Komishanka Doorashooyinka oo Itoobiya la Tagay Xogo ay ka Heleen Liiska Diiwaangelinta
 

Hargeysa (Timacade News)- Guddiga Doorashooyinka Qaranka iyo xubno ka mid ah hawlwadeenada la shaqeeya, ayaa safarkii labaad shalay ugu baxay magaalada A ddis Ababa ee dalka Itoobiya.


Safarkan komishanka Doorashooyinka oo qaadan doona muddo afar maalmood ah waxa ujeedadiisu tahay sii ambaqaadida kala shaandhaynta diiwaangelintii  cod  bix iyayaasha, iyadoo xubnaha komishanka iyo khubaradii dhawaan dalka u timi kala shaandhaynta Serfarku u bandhigi doonaan deeqbixiyayaasha xogta khubaradu ku samaysay Serfarka.


Warsaxaafadeed laga soo saaray socdaalka Komishanka oo uu ku saxeexan yahay Afhayeenkooda Md. Axmed Maxamed Xirsi (Geelle), waxa kale oo lagu sheegay in Guddiga Doorashooyinku deeqbixiyayaasha kala soo hadli doonaan qaab-dhismeed ka xafiisyada komishanka.


Warsaxaafadeedkaasi oo dhammaystiranina waxa uu qornaa sidan:


“Maanta oo Taariikhdu tahay 8/12/2009 waxa Safar dibadeed ugu kicitimay maga alada Adis Ababa ee Ethiopia xubno ka tirsan Komishanka Doorashooyinka iyo haw l-wadeenada Komishanka, safarkan oo qaadan doona muddo 4 maalmood ah.


Safarkani waxa uu ku saabsan yahay ka wada shaqaynta xogta ilaa imika lagu  sam eeyey hawl galka lagu kala hufayo diiwaangelinta iyo sidii Khuburada iyo  Komishan ka doorashooyinku oo isu dhan ugala wada hadli lahaayeen uguna bandhigi  lahaay een Qaadhan bixiyayaasha xogta illaa  imika la ururiyay iyo guddogalka wejiga ku xiga ee farsamada kala hufida. Xoojinta qaab-dhismeedka xafiisyada Komishanka doorashooyinka qaranka iyo sidii loo tayeyn lahaa habka maamul.”






Source: Jamhuuriya Online