Kulankii Xisbiga UCID Iyo Jaaliyadda Somaliland
Ee Birmingham UK
Waxaa Maanta Sabti ahayd
taariikhdu ahayd 07/03/09 ka dhacay Birmingham shir si heer sareeysa
loo soo agaasimay kana soo qayb galeen dadweyne tiro badan , Shirkan
waxaa marti ku ahaa Hogaanka sare ee Xisbiga Qaranka ee Ucid oo ay
ka mid ahayeen Gudoomiyaha Xisbiga ahna Murashaxa madaxweynihiisa
Eng Faysal Cali Waraabe, Gudoomiyaha Golaha Wakiilada Mudane
Cabdiraxmaan Maxamed Abdilahi (Ciro), Gudoomiye ku Xigeenka 1aad ee
Xisbiga Ucid Mudane Adan Mire Waqaf, Murashaxa Madaxweyne/K/Xigeenka
Xisbiga Mudane Dr Maxamed Rashiid Sh, Xasan iyo Madax kale oo
xisbiga ka tirsan ,Waxaa kaloo shirka ka soo qayb galay xubno kamida
Tageerayaasha 2Xisbi Qaran ee Kulmiye Iyo Udub .
Xaflad ay ku kulmeen Madaxda Xisbiga Ucid Iyo Jaaliyada Ku dhaqan
Birmingham Qadar yar oo isbarasho ahaa ka dib waxaa daadiyaha shirka
Dr, Cabdiqaadir Keyse Macaleesh ku soo dhaweeyey Weftiga Birmingham
waxaana Gudoomiyaha shirka Dr,Cabdiqaadir Uu codbaahiyaha ku soo
dhoweeyay Mudane Aabi oo ka mida odayaasha magaalada oo shirka ku
furay ayaado Quraana Iyo Waano iyo hadalo maada oo aad ugu qosliyey
dadweynihii madashaa ku sugnaa una soo jeediyey dadweynaha Iyo
Madaxda Xisbiga Ucid Gaar ahaan Gudoomiyaha Barlamaanka ,isagoo
sheegay inay shicibku u baahanyihiin in waxqabad dhaba loo qabto
dhinackasta Wuxuuna xusuusiyey in Gudoomiyaha Barlamaanka oo ka soo
jeeda xisbiga Ucid uu ku yimi isbahaysigii ay la sameeyeen
Xisbigiisu Xisbiga Kulmiye oo uu ku soo baxay Gudoomiyaha
Barlamaanku sidaa daradeed Arimahu ay maanta adagyihiin hadana loona
baahanyahay ayuu Yidhi in Xisbiga Ucid ku noqdo Xisbigii
kale(Kulmiye) ee Mucaaradka ahaa lana tashado wax go,ana ay
Somaliland u keenaan .
Intaa ka dib Waxaa Gudoomiyaha Shirka Dr, Cabdiqadir Keyse Macaleesh
uu ku soo dhaweeyey Gudoomiyaha Ucid ee Birmingham Mudane Wacays
Axmed oo halkaa hadalo muhiima ka jeediyey kuna soo dhoweyeeyey
waftiga Birmingham,isagoo Gudoomiyuhu aad ugu mahadnaqay Jaaliyadda
Somaliland ee Birmingham sida ay u soo dhoweeyeen waftiga Xisbiga
Ucid ee booqashada ugu yimi .
Intaa kadib waxaa lagu soo dhoweeyay Gudoomiyaha Xisbiga Ucid ee UK
Ibraahim Maxamed Axmed (Ibraahim Rashiid) isagoo Gudoomiyuhu mahad u
jeediyey dadweynaha xaflada ka soo qaybgalay iyo intii soo
qabanqaabiseyba wuxuuna sheegay in ay booqashadooda ay u soo
gaabiyeen hawlaha ku soo kordhay wadankii ee dhinaca isbedelka
waxaanu jeediyay warbixin gaaban nuxurkeeduna ahaa in dalku 3xisbi
qaran leeyahay ,loona baahanyahay in la tageero Xisbiyada mucaaradka
ah siiba dhinaca dhaqaalaha ,isagoo sheegay in xisbiga iminka jira
la tijaabiyey lakiin uu yidhi waa in aad anaga na tijaabisaan,
isagoo sheegay in wadankii u baahanyahay isbedel, gacanteena ayaanuu
ku jiraa isbedeku ayuu yidhi ,dalkii cidna uma maqna ,ceelna uma
qodna waxaanu ku soo gabagebeeyey Gudoomiyuhu in loo baahanyahay in
la helo xukumad lagula xisaabtamo dalka.
