Habeenka
Cawska London iyo Caawimada Boon Xirsi
Habeenka cawayska london oo aan noociisa hore loo soo qabanqaabin,
ayaa lagu qabanayaa Galbeedka London, maalinta
Sabtida ee 22ka jeenaweri,
Madashanu waa:
Bridge
Park Complex
Brentfield, Harrow Road,
NW10 0RG
buses - 18, 112, PR2
Nearest tube/Rail - Stonebridge
Waxaa ku kulmaya dhammaan Abwaanadii waaweynaa ee wada taqaaneyn,
kuwii colaadihii ku soo caan baxay iyo kuwii horteed ku caanbaxay
suugaan dhaqameed iyo kaftan aan turxaan lahayn, barbaarinta
jecaylka iyo isu soo hilawga bulshada. Waa kuwii inna lahaa: "
Badawgaan la tababarin, yaa baraya, yaa baraya caashaqa."
Baryahan danbe waxaynu ku daaley suugaan colaadeed, kani wuu ka
duwan yahay. Cawskani waa murti iyo madaalo, qosol iyo maad ku
salaysan madhaafaanka ma huraan hidihii iyo dhaqankeena, jacaylna
kama madhna.
Cawskani waxaa horyaal ka ah Axmed Sulayman
Bidde iyo Boon xirsi.
Cawskani, waayeelka waa u xusuus iyo waayo waayo, dhallinyarada waa
u maaweelo iyo waxbarasho. Ha ka maqnaanina oo ha moogaanina.
Waxaa cawayskan isku soo dubaridey Ururka
Saafi ee xaruntiisu ku taal Harlessden.
Axmed Sulayman Bidde oo aan cawayska
wax ka weydiiyey, wuxuu yidhi:" Barnaamijkani
waa mid aanu ugu tala galay, in aanu ku
taageero Abwaanka weyn ee Boon xirsi,
si aanu uga qayb qaadano hawlihiisa
Caafimaad. Waa nin abwaaniinta iyo
dadweynahaba ku qaali ah. Markaa waxaan leeyahay barbarkay ka baxdaa
waa bakaylo qaleen."
Faahfaahin dheeraad ah iyo tikidhadaba kala xidhiidh:
Rooda M. Ibrahim (Karaani) -
xidhiidhyaha guud ee ururka - 07940401288
iyo Ismaciil Aw Adan Jama (Jaajumow) - no.
07947838047
|