Ma dhab-baa in Shirkii
Golaha Wasiirrada lagaga hadlay cabasho ka timi dawladda Itoobiya?
Hargeysa (TNN)- Agaasimaha Idaacadda dawladda ee Raadyow Hargeysa
Mr. Maxamed Siciid Muxu med, ayaa looga yeedhay laanta
dambi-baadhista ee CID-da Hargeysa.
Inkastoo aanu jirin war rasmi ahaan wasaaradda Warfaafinta iyo CID-du
ka soosaartay arrintaas, haddana siday ilo xogogaal ah u xaqiijiyeen
Wargeyska Ogaal, waxa Agaasimaha Idaacadda loo ye edhay
Khamiistii aynu ka soo gudubnay, si wax looga waydiiyo hees ay
Idaacaddu todobaadkii hore baahisay.
Warku wuxuu intaa ku daray, in CID-du Agaasimaha idaacadda wax ka
waydiisay heestaas oo lid ku ah dawladda Itoobiya oo xidhiidh
wanaagsani ka dhexeeyo Somaliland, iyadoo sida la sheegay shal
ay markale loo yeedhay Agaasimaha.
Ma cadda waxyaabaha ka soo baxay baadhistaas iyo waxa sababay
baahinta heestaas oo la samee yay waqtiyadii ay socdeen
dagaaladii 1964 iyo 1977-kii dhexmaray Jamhuuriyaddii burburtay ee
So omaaliya iyo dawladda Itoobiya, kuwaasoo xilliyadaas dacaayado
dagaalkaas ku saabsan hawada isu marin jiray. “Agaasimaha waxa lagu
haystaa hees Raadyow Hargeysa baahisay oo liddi ku ah Ito obiya,
CID-duna dhawr jeer bay u yeedhay,” sidaa waxa yidhi suxufi ka
cudurdaartay in magac iisa la xuso.
Dhinaca kale, shirka Khamiislaha ah ee golaha Wasiirada Somaliland,
ayaa la sheegay in kulankoodii u dambeeyay lagaga hadlay cabasho
sida la sheegay dawladda Itoobiya ka muujisay heestaas ay Ra
adyow Hargeysa faafisay. Sida warku sheegay, shirkaa golaha
Wasiirada ee Khamiistii la soo dhaaf ay waxa sida la sheegay
la iskula qaatay in wasiirka Warfaafinta Mr. Axmed Cabdi Xaabsade uu
CID-da u gudbiyo arrintaas ay dawladda Itoobiya ka cabatay, si
baadhitaan loogu sameeyo, isla marka ana talaabo looga qaado
cidii masuulka ka ahayd arrintaas, maadaama uu labada dal xidhiidh
muddo oyinkii u dambeeyay sii xoogaysanayay ka dhexeeyo. Ma cadda in
cabashadaasi ay ahayd mid qora al ah oo Safaaradda Itoobiya ee
Hargeysa Xukuumadda u gudbisay iyo inkale.
Hase yeeshee, inkastoo maamulaha Idaacadda xarunta CID-da looga
yeedhay, haddana waxa jira warar sheegaya in wasiirku warqad digniin
ah shalay u qoray Mr. Maxamed Siciid Muxumed iyo Fars a
moyaqaankii maalinta heesta la baahiyay shaqada ku jiray.
Xigasho: Wargeyska Ogaal
|