Maareeyaha Wakaaladda Biyaha Hargeysa oo ka muquurtay inuu horyimaado guddida joogtada Ah Ee Golaha Guurtida

Maareeyaha Akaalada biyaha Hargeysa Eng: Khaliif Cabdillaahi Xuseen ay aa ka baaqsaday inuu horyimaado guddida joogtada golaha Guurtida oo qoraal yeedhmo ah u diray Axadii toddobaadkii hore, taas oo ay balantu ahayad inuu guddida joogtada ah ee Guurtida horyimaado dorraad Axadii, ilaa haddana lama garanayo sababta uu uga baaqday maareeyaha  waka aladda Biyaha Hargeysa in hor imaanshaha guddida joogtada.

Guddoomiyaha guddida joogtada golaha Guurtida Cabdilaahi Ibraahim Xirsi oo aanu wax ka weydiinay sababta uu maareeyaha guud ee wakaalada biyaha Hargeysa u hor iman waayey guddida iyo inuu wax jawaab ah ka soo bixiyey baaqashadiisan, ayaa isagu sheegay inaanu ilaa hadda wax wargelina ka soo siinin sababaha baaqashadiisa balse waxa uu caddeeyey inuu maareeyaha Biyaha Hargeysa ka baaqsaday inuu ku horyimaado guddida dalabkii qoraalka ahaa ee ay ugu yeedheen, isagoo  guddoomiya ha joogtadu arrintaas ka hadlayana waxa uu yidhi “Maareeyaha wakaalada biyaha Hargeysa qoraal u yeedhida ayaanu u qornay oo aanu kaga dalbanayno inuu na hor yimaado hase yeeshee maareeyuhu nooma iman wax jawaabana nagama soo siinin sababaha keenay inuu kulankaas ka baaqdo, waxaanse filayaa in arrinkiisu yahay canaadnimo”

Mar aanu weydiinay guddoomiye Dhugad maadaama ay guddida qandara asyada qaranka ay u yeedhaan bal inay dalab u yeedhis ah u dirayaan ganacsatada laga iibiyey dhismayaasha dawladda, waxaanu taas kaga jawaabay Mudane Dhugad oo uu yidhi: “Qorshaha way noogu jirtaa inaanu u yeedhno dadka laga iibiyey guryaha iyo goobaha dawladda ee hantida guud ah, waxaanan kuu caddaynayaa in cidda laga iibiyey dhismayaasha danta guud aanu xog-waraysi la yeelan doono”.

Haatuf