Holland: Dadka
Muslinka ah oo soo dhaweeyay dacwad ku oognayd
nin xisbi siyaasi ah oo ku ad-adag Muslinka
Waxa dhawaan ay maxkamad ku taal
dalka Holland ogolaatay in mar-labaad dib loo eego oo loo furo
dacwad ku oognayd nin magaciisa la yidhaa, mr Geer Wilders, oo ah
hogaamiyaha xisbiga P V V, ee ay siyaasadiisu aad ugu janjeedho
garabka midigta, dacwadan hada dib loo eegayo oo sanadkii hore
ninkan siyaasiga ah lagu soo oogay ayaan wax horumar samayn oo u
xasaagatay arimo sharci dartood, dacwada hadaba eega ay maxkamadu
garwaaqsatay in dib loo eego ayaa ninkan waxa lagaga soo oogay meelo
kala duwan sida, ururo ay leeyihiin dadka Muslimka ah ee Holland ku
dhaqan, ururo u dooda xaquuqal insaanka iyo weliba dad kale oo
daneeya samo-ku-wada-noolaanshaha bulshada. Ururadan iyo dadkani
waxay ku soo eedeeyeen ninkan siyaasiga ah inuu ku xadgudbay dadka
muslinka ah iyo diintoodaba iyo weliba ayay yidhaahdeen sharciga
dalkan Holland u yaal oo dhigaya in la xurmeeyo oo la tixgaliyo u
madaxbanaanida caabudaada iyo ku dhaqmista Diidamaha, ka dib markii
ninkan siyaasiga ahi uu si aan gabasho iyo tudhis lahayn dhaleeco
iyo aflagaado badan ugu gaystay diinta Islaamka, iyo isaga oo weliba
Filim dacaayada ah ka sameeyay diinta Muslinka iyo dadka caabduaba,
Filimkaasi oo la odhan jiray '' Fitna ''. Waxa kale oo lagu eedeeyay
ninkan in cambaarayantiisa ku jeeda diinta Islaamku ay tahay mid uu
ku abuurayo kala fogaansho iyo isku soofeyn dadyowga kala diinta,
midabka iyo dhaqanka ah ee dalkan Holland ku wada nool.
Mr Gert Wilders oo looga yeedhay maxkamada shalay ( 20 jan ) laguna
wargeliyay halka xaal marayo iyo sida ay dacwadii loo haystay u
labakaclaysay ( asalaysay ), ayaan wax garawshiiyo ah arintaa ka
muujin ee ku adkaystay inaanu wax danbi ah ka galin sharciga dalka u
yaal, hadii ay maxkamadu ku talaabsato arintan ay hada wadana ay
noqonayso ayuu yidhi, in maxkamadu ay ku xadgudubtay qodob ka mid ah
dastuurka dalka u yaal oo odhanaya '' inuu qofku u madaxbanaan yahay
rayigiisa '' .Oo taasina ay tahay ayuu raaciyay mid isaga iyo dadka
uu matalo oo boqolaal kun ah xad gudub ku ah !. Siyaasiyiin kale oo
kala xisbiyo ah oo arinta wax laga waydiiyay ayaa iyagu siyaalo kala
duwan uga hadlay arintan iayada oo qaarkood ka gawsqabsadeen in ay
taageeraan labad dhan midna, waxase ay ku soo koobeen rayigooda in
la sugo maxkamada iyo talaabooyinka ay qaado, oonay haboonayn in
arimo garsoorku ku jira la faragaliyo. Dhanka kale waxa aad u soo
dhaweeyay arintan oo ku tilmaamay talaabo loo baahnaa in la qaado,
dadka kala duwan ee ajaanibka ah iyo weliba ururadii iyo dadkii
dacwada iyagu ku oogay ninkan siyaasiga ah oo ku tilmaamay arin guul
u aha wada noolaansha iyo sharciga dalka u yaal, hadii ay go'
aansato maxkamadu in dacwadaa lagu soo oogo oo markaan lagu helo
waxa uu mudna doonaa ciqaab nooc ay noqotaba !.
F G, Waxase hadaba aad iskugu murugsan oon sinaba loo kala saari
karanyn xadka u dhaxeeyaana aanu marnaba cadaanayn ee uu had iyo
jeer qasnaanayaa, gaara ahaan marka aad joogto dalalkan reer
Galbeedka ah ee Diimuqraadiyada ku dhaqma Labadan xeer ee kala ah,
1- inuu qofku u madaxbanaan yahay diintiisa iyo dhaqankiisa iwm,
loona tixgaliyo weliba 2- Inuu qofku u madaxbanaan yahay rayigiisa
oo wax kasta ka dhiibto oon lagu qabsan karin, mudan yahay in lagu
xurmeeyo, dacwadan hada la isku haystaa waxay ku arooraysaa labadaa
xeer, oo qolaba mid cuskanaysaa.
Qalinkii:
Cali Cumar Xasan
|