Hanti-Dhawraha Guud Oo Ka Warbixiyey Halka Ay U Marayso B aadhistii Ay Ka Wadeen Wasaaradda Khaarajiga, Kana Ha dlay Sababta Xayiraada Loo Saaray Agaasimihii Khaarajiga Ee Is-Casilay
 

“Shacbiga Somaliland ee cashuur bixiyayaasha ah waxaanu ugu balanqaadaynaa inaanu u soo band higno sida ay wax uga dhaceen Wasaarada Arrimaha Dibadda”

Hargeysa, (TNN) – Hanti-dhawraha Guud ee Qaranka Maxamuud Aw Cabdi Ibraahim (Maxamuud-dhee re) ayaa ka warbixiyey halka ay u marayso baadhis ay ka wadeen mudo Wasaaradd a Khaarajiga Som aliland oo Masuuliyiinteedu isku eedeeyeen Musuq-maasuq.

Maxamuud Dheere ayaa waxa uu sheegay inay baadhistaasi u marayso meel fiican, isla markaana si da ay wax u jiraan ay shacbiga sida ugu dhakhsaha badan ugu soo bandhigi doonaan, kaas oo tilmaa may inay arintaas u baadhayaan si Madaxbanaan.

Hantidhawraha Guud Maxamuud Aw Cabdi ayaa waxa kale oo uu ka hadlay sababta socdaalka looga xayiray Agaasimihii hore ee Arrimaha Dibadda Mr. Raage ee isagu Wasiirka Wasaaradaas ku eedeey ey Musuqmaasuq, kaas oo tibaaxay inay ka maarmi wayday inuu Agaasimihaasi goob joog u ahaado baadhista Hantidhawrka, isla markaana aanu sharcigu ogolayn in masuulka la baadhayo ee aan xil qar anka u haynin aanu dibada u bixi Karin mudada baadhistu socoto.

Maxamuud Dheere, waxa uu sidaas ku sheegay mar shalay qaar warbaahinta ka mid ahi la xidhiidhee n, isla markaana uu ugu waramayey xafiiskiisa Magaaladda Hargeysa, kaas oo uu kaga hadlay waajiba adkooda shaqo iyo awoodooda baadhiseen. Ugu horayna isaga oo ka hadlaya shaqada ay qaranka u hayaan, waxa uu yidhi “Xafiiska Hantidhawrku waxa uu qaranka u qaabilsan yahay ilaalinta hantida qaranka, inta badana hawlo xasaasi ah ayaanu ka shaqaynaa waxaana inta badan dhacda in warar kala duwan laga soo saaro hawlaha aanu faraha kula jirno, oo waxaad arkaysaa oo dadka qaar yidh aahdaan Hanti-dhawrka waa la soo diray, hantidhawrka cidbaa ka danbaysa. Dhamaan dadka fikirka as qabaa oo dhami way khaldan yihiin, sida distuurka ku cadna Hantidhawrka qaranku waa hay’ad u Madaxbanaan hawlaheeda, mana jirto cid na soo faro galisa oo shaqadayada farta noogu fiiqi kart aa”.

Maxamuud Dheere isaga oo hadalkiisa sii wata, waxa uu yidhi “Hadii aan waxyar ka yidhaahdo shee kada maalmahan ku jirtay Suuqyada ee la xidhiidha Wasaarada Arrimaha Dibadda waxaanan filayaa oo suuqa ku jirta Hantidhawrbaa loo yeedhay oo la galiyey meeshii, sida runta ah Hantidhawrka war waa la siin karaa laakiin baadhistu waxa ay bilaabantay mudo bil ka hor ah markii wararkani soo baxeen. Waxa kale oo jirta oo shaqadayada ka mid ah in Hantidhawrku uu sanad walba Miisaaniyada Qaranka u gudbiyo Golaha Wakiilada Baadhisahayaganu waa kuwaas oo waxaanu samaynaa wax la yidhaahdo baadhista hore oo ah intaanu kharashku bixin dakhliguna bixin inaanu Kantarool u sii dhigno ka hortag oo kale ah, baadhista labaadna waxa weeyi oo Wasaarad walba noo soo maraysaa markaanu Xisaabxidhka Miisaaniyada diyaarinayno, Xisaabiyaha guud ayaa noo gudbiyo oo anagaa markaa dib u baadhna Markaa Wasaarad kasta oo Miisaaniyada lacageed ee gayshay way na soo maraysaa. Waxaanu ku jirnaa markaa anigu ku jirnaa u diyaargarawgii Miisaaniyada, waxaynu maray naa February waana inaanu Miisaaniyada June 2011 gaynaa golaha wakiilada, markaa baadhisihii wajiga labaad ee Miisaaniyada 2011-ka ayaanu ku jirnay, isla markaana Wasaarada Arrimaha Dibaduna waxay ka mid tahay Wasaaradaha aanu baadhista bil ka hor ka bilawnay, manay ahayn baadhistani mid cid nagu kaliftay ee waxay ahayd baadhis si caadi ah (Normal) u timid, natiijada baadhista Wasaaradaas ka soo baxdana Insha Allaah dadwaynaha waanu u gudbin doonaa oo anaga sharcigayaga ayaa tilmaamaya hadii aanu Musuqmaasuq qabano inaanu dadwaynaha la socodsiino. Kolay baadhiskastana waxa lagala kulmaa laba mid uun in lacagtii oo sifo sharci ah ku baxday loogu tago iyo in loogu tago lacagtii oo sifo sharciga aan waafaqsanayn ku baxday loogu tago, markaa Shacbiga Somaliland ee cashuur bixiyayaasha ah waxaanu u balanqaadaynaa inaanu u soo bandhigno sida ay wax uga dhaceen Wasaarada Arrimaha Dibadda, markaa talaabada sharciga waafaqsana waanu ka qaadi doonaa hadii Alle yidhaahdo”.

Hanti-dhawraha Guud ee Qaranka Maxamuud Aw Cabdi Ibraahim (Maxamuud-dheere) isaga oo had alkiisa sii watana, isla markaana ka hadlaya shaqsiyaad eedeeyey hay’adooda, waxa uu yidhi “Qofka ka hadlay meel la baadhayo ee aan ka warqabin waxa laga yaabaa inuu yahay qof si uun baadhista ugu lug yeeshay ama ay u soo galay raadkeeda, adigu dad ayaan magacawday laakiin anigu cidna magacaabi maayo, baadhista socotana nin og halka ay socoto ayuun baa ka hadli kara cid kale kama hadli karto, Nin tiisii ka soo bixi waayey ilama aha inuu mid kale wax tari karo”.

Hantidhawruhu mar uu ka jawaabayey sababta ay Agaasimihii hore ee Khaarajiga xukuumadu socda alka ugu xayirtay, waxa uu yidhi “Xayiraada socdaalka agaasimihii hore ee khaarajiga ee aad sheegt ay waxaan ka odhan lahaa kolay hadii aynu xisaabtamayno waxa wanaagsan inaad ila joogto inta b aadhistu socoto markaa intaas ayuun baan ogahay anigu, markaa qofka la baadhayaa ma aha inuu dalka ka baxo ee waa inuu xisaabtiisa iyo waxa uu sheegay ilaashadaa, markaa hadii la yidhi joogna waa dantiisa oo wax dhibaato ah oo ku jirtaa ma jirto”.
 

Source:Haatuf