Ma dhab-baa in fadhi
aan caadi ahayn la isugu yeedhayo Mudaneyaasha Golaha Guurtida?
“Fadhigan aan Caadiga ahayn oo la Sheegay in lagaga Doodayo Xeerka
Isgaadhsiinta ee Kootada Jidaynaya, iyadoo Shirgudoonkuna ka
Faaiidaysanayo Gudoomiyaha Guurtida oo
Dalka ka Maqan”
Hargeysa(TNN)- Shirguddoonka golaha Guurtida Somaliland, ayaa la
sheegay inuu ku hawlan yahay sidii uu golahaasi u yeelan lahaa fadhi
aan caadi ahayn.Inkasoo aanu jirin war rasmi ahaan Shir gudd oonku
ka soosaaray arrintaas, haddana siday ilo xogogaal ahi sheegeen,
waxa la filayaa in Shirgud doonku maalmaha soo socda uu
mudaneyaasha oo hadda fasax laba bilood ah ku jira ugu baaqo fad hi
aan caadi ahayn, iyadoo uu hadda dalka ka maqan yahay guddoomiyaha
Guurtida Saleebaan Ma xamuud Aaden. “Waan maqlay warka ku saabsan
arrintaas (fadhiga aan caadiga ahayn), laakiin ma aha war
Shirguddoonka naga soo gaadhay,” sidaa waxa yidhi mudane ka tirsan
golahaas.
Siday ilahaa xogogaalka ahi tibaaxeen, waxa uu Shirguddoonku
qorshaynayaa in goluhu fadhiga aan caadiga ahayn kaga doodo xeerka
Isgaadhsiinta ee Kootada jidaynaya oo Axaddii todobaadkan gol
aha Wakiiladu ansixiyay, iyadoo sida la sheegay ujeedadu tahay in
laga faa’iidaysto maqnaanshaha guddoomiye Saleebaan Maxamuud Aaden
oo haatan fasax ku jooga dalka Ingiriiska.
Siday xoguhu tibaaxeen, intii ansixinta xeerkaas ka dambaysay waxa
socday dhaqdhaqaaqyo lagu doonayay sidii inta guddoomiyaha Guurtidu
maqan yahay golahaas loo horgeyn lahaa xeerkaas oo ka soo horjeeda
ganacsiga suuqa xorta ah ee Distoorku damaanad-qaaday, isla markaana
jidaynaya in shirkadda Somcable oo Xukuumaddu heshiis la gashay ay
Kooto ku haysato xadhiga Isgaadhsiinta Badda hoosteeda mara ee Fiber
Optic Cable.
Mudaneyaasha golaha Guurtida oo 2-ii bishan aynu ku jiro ee April
fasax laba bilood ah galay, waxa sharciyan fadhi aan caadi ahayn
isugu yeedhi kara Madaxweynaha iyo Shirguddoonka golaha, haddii ay
xaalado dagaal, aafooyin dabiici ah iyo amaan-darro dalka soo
wajahaan.
Hase yeeshee, haddii Shirguddoonku arrintan warkeedu soo duulay ku
talaabsado, waxay sii hurin kartaa xasaasiyada Kooto-diidnimo ee ka
dhalatay go’aanka golaha Wakiiladu ku ansixiyay xeerka Isgaadhsiinta.
Source: Ogaal
|