caadil waa ilaahay

cilmigiisu badanyahay

muu dhalin caruuroo

isagana cidmay dhalin

casiis keliya weeyoo

inla caabudaa mudan

cidna lalama simayoo

caalamiinta oo idil

midka curiyey weeyaan

kii caabudaayiyo

ninka caasiyaayaba

isgaa cassis u ah

calaf waxan helayniyo

halkaan cidhib dhigeynaba

isagaa caddaan u og

oon caad kasaareyn

inta caadil uumayna

aadmigaa cid ugu dhaw

ceeluu uga arooriyo

qofba si u ucaabudo

kaasaa cid ugu dhaw

nin cadaynkaraan jirin

waa cilmi qarsooniyo

cibaaradiisa gaarka ah

cidhifyada adduunyada

dadka cuuranee jira

magac uu calmada iyo

qofba cod u kusheegaba

callow waxa lawada qirey

inuu caadilkeen jiro

anna waxan ku caabudi

caynaanka diintee

carfoonow rasuulkii

caadil noogu dhiibee

waa codkiisi nagu yidhi

rabi camaladiisana

quraankaa caddeeyoo

cad-cad noogu kala dhigay

markay tallo cakirantee

kugu ciirsantahayee

culleys kugu yimaadana

halka loola cararee

cabsida looga magan galo

eed cadaabta aakhiro

cafiska uga baryeysaa

waa caadilkeenee

macidbay kadadantahay

caqligaan shaqeynoo

ifkaan ciil kumudanee

allaw cidhibta aakhiro

kuwa loo cadgooyee

janada lagu casuumee

intay ciida joogeen

dambigay cantoobteen

laga cafiyo naga yeel

caamiyaan kanahayoo

cilmiyada adduunyada

kuma caano maalee

inlanoo cayimayoo

caanad lagu kordhini karin

ayaa caalinkeeniyo

digtoorkeen ku caanbaxay

xadaarada cirkaa iyo

u carcartay samadee

xidigaha cabireysaa

waa calaamad diintiyo

codka eebe lagu qirey

waase laga cadilanyahay

Mohamed Muhumed Eleye
{Suweys}
From Nederland