Hadal Hayn Xoog Leh Oo Ku Saabsan Isku Shaandhayn Gun Iyo Baar
Ah Oo Uu Madaxweyne Biixi Seefta La Dhex Qaadayo Xukuumaddiisa Kadib
Guuldarooyinkii Doorashooyinka Kasoo Gaadhay
Hargeysa, August 5, 2021- (TNN): – Warar lagu kalsoon yahay oo
Wargeysa Foore soo gaadhay ayaa noo xa qiijiyay in Madaxweyne Biixi
ku mashquulsan yahay isbadel weyn oo uu ku samaynayo Golihiisa
Xukuumadda kadib Guuldarooyinkii ay Xukuumaddiisa iyo Xisbigiisa
Kulmiye kala kulmeen Doorashooyinkii Isku sidkannaa ee Goleyaasha
Deegaanka iyo Wakiiladda, gaar ahaan Shirgudoonkii Wakiilada iyo
Maayaraddii Caasimaddaha Da lka.
Warar madax bannaan oo Wargeyska Foore helay ayaa sheegay in dhawaan
la filayo inuu Madaxweyne Biixi Talaabadan qaadayo, waxaanay wararku
sheegayaan in mudooyinkii u dambeeyay ay masuuliyiin miisaanlihi
Cv-yadooda ula sii socdeen Dhinaca Qasriga Madaxtooyada halkaasi uu
Madaxweyne Biixi ku kala xulanayo Xubnaha ka mid noqonaya Golihiisa
Xukuumadda ee dhawaan la filayo inuu ku dhawaaqo, islamarkaana waxa
aad loo naawilayaa inay rag baddan oo Miisaanlihi oo Cusub ay kasoo
dhex muuqan doonnaan magacaabista asi Madaxweynaha ee loo dhegtaagayo.
Ma jiro War Rasmiya oo arrintani ku saabsan oo kasoo baxay cidda ay
khusayso balse Ilo-wareedyo Wargey ska Foore helay oo ka agdhaw
Madaxtooyada ayaa sheegay in Madaxweyne Muuse Biixi Cabdi oo xilka
hayay Muddo afar sanno ah uu hadda doonnayo inuu Xukuumaddiisii ugu
dambaysay Muddo Xileedkiisa uu soo dhiso, islamarkaana aad loo hadal
hayo inay wax badan kaga duwanaan doonto Xulashooyinkiisii hore oo
aad loo dh aliilsanaa.
Wararkan ayaa sheegaya in talaabadan uu Madaxweyne Biixi soo wadaa
ay iskugu jirto Isku-shaandhayn, Xil ka qaadis iyo Magacaabis taasi
oo ay kasoo dhex muuqan doonaan rag miisaan culus ku leh Siyaasadda
Somal iland kuwaasi oo intii hore Xukuumadda Madaxweyne Biixi dibad
joog ka ahaa.Waxa uu Warku intaa ku daray aa in Madaxweynuhu uu xilka
ka qaadi doono Wasiirro door ah iyo Agaasimeyaal, isagoo
beddelkoodana Maga caabi doono. Sidoo kale waxa uu isku-shaandhayn ku
samayn doonaa Gudoomiyayaasha iyo Agaasimeyaasha Hay’adaha
Madax-bannaan ee Dawladda Somaliland.
Madaxweyne Biixi ayaa sida la sheegay waxa uu Golihiisa Xukuumadda
kasaari doonaa liis uu si gaar ah diirad da ugu hayay, islamarkaana
la sheegay inay iskugu jiraan Wasiiro door ah, Gudoomiyayaal iyo
masuuliyiin kale kuwaasi oo qayb ku lahaa guuldarooyinkii Xukuumadda
Madaxweyne Biixi kasoo gaadhay Doorashooyinkii Wak iiladda iyo
Deegaanka islamarkaana faro madhan ka kala soo hoyday Deegamaddii ay
kasoo jeedeen.
Bulshada iyo dadka la socda Siyaasadda Somaliland ayaa si weyn ugu
dhegtaagaya Nooca ay noqon doonto Is ku shaandhaynta uu Madaxweyne
Biixi soo wado iyo ragga uu dibada uga soo tuurayo Xukuumaddiisa,
iyadoo sidoo kale aad looga dhursugayo Masuulka uu u Xulanayo
Wasaaradda Arimaha Dibadda Somaliland oo muddo lix bilood ah bilaa
Wasiir ahayd kadib markii uu Wasiirkii Wasaaraddaaasi Yaasiin Xaaji
Maxamuud Faratoon uu iska casilay xilkaasi, kana mid noqday
Xildhibaannada Cusub ee Golaha Wakiiladda Somaliland.
Xigasho:
Wargeyska Foore
|