|
maansadan
waa maanso cusub [nin iyo geed]
Waxaan salaamaya dhamaan dad
waynaha reer soomliland iyo shaqaalaha webka [Tima cadde ]. waa
maanso waano iyo tilaamo ah jiiftadani waxa ay u socotaa habka laba
dhaca oo ay isu raacraacsantahay waxay ay soo baxday 21-2-10 waana
jiifto gaban waxa uu yidhi
xiliyadan gudaayiyo
waayahan gabaabsiyay
gabanada is bidayiyo
waayeelkan gamashiyay
garawshan la diidiyo
gartan laysku wada furay
goobalayda leelada................[.leelo goobalay]
gododkeedi laga raray
gurdankiyo gabaaraha............gabaara gurdays]
geel-jiraha loo diray
gocashada xusuusaha
hadba geesi soo faqay
gudbiyaha u jeedada
goldoloolo sii baday
gasariirka ciil qabe
garan waayay tiisii
gujisyada cadaawaha
gaargaarka ula faqay
gunimada nin qaayibay
gaashaanka loo yahay
kala gurasha joogtiyo
gaboodsiga xumaatada
runtan gaabinaysiyo
beentan orodka giriflayn
guraabaaska muuqdiyo
gaydhiyo dabaylaha
garan-waaga faalada
guntimaha ka daydayay
gooxaaligeediyo....................[.booxaali ]qasab baa jira
hadba gacan togaalayn
gulufyada la dirayee
hadba geedi loo raro
galbisyada la wada.een
gaaf loo samaynayn
gaaleefta madhanee
galka lagu dahaadhsaday
gudasha xil-li,idee
amaan loogu goodiyo
gurbiyaha xaqeedee
wali gaajadii qaba
shanta laba ku guurtee
la gadmaday boqoolaha
toban toban gufaysoo
wali raacdo dheer galin
gabaarayda xaandiyo
gafanaha ku hoos jira
muska layska gurayiyo
gaadaha balaysimay
sahankeedan gudhan iyo
gabaahiir u toydaha
guunyaday xerinaysee
ceelalyadu u sii galin
gabanada ka baydhiyo
gadh madoobe uga hadhay
gocosyada dhacaayiyo
gahaydhii u yeedhyeedh
kunka goonyahiisiyo
sagaalkii gantaalood
lixda eber godkoodii
maantay ku guurtaa
galaayuuska muuqdaa
wa galab carowgii
isla garashan waagii
falalkii guyaal hore
wali maan ku gaasirin
garaabiido iga dheer
wali raadka guridiis
guutooyin baa jira
hangoolkiyo sidii baan
gudintii u haystaa
hubsiimadu ged weeyaan
miyir lagu gardaadshaa
fudayd baa gawaan dhiga
qof ka giigay waanada
gaawaad u sidataa
galoof iyo hal gudhana-ah
naasaad gujinaysaa
godolkoodu wali yahay
nabad baad ku goohdaa
dulmi baa gondaha dhigay
godob baad tirsanaysaa
kii galayna maba oga
ehel baad ku goohdaa
nacab uu gardaadsaday
waxa aan ku gaabsaday
gabaygana ku soo xidhay
doraad gaabiskaagii
yaa haadku kugu gigay
shalay gogol dhigaagii
maantaba ku godob beel
kal garo nin iyo geed
gayigiyo dalkaba eeg
nafo layska guryiyo
maaha geeri joogtee
food baa la galaya
guushu ay hadhsanaysa
dhamaad hadaan wa qalday waa shaydaan iyo naftayda hadaan saxayna
boqorka kili ahaaday baa mahadi u sugantahay
qolqol3@hotmail.co.uk
|