Jamaal Cali Xuseen Oo Hargeysa Lagu soo Dhaweeyay Kana Hadlay
Qodobada Uu Ka Dhashay Khilaafka Garabyada UDUB
Jamaal Cali Xuseen oo shalay si diiran loogu soo dhaweeyey Caasimada
Hargeysa oo taageeray aal tiro badan iyo xubno ka tirsan ( Daawo
Sawiro)
Hargeysa (TNN)-Musharaxa Madaxweynaha ee Xisbiga UDUB Jamaal Cali
Xuseen ayaa ka hadlay khilaafka garabyada u kala qaybiyay Xisbiga
Mucaaridka ah ee UDUB, waxaanu sheegay in la isku hayey laba
fikradood, balse aanay wax qabyaalad ahi jirin.
Jamaal Cali Xuseen oo shalay si diiran loogu soo dhaweeyey Caasimada
Hargeysa oo taageerayaal tiro badan iyo xubno ka tirsan Guddida
fulinta ee xisbiga UDUB, waxaana loo gelbiyey Hotel Maansoor ,
halkaas oo loogu qabtay Xaflad balaadhan oo soo dhawayn ah .
Jamaal Cali Xuseen oo xafladaasi hadal ka jeediyey ayaa u mahad
celiyey taageerayaasha sida diiran ugu soo dhaweeyey magaalada
Hargeysa, waxaa kale oo uu sheegay in uu ka xun yahay khilaafka
xisbiga UDUB soo kala dhex-galay, waxaanu yidhi “Waad la socotaan
waxa qaarada Afrika ka socda dhaq-dhaqaaq aad u xoogan oo xaga
dhaqaalaha ah isbadaeyn baa ka socda, dad badan oo afrikaana oo
dibadaha ka yimid ayaa wadamadoodii dib ugu soo noqdey oo
wadamadoodii wax u tarey oo wadamadoodii aad u hagaajiyey, markaa
waayo aragnimadeydii aan anigu wadamadaa afrika iyo caalamka ku
wareegayay markaan arkey dadkaas wadamadoodii ku soo noqdey oo
hogaankii siyaasada ka qeyb qaatey iyo hogaankii siyaasadeed oo
isbedaley ayaa fikiray inaan fadhiga ka kaco oo aan is tusay in
wadankeygii hiil iiga bahan yahay,”
Jamaal Cali Xuseen waxa kale oo uu faah-faahin ka bixiyay sababta ay
u kala jabeen xisbiga UDUB, isagoo arrintaas ka hadlayayna waxa uu
yidhi yidhi “Anigu horeba waan u sheegay oo meesha lacag umaan soo
doonan ee waxa weeye inaan wadankayga wax u taro oo dhalinyarada
dhinacooda aan ka galo, waad la socoteen oo waanigii geedi
socodkeygii siyaasadeed aan kabilaabay waa tii ay dhibaatooyin fara
badan gudaha xisbiga u ka bilaabmey iyo xurguf fara badan kala
jabiyey waxaana laysku hayay laba fikradood ee meesha qabyaaladi ma
jirin.”
Aqoonyahan Jamaal Cali Xuseen ayaa sidoo kale ka hadlay qodobadda
xisbigoodu isku hayaan, waxaanu yidhi “Labada fikradood waxay
ahayeen qolo xisbiga ka tirsaneyd oo leh Doorashadii Madaxweynaha
waa tii si xun la inooga guuleystey, markaa waxaan u baahan nahay in
aynu Jiil cusub iyo Siyaasad cusub la nimaadno iyo guruub kale oo
leh waar anaga ayuun baa meesha joognee hadana waa nakan mar kale,
figradahaasi laysku khilaafay waa tii la ogaa halkii laysla marey
waana ayaan darro in xisbigu Maxkamad laysla galo.”
“Runtii anigu wax aan rabay mey’aheyn isqabqabsi meesha umaan iman
waxaan doonayay jiil cusub waji cusub iyo xoog cusub oo waxaan is
lahaa odayaashii hore oo marka xilkoodu ka dhamaado in badana ay
xisbiga joogeen waa markii ay ogolaan lahayeen inay dadka xisbiga
dardar cusub galinkara”
Timacade News Desk
Hargeysa, Somaliland
|