabaha dhaliyay gadood iyo Mudaharaad ay shalay sameeyeen Shaqaalaha Dawladda Hoose ee Gabiley, kaasoo sababay in Xabsiga loo taxaabo 7 qof oo ka mid ah Shaqaalahaas.

Waraysigaasina wuxuu u dhacay sidan;

Su’aal: Guddoomiye, siday wararku nagu soo gaadheen Shaqaalaha  dawl adda Hoose gadood bay sameeyeen, markaa maxaa sabab u ah arrintaa?

Jawaab: Waxa jiray inamo shaqaalaha dawladda Hoose ka mid ah oo Hanti-dhowru muddo ka hor baadhay, kuwaasoo lala xidhay Maayorkii hore oo lagu eedeeyay hanti-lunsi. Laakiin, inamadaa Shaqaalaha ah markii  Maxk amadda la saaray Maxkamaddu waxay tidhi wax hanti ah oo ku maqani ma jirto, waxayna amartay in xorriyadooda loo celiyo, mushaharkoodiina la siiyo, haddana waxa ka dambaysay Madaxweynaha oo qoraal uu soo qoray ku cafiyay inamadaas iyo Maayarkii horeba. Markaa, iyadoo arrintu halkaa maraysa ayuu Guddoomiyuhu yidhi Wasiirka (Daakhiliga) ayaa warqad soo qoray oo igu yidhi waa inaad inamadaa shaqada ka joojisaa, waxaanan ku camal falayaa warqadaa Wasiirka iiga timi, dabadeedna Guddiga Shaqaalaha dawladda Hoose ee Gabiley ayuu u yeedhay oo uu u sheegay. Ka dibna, guddigii iyo Shaqaalihii kale ayaa yidhi maadaama imanadaas Maxkamaddu fasaxday, Madaxweynuhuna cafiyay sabab shaqadooda looga joojin karaa ma jirto, markaa iyagiibaa mudaharaaday oo albaabada dawladda Hoose iyo xidhay. Markaa Maayarka Gabiley baa yimi goobtii, waxaanu yidhi annaga amarku xagaa buu iiga yimi, inamaduna waa inay sidaa shaqada faraha kaga qaadaan.

Su’aal: Waxa jira dad loo xidhxidhay gadoodkaa Shaqaaluhu sameeyeen, markaa maxaa xadhiga keenay, waase imisa qof inta la xidhay?

Jawaab: Horta, dadka kaleba maahee waxa la xidhxidhay guddigii Shaqaalaha iyo inamadii la lahaa shaqada halaga joojiyo laftooda, guud ahaana arrintaas waxa loo xidhay 7 qof.

Su’aal: Markaa, guddiga Shaqaalaha xadhigooda ma waxa loo cuskaday inay ka soo horjeesteen amarkaa Wasiirka?

Jawaab: Guddigu waxay yidhaahdeen warqada Wasiirku soo qoray waxa ka saraysa warqada cafiska ah ee Madaxweynuhu soo qoray.

Su’aal: Markaa, Maamul ahaan maxaa idiinka meel yaal arrintaas, ma in shaqaalahaasi ay sidaa shaqada kaga tagaan?

Jawaab: Walaahi, Maamul ahaan ama guddi Fulineed ahaan wax aanu kaga tashanay ma jiro, Xoghayaha Dawladda Hoose-na ma ogayn, Aniga laftayduna kama warhaynin arrintaas. Laakiin, arrintaasi waa mid uu Maayarka iyo Badhasaabka Gobolku gaadheen weeye, balse Badhasaabku arrimahayaga dawlad Hoose ahaan si degdeg ah uma soo farogelin karo. Taas bedelkeedana, waa in arrintaas ay ka tashadaan guddiga Joogtada ah ee Golaha Deegaanka iyo xubnaha Fulintu ama uu Golaha Deegaanku ka fadhiisto haddii nimadaa shaqada laga eryayo.

Su’aal: Markaa, sow tani uma muuqan karto qaybsanaan iyo khilaaf u dhexeeya Golaha Deegaanka Gabiley?

Jawaab: Horta, runtii Golaha Deegaanku wax wada-shaqayn ahba ma laha oo inankaa meesha qabsaday ee Maayarka ah uun baa meesha haysta, xataa Anigoo Maayar Ku-xigeenkiisa ah baan wada-shaqayn.

Su’aal: Markaa, maxaa sabab u ah arrintaas?

Jawaab: Waxa sabab u ah ajande uu isagu iska watay oo ahaa in aanaan wada-shaqayn, maadaama Anigu ahay xubin KULMIYE ka soo baxday.

Su’aal: Markaa, khilaafka iyo wada-shaqayn la’aanta idiin dhexaysaa waxay salka ku haysaa xafiiltan Xisbi miyaa?

Jawaab: Haa.
 

Wargeyska Ogaal