Jamaal Cali Xuseen Oo Si balaadhan Dalka loogu soo dhaweeyey kana waramay Ujeedada Socdaalkiisa

"Ujeedada Socdaalkaygu wuu ka duwan yahay Socdaaladii hore ee aan Dalka ku iman jiray......... ...."Jamaal Cali Xuseen.....Daawo Sawiradda

Hargeysa 20 Dec 2011 (TNN) - Jamaal Cali Xuseen oo ah Aqoon yahan u dhashay Somaliland oo ka shaqeeya Baananka Caalamiga ah ee Afrika ka hawl gala ayaa maanta Dalka ku soo laabtay, isaga oo ka waramay ujeedada uu Dalka u yimid.

Aqoon yahan Jamaal Cali Xuseen ,oo ah Qoraa qoray Buugaag aad u xiiso badan, kuwaas oo ay ugu muhiimsan yihiin Buuga Diiwaanka Qosolka oo ay Bulshada Afka Somaliga ku hadashaa si we yn u akhristaan kana sheekeeya Maada iyo Qosolka, sidoo kale waxa uu yahay nin abwaan ah oo curiya Heesaha iyo Maansooyinka.

Aqoon yahanka ,oo markii uu ka soo degay Madaarka Magaalada Hargeysa ay si weyn u soo dha weeyeen Salaadiin, Aqoon yahano, Masuuliyiin iyo Dhalinyaro .

Jamaal Cali Xuseen oo shir jaraa’id ku qabtay Hutel Sumertime ee Magaalada Haregeysa ayaa ka waramay ujeedada Socdaalkiisa, isaga oo sheegay in ujeedada socdaalkiisu tahay sidii uu uga qa yb gali lahaa Siyaasada Dalka, waxaanu intaa ku daray in uu u taagan yahay Musharaxnimada Xisbiga UDUB.

Jamaal Cali Xuseen ,oo ka hadlaya ujeedada socdaalkiisa ayaa waxa uu yidhi “Socdaalkaygan wu u ka duwan yahay Socdaaladii hore ee aan Dalka ku iman jiray, waxaanu Socdaalkaygan la xidhiid haa Arrimo Siyaasadeed”.
 

Sacad Muse Cabdi
Timacade News Desk
Hargeysa Somaliland