Waxaa isna halkaa ka hadlay Gudoomiye ku xigeen 2aad Xisbiga Ucid,
Md Ahmed Fagfagaash wuxuu sheegay in dadku ay warka hayaan oo aan
war idinku seeganayn dalkii , isagoo sheegay in loo baahanyahay in
lala xisaabtamo cid kasta oo masuuliyad la saaro ,waxaanu sheegay in
qaxooti badan ay ku suganyihiin dalkeenii saameyn ay ku yesheen
dhinac kasta loona baahanyahay in helo qorsho arimahaa lagu waajaho
,isagoo sheegay in loo baahanyahay in aan la ilaawin dadkii xasuuqa
ka geystay Somaliland ee dalkan denbiga ka galay oo agteena maraya,
waxuna sheegay in lala xisaabtamo cid kasta oo denbi ka gashay
dalkan , loo baahanyahay ayuu yidhi in xisaabtan yimaado markasta .
Waxaa dabadeed Gudoomiyaha shirka Dr,C/qadir Keyse Macaleesh ku soo
dhoweeyey G/Xigeenka Xisbiga Ucid Mudane Adan Mire Waqaf wuxu marka
hore aad ugu mahadnaqay jaaaliyadda Somaliland Birmingham sidii
diiranayd ee ay usoo dhoweeyeen iyo qiimaha aad na siiseen ayuu
yidhi oo uu u mahadnaqay soo dhaweyntaa ”waxuuna runtii halkaa ka
jeediyay Qudbad dheer aad u cajiiba oo dadkii madashaa joogay ay aad
ula dhaceen isuguna jirtay hadal dardaaran ah iyo gubaabo oo uu
dadka reer Somaliland gaar ahaan qurba jooga ujeediyey kuna booriyay
inay midoobaan oo ka
shaqeeyaan danta ka dhexaysa, qofwalbana uu ku dadaalo sidii uga
qayb qaadan lahaa horumarka wadankiisa, in la helo Maamul fiican oo
kii yimaada wax ku sii daro, Cadaaladna lagu gaadhikaro kitaabka
quraanka ilaahay soo dejiyey ,isagoo sheegay in Qabiil waxuu bixin
karaa yahay oo keliya caaqil iyo suldaan , lakiin midnimo ayaa
bixinkarta Madaxweyne , Qabiilkuna waka qayrkeen inaga reebay, G/Xigeenku
hadalo badan oo qiimo leh ayuu ka jeediyey xafladaa.
Waxaa hadalkii lagu soo dhoweeyay Gudoomiyaha Barlamaanka Somaliland
Mudane Maxamed Cabdilaahi Ciro wuxuu si kooban uga waramay
Somaliland iyo halka uu maraayo iminka iyo in wadanku u baahanyahay
Maamul fiican oo Mustaqbalka wadanka haga, waxaa kaloo uu ka
warbixiyay Baarlamaanka Somaliland ee uu Gudoomiye u yahay iyo
waxqabadkiisii iyo weliba Carqaladaha ka horyimi intii ay hawsha
wadeen, isagoo sheegay in ay yihiin Barlamaankii u horeeyey ee
UMaddu soo doorato ,ayna shaqeyeen lakiin carqalado la hordhigay
Barlamaanka oo sharciyo badan lagu soo celiyey hadana ay sameeyeen
ugu yaraan ilaa 12 Xeer oo dhaqan galay, .
Waxaa isna halkaa ka hadlay Murashaxa Madaxweyne K/Xigeenka ee
Xisbiga Ucid Mudane Dr Maxamed Rashiid oo ka sheekeeyey Taariikhdii
hore ee Somaliland ay soo martay iyo Mustaqbalka halka aynu
higsanayno wuxuu sheegay in aynaan joogin halkii ay ahayd inaynu
maanta joogno laakiin weli waxaan haysnaa fursad qaaliya oo loo
baahanyay inaynu ka faa’idaysano qaladaadkii aynu galnay si aynu
mustaqbal fiican u higsano.
