Ma dhabaa Jabuuti ma ogola Jiritaanka Somaliland….?!

Dawlada jabuuti iyo doorkii halganka Somaliland.

Umad waliba waxay leedahay ayaamo ku xardhan taariikhdeeda oo  a an la ilaawi karin
Dalka soomalilandna waxa uu soo maray marxalado kala duwan. Hada ba akhristow hadaad dib u raacdo taariikhda oo aad hubiso doorkii dawlada jabuuti ku lahayd halkangii dib u xoraynta Somaliland waxa kuu muuqanaysa maalmo lama ilaawaan ha oo dawlada jabuuti  horm ood ka ahayd in Somaliland xoroowdo, bal u fiirso dhacdooyinka soo socda.

Doorkii Dib u xoraynta dalka.

Dawlada jabuuti waxa ay si badheedha oo aan qarsoodi ahayn u taageertay halkangii ururka S.N.M, waxay noqotay saldhig laga duulo oo halganka laga abaabulo, rag badan oo aqoonyahanda Somaliland ah oo halgankaa hormoodka ahaa waxay qirayaan in dawlada jabuuti la’aanteed halgankii S.N.M aanu taabo galeen., haday tahay xag dhaqaale iyo haday tahay xag abaabul iyo haday tahay marin loo maro tagitaanka Ethiopia oo markaa saldhig u ahayd halgankii hubaysnaa..
Dad badan oo reer Somaliland ah ayaa Jabuuti u hayaamay markii dagaaladu dhaceen oo ay gabood u noqotay.

Kusoo guryanoqoshadii dalka.

Markii Dalka laguu soo noqday ee Jamhuuriyada Somaliland lagu dhawaaqay, taakuulayntii ugu horaysay waxay ka timi dalka Jabuuti oo saldhig u ahayd Tujaarta Somaliland oo iyagu ah halbawlaha dhaqaalaha Somaliland ilaa maanta, hadii aanay Somaliland ku tiirsanayn Jabuutina dhaqdhaqaaqa ganacsi ma hirgaleen.

Gargaarka Caafimaad.

Dalka jabuuti waa meesha kaliya ee Somaliland ka raadsato gargaar caafimaad oo deg-dega, waxaan tiro lahayn muwaadiniinta reer Somaliland ee lagu daweeyo cusbitaalka Jabuuti haday tahay shakhsiyaad magac leh iyo haday tahay dad rayid ah intaba, hadii aad dib u eegto tii ugu dambaysay waa dhacdadii 29-Oct-2008 qaraxyadii ka dhacay hargeysa maalintaasi waxa dadkii loola cararay Jabuuti oo lagu daweeyey, bal ogow maalinta aad liidato nin gacan ku siiyey, waa abaadalada ay adagtahay in bani’aadamku galo.

Hadaba hadii aad qiimayso maalmaha kor ku xusan ee soo maray Somaliland iyo doorkii Dawlada Jabuuti ku lahayd waxa kuu muuqanaysa in dawlada Jabuuti iyo Somaliland yihiin Ul iyo diir, dad wada dhashay oo walaala ah oo ayaamaha qadhaadhna qaybsada, waxa is waydiin leh jabuuti miyey diidan tahay jiritaanka Somaliland? Waxay dad badani sheegayaana ma dhabaa?

Qofka bani’aadamka ahi waa kii xisaabtama ee wax isku geegeeya natiijada u soo baxdana ku meel mara, hadaba akhristow hadii aad dib u jaleecdid dhacdooyinka aan kuu sheegay iyo qaar kale oo aanan tilmaamin natiijada kuu soo baxaysaa waxa weeyi

Jabuuti waxay garab taagan tahay Somaliland( bal dhagayso waraysiyadii ugu dambeeyey ee Madaxweynaha Jabuuti kaga hadlay Somaliland iyo horumarkooda aan la dafiri karin).

Guntii iyo gabagabadii waxaan dadka reer Somaliland u sheegayaa (si xun wax u sheeg sixir ka daran). Xus baa la diidayna waa sheeko la xeeladeeyey.

Jabuuti iyo Somaliland waa walaalo wada dhashay oo dhiig iyo dhalas ho wadaaga , xiqdi iyo xaasinimana dhex oolin.
 

Daaha Nuur Cali
Wakiilka Jabuuti ee Bristol
nour ali taaha
taaha58@hotmail.com