“Cid Kasta Oo Dalka
Maalgalinaysa Wuu Furan Yahay, Waana Balan Qaadkii Xukuumadu Balan
Qaaday In Ganacasigu Xor Yahay Oo Lagu Tartami Karo”
Wasiirka Boosaha Axmed Xaashi Oday
Hargeysa, June 2, 2011(TNN)-Shirkadda wadaniga ah ee Gulf Petroleum
ayaa ku dhawaaqday in dalka Somaliland keeni doonto shidaal Bishan
June ee 2011-ka, islamarkaana ay dalka soo gaadhsiin doonto shidaal
tayo leh oo qiimaha uu duniada ka marayo la jaanqaadaya.
Waxaana sidaasi lagaga dhawaaqeen Xaflad balaadhan oo lagu
wanqalayey shirkadaasi Gulf Petrol eum Trading Company oo shalay
lagu qabtay Hotel Maansoor ee magaalada Hargeysa
Xafladan loogu wanqalayey Companiga Gulf Petroleum oo ahayd mid si
qurux badan loo soo agaasim ay waxa ka soo qaybgalay Wasiiro,
Xildhibaano, Ganacsato, Aqoonyahano, Salaadiin iyo marti shar af
badan.
Wasiirka Boosaha iyo Isgaadhsiinta ee Somaliland Axmed Xaashi Oday
oo xafladaasi ugu horeyn ka hadal kooban ka jeediyay ayaa sheegay in
ay ka xukuumad ahaan soo dhawaynayaan cid kasta oo maalgashanaysa
Somaliland waxanu yidhi “Xukuumada Somaliland waxa ay balan qaaday
in Cid kas ta oo dalka Somaliland maalgalinaysa in uu u furan yahay,
waana balan qaadkii xukuumada Somalila nd balan qaaday in Gancasigu
xor yahay oo lagu tartami karo, Shirkadanina waxa ay noqon doontaa
kuwa ugu horeya ee maal-gashada dalka, kuwa kalena way soo raaci
doonan oo way ku dayan”
Isaga oo hadalkiisa sii wata waxa uu wasiirku intaa ku daray
“Maalgashigaas la yidhi dalka ha la maa lgashado waxay ka danbeysay
kadib markii madaxweynaha iyo waftigiisii tagay Dalka Imaaradka
Carabta ay cid waliba ay u sheegtay in ay diyaar u yihiin in ay
dalka maalgashadaan, Shirkadan Gulf Petroleum waxaan ugu
hambalyeynaynaa in sida ay ugu soo dhiiradeen in ay Somaliland
maalgashi ka sameeyaan, maalgashigu waxa ugu weyn ee faa’iidadiisu
tahay waxa weeyi in shaqo abuur laga helo”Ayuu yidhi Wasiirku
Rooda Axmed Yasiin oo ka mid ah Saraakiisha sar sare ee shirkada
ayaa sheegtay inay dadka reer Somaliland u keenayaan shidaal jaban,
waxa kale oo ay intaa ku dartay, in ay tahay masuulkii ugu horeyay
ee dumar ah ee madax sare ka noqota shirkadaha shidaalka dalka.
Waxa kale oo isaguna halkaasi ka hadlay wasiirkii hore ee dibu
dajinta haatana ah Maareeyaha Guud ee shirkada Gulf Petroleum.
Maxamed Yuusuf Waxanu sheegay in shirkadani tahay mid shidaalka ge
ysa meelo badan oo aduunka ah. waxanu tilmaamay in shidaalka ay
keenayaan uu yahay mid Jaban oo Tayo leh isagoo faahfaahinayana waxa
uu yidhi “Shidaalku waa tamarta uu dalku ku shaqaynayo, haddii aanu
shidaal jirina wax kala soconayaa ma jirto, markaa shirkadaydani
waxa ay soo bandhiga ysaa shidaal tayo leh oo joogto ah iyo Qiimo
Macquul ah. waxaanu xarumo ka furanay magaalooyin ka Somaliland sida
Berbera, Burco, Hargeysa iyo Boorama oo aanu dhawaan ka furayno
xafiis, waxa anu shidaalka ugu horeeya dalka keenaynaa bisha June ee
aynu ku jirno”Ayuu yidhi Maxamed Yuus uf
Xildhibaan Axmed Yaasiin Sh.Cali Ayaanle oo ka mid ah Xildhibaanada
Golaha Wakiilada Somaliland oo isaguna ka hadlay xafladaasi ayaa
sheegay in ay soo dhawaynayaan shirkadan shidaalka keenaysa ee Gulf
Petroleum waxanu u soo jeediyey in ay dalka keenaan shidaal tayo leh.
Ugu dambayn waxa xafladaasi soo gunaanaday Guddoomiyaha Shirkadda
Gulf Petroleum Trading Co mpany Guuleed Jaamac Faarax oo sheegay in
shirkadoodu tahay mid ka turjumaysa baahiyaha dad weynaha, isaga oo
xusay in dalka Somaliland Bishan June ay keeni doonaan shidaalkii
ugu horeyay. Waxa kale oo uu tilmamay in shirkada Gulf ay tahay mid
ka shaqaysa Dalal badan oo Dunida ku yaa la, islamarkaana xidhiidh
wayni ka dhexeeyo shirkadaha ganacsiga Imaaraadka ee shidaalka
Waxa kale oo iyaguna halkaas ka hadlay Xildhibaano Aqoonyahano iyo
Masuuliyiin kale, oo dhamaan tood sheegay in dalka laga soo
dhawayanayo Shirkada Gulf Petroleum Trading Company ummada reer
Somaliland-na gacmo furan ku qaabilayaan inay dalka keento shidaalka.
Source:Haatuf
|