gudoomiyaha komishanka doorashooyinka oo ka hadlay bedelaadda laba xubnood

Gudoomiyaha Komishanka Doorashooyinka Qaranka JSL ayaa  Tafaa siil dheeraad ah ka bixiyay sababaha ay Golayaasha Qaranka ugu  G udbiyeen Bedelaadda labada xubnood ee Commissioner Axmed  Max amed Xaaji Bidaar iyo Comissioner Maxamed Yuusuf Maxamed.,


Gudoomiyaha Komishanka Doorashooyinka Qaranka JSL Md. Jaamac Maxamuud Cumar ayaa Tafaasiil ka bixiyay sababaha ay Golayaasha Qaranka ugu Gudbiyeen Bedelaada labada xubnood ee  Commissi oner Axmed Maxamed Xaaji Bidaar iyo Comissioner Maxamed  Yuus uf Maxamed, kuwaasi oo uu ku sifeeyay in Midba uu leeyahay sabab u gaar ah. kuwaas oo uu sheegay inay u cuskadeen sababo la xidhiisha shaqo xumo iyo aflagaado.


Jaamac Maxamuud Cumar, waxa uu sidan ku sheegay hadal kooban oo uu shalay siiyay Telefiishanka Universal, isaga oo ugu horeyn ka hadlaya safar uu dhawaan ku tagay dalka Lubnaan, ayaa waxa uu yidhi, “Safar ayaan ku tagay dalka Lubnan, waxa na casuumtay Xaruunta la yidhaa Carter Center, waxaanuna kaga qayb galnay 23 dal, waxayna noo casuumeen si aanu wax uga soo ogaano sida doorashooyinkaasi u socdaan, waxayna balan qaadeeen in ay doorashooyinkeena imanayaan oo ay makhraati ka noqonayaan, taasina wax wayn ayay inoo kordhinaysaa.”


Guddoomiye Jaamac Sweden, waxa uu xaqiijiyay in ay  Madaxtooya d  u gudbiyeen codsi ah in xilka ay ka hayaan Komiishanka  doorash ooyinka qaranka laga qaado laba xubnood oo gudidaas ka tirsan, isaga oo arimahaa ka hadlayana waxa uu yidhi, “Arinta labada xubnood, Somalidu waxa ay tidhaa, ninka Faraska xagiisa dambe ka tagay wax u dhaama ayuu waayay, Komiishanka qaranku xeer ayuu leeyahay lagu dhaqo oo nidaam u degsan ayuu leeyahay shuruuc la nagu soo doortayna way jiraan, markaa labada xubnood xubinta ah Axmed Maxamed Xaaji Daahir oo aanu horena mar aanu celinay oo uu Baarlamaanku soo celiyay, shuruucdii meesha u taalay ee ahayd habsami u socodka shaqada haddii ay noqoto habsaan, haddii ay noqoto aflagaado, haddii ay noqoto sirta xafiiska oo baxda iyo haddii ay noqoto waraysi aan loo igman oo uu dibada u saaro, fowda ayay noqotay, horena sidaas si leeg ayay ahayd.”


Waxa kale oo intaa ku daray, “Xubinta Maxamed Yuusuf, isaga waa sabab xanuun oo mar walba dhakhtar dibadeed iyo safar uu u baahan yahay ayaanu sal uga dhignay, markaa anaga Komiishanka dhexdiisa xeer uu leeyahay ayuun baa wax lagaga qaban karaa oo lagu badali karaa, laakiin anagu waanu soo jeedinay in xilka laga qaado oo waxaanu marinay habkii la marayay oo waxaanu marinay Madaxtooyada iyaguna Baarlamaanka ayay marinayaan, markaa taas xildhibaanada ayay u taal in ay ku qancaan iyo in aanay ku qancin”


Guddoomiye Jaamac Maxamuud Cumar, waxa kale oo intaa ku daray oo uu sheegay in doorashada Madaxtooyadu dhici doonto wakhtigii loo mudeeyay "Arinta ku lugta leh doorashada 27kii Bisha  Septem ber ee aanu u mudaynay waa in dadku ku tallo-galaa oo loo diyaar garoobaa in doorashadii dhacayso, oo nabad iyo wanaag ayay inoogu dhacaysaa. Inshaa Allaah. Xaggii deeqda, deeqbixiy ayaasha iyo xagii dawladaba hawsheedii way socotaa, oo wixii la qorsheeyay ee lagu talo gallay in ay miisaaniyadu ku baxdo ay tii  deeqbixiyay asha iyo tii kaleba timaado, markaa Komiishanku wax alla wixii diyaar garow ahaa ee ku lugta lahaa doorashada sideedii ayay u socdaan meel fiican ayuu marayaan, markaa waxaanu leenahay halagu talo gallo in doorasho dambe aanay dalka dib uga habsaamayn. ILAAHAY Idamkiisa”.
 

Qarannews