Ugu danbayntii Waxaa hadalka lagu soo dhoweeyey Gudoomiyaha Xisbiga
Ucid ahna Murashaxa Madaxweynaha ee Xisbiga Eng Faysal Cali Waraabe
oo lagu soo dhoweeyay Sacab Iyo Mashxarad aad u badan.,Gudoomiyuhu
Wuxuu si qoto dheer uga waramay Wadankii iyo xaaladiisa dhabta ah ee
uu ku suganyahay maanta wuxuu dadkii xafladaa joogay ku booriyay in
gacmaha ay is qabsadaan oo qof walba halkiisa Madaxweyne ka noqdo oo
shaqadana lagu halayn qofkeliya , waxuu ka sheekeeyey Gudoomiyuhu
barnaamijka iyo wax qabadka Xisbigooda haddii ku guulaysataan xilka
Hogaanka Somaliland,isagoo sheegay in ay dadku iska dhafaan
Qabyaalada iyo Qaadka iskuna duubnadaan,isagoo sheegay in loo
baahanyahay in dowlad wadaaga oo dalka ka saarta marxaladan jirta
iminka . Waxaa halkaa su,aal ka jeediyey Eng Axmed Cali Caynaba oo
ah Odayaasha Magaalada Birmingham oo weydiiyey Gudoomiyaha
Barlaamaanka Madaama Doorashaddii lagu beegay ayuu yidhi 31May09 iyo
waxii ka danbeeya ,lana ogyahay Xeebaha Somaliland ee Min Sanaag
ilaa Seylac Cimiladooda Waqtigaas oo aanay suurtagal ahayn
Doorashadu
xiligaa sida xaalku noqonaayo,,,,,
Jawaab ,Gudoomiyaha Barlamaanka oo ka jawaabay su,aasha Eng Axmed
Cali Caynaba ayaa sheegay in Doorashadii hore 29March ay ku
saleysnayd Cimiladda Dalka oo dhan lakiin ay u baahantahay xaaladuna
tixgelinteeda intii aan soo maqnaana ayuu isbedelkani yimi ,
saaxafadana waan ku arkay kahadalka xaaaladan oo dadka degaanku ay
ka hadlayaan waxaana loo baahanyahay ayuu yidhi in Xaaladani ay
leedahay tixgelinteeda.
Waxaa iyaguna halkaa su,aalo weydiiyey weftiga Maxamed Xuseen Geele
oo ka mid ahaa dadweynihii ka soo qaybgalay isagoo weydiiyey in ay
halkan balanqaad ku sameeyaan Xisbiga Ucid in aydaan ka noqonayn
Go,aanka in 6/04/09 aan dowlada jirtaa joogikarin oo la helo maamul
kale oo bedela, isagoo sheegay haddii aad ka werwereegtaan in ay
imanayso xantii la sheegayey ee ahayd waa SubStation . Gudoomiyaha
Ucid ayaa sheegay inay amar tahay ee aanay Su,aal ahayn lakiin hala
bedelee ayuu yidhi ma haysaa cidii aan ku bedeli lahayn ? . Intaa ka
dib waxaa lagu soo dhaweeyey Xaflada Mudane Mubaarik Yusuf
Cilmi(Bidhi) oo ah Wakiilka Ciyaaraha Somaliland iyo Tafatiraha
Shabakada Ciyaaraha Togdheersport oo ku soo bandhigay halkaa qaarka
mida Qalab uu leeyahay Xulka Qaranka Somaliland ay ku xardhantahay
caalamada qaranka Somaliland oo igala shaqeeyey ayuu yidhi calamada
Muwaadin Khaalid la yidhaahdo ,oo aad uu uga soo shaqeeyey qaybweyna
ay ka qateen ayuu yidhi hawsha inteedii kale Ururo Somaliland ah Iyo
Shirkada Dahabshiil , isagoo halkaa ka jeediyey warbixindheer oo ku
saabsan xaalada Ciyaaraha Somaliland oo muddo dheer ku soo dhexjirey
welina uu wado,isagoo sheegay in uu hayo Qalabkan oo ah mid qaaliya
oo qiimo ugu fadhiya Qaranka Somaliland.
Shirkaas ayaa ahaa mid si qurux badan looga soo shaqeeyay qofkastana
helayey fursad uu ku hadli karayey ujeedada hadalkiisuna ahayd mid
kooban , waxaana si layaableh u daadihinaayay Mudane Cabdiqaadir
Keyse Macaleesh oo ah Aqoonyahanka degan Birmingham.
Guud ahaan wuxuu ahaa shirkani mid ku dhacay jawi wanaagsan oo aan
halkan lagu cabiri Karin oo soo jiitay dareenkii ka qaybgalayaasha
waxaana ka muuqday ka soo qaybgalayaashii Dareen farxadeed oo ay u
bogeen Xaflada loo qabtay Xisbiga Ucid .
By: Adan Yusuf Elmi , Birmingham
UK
|