KOMISHANKA DOORASHOOYINKA SOMALILAND OO KU DHAWAAQAY MAALINTA AY BILAABMAYSO OLOLAHA DOORASHOOYINKA MADAXTOOYADU…..
 

Hargeysa (TNN)-Afhayeenka Komishanka Doorashooyinka Somaliland Md.Maxamed Axmed Xirsi (Geelle) oo shir jaraa’id ku qabtay Huteelka Imperial ee Magaalada Hargeysa ayaa sheegay in olalaha doorashada Madaxtooyadu uu si ramsi ah u bilaabmi doono Khamiista Fooda inagu soo haysa ee 3-da Bisha June ee fooda inagu soo haysa,waxaanu yidhi “Waxaan maanta ku  dhawaa qaynaa Komishan ahaan xiliga rasmi ahaan uu u bilaabmi doono olalaha doorashada  Madaxtooya da waxaanu bilaabmi doonaa 3-da Bisha June oo ku beegan maalin Khamiis ah waxaanu socon doonaa muddo sadex Todobaad ah olaluhu wuxuu xidhmayaa maalin Arbaca ah oo ku beegan   23-ka Bisha June,waxaanu xisbi kastaa yeelan doonaa hal todobaad hase yeeshee maalmihiisa iskuma wada xigayaan. Maalinta koowaad waxa olalaha samaynaya xisbiga UDUB, maalinta ku xigtana xisbiga KULMIYE maalinta sadexaadna xisbiga UCID sidaasi ayuu u socon doonaa.”

“Waxaan Maayarada Magaalooyinka iyo Badhasaabada Gobolada aanu la socod siinaynaa inay  xi sbi walba maalintiisa u tix geliyaan oo ay ka caawiyaan sidii ay olalahooda ugu qabsan lahaayeen fagaareyaasha, waxaanu leenahay xisbi walba jid-walkii ololaha waanu siinaye’e ha ilaashadaan oo ha ixtiraamaan maalinta xisbiga kale leeyahay yaanay Fagaareyaasha tagin oo aanay ku  orin in, waxa bari dhawayd dhacday in xafiis xisbi ay xisbi kale tageen oo rabshadi ka dhacday  halkaa si, arrimahaasna waanu ilaalinaynaa Anaga iyo Guddida kormeeraysa Anshaxa doorashada,”ayuu yidhi Md. Maxamed Axmed Xirsi.

Afhayeenka Komishanka Doorashooyinku waxa kale, oo uu ka waramay in hawshii kaadhad  bedel ka Codbixiyeyaashu ay u hirgashay si wanaagsan oo Codbixiyeyaasha doorasgada  Madaxtooya du ay qaateen kaadhadhkoodii cusbaa, waxaanu tilmaamay in tobankii maalmood ee dheeraadka ahaa ee lagu daray qeybinta kaadhadhka cusub la soo gabo-gabayn doono Maalinta Isniinta ee fooda inagu soo haysa.

Afhayeenka Komishanka Doorashooyinka oo la weydiiyay in xukuumadu ka soo jawaabtay  dalab koodii la xidhiidhay in la soo qab qabtay dadkii qaatay kaadhadhka badan waxaanu sheegay in arrintaasi tahay codsi taagan oo aanay xukuumadu wali ka soo jawaabin,waxase uu ku dooday inay jiraan qorsheyaal ay doonayaan inay ku xakameeyaan dadkii hal mar wax ka badan qaatay marka la gaadho maalinta doorashada.
 

Source:Togga herer