Gudomiyaha Qurbajoga EU Ubaxle ayaa yidhi. Anigoo taageersan aadna u
soo dhoweynaya talaabo kasta oo lagu taageerayo qadiyada Somaliland
Hadana ilaa iminka wax aan kala socdo ma jirto Arintan degdega lagu
abuuray ee carqalada ku ah hawshii mudada socotay
Gudoomiyaha Qurbajooga Somaliland ee EU oo isu soo baxa lagu sheegay
11/april/2013 ku tilmaamay mid lagu carqaladaynayo qorshihii mudada
dheer laga soo shaqeynayey ee Jaaliyadaha EU ku balansanayeen in la
isugu yimaado Xarunta Parlamanka EU ee Brusells isagoo sheegay in
qorshe cad oo mudo ka badan 6bilood socday lagu balamay in
qurbajooga EU ay isugu yimaadaan bisha May 18keeda xarunta EU
balantaasna ay hore inoogu samaysay xubin ka tirsan Parlamanka EU
una metesha wadanka ingiriiska iyadoo balanqaadkaasna inoo soo
marisay Jaaliyada Somaliland ee magaalada Shefeld oo ay xidhiidh
joogto ah leeyihiin mudanahaas mar ay ku booqdeen Xarunta Parlamanke
EU ee Brusel oo ay ku casuntay si ay qadiyadeena uga sheegaan waana
in lagu ixtiraamo hawsha weyn ee jaaliyadaasi inoo soo qabatay ee
aan hawl qabyo ah la dhinac eryin.
Jaaliyadaha Shefeld oo Balantan soo samaysay Bishii October ee 2012
way la socdsiiyeey cid kasta oo ay khusayso, sida aniga oo ah
Gudomiyaha Qurbajooga EU, Wakiilka xafiska Somalilad ee London Ali
Aden iyo xukuumada Somalilandba, sidii waajibku ahaa anigu waxaan ku
hawl galay inaan hawshaas muhiimka ahi dhicisoobin waxaana safaro
ugu baxay wadamada Eu qaar ka mida anigooo qaarkoodna xidhiidh la
sameeyey, waxaa nasiib wanaag ah in Norwey, Sweden, Denmark iyo
Germanyba ay si weyn u balan qaadeen inay isu diyaarinaynaan
maalintaas 18May oo ah maalin qadiyadeena ka turjumaysa isla
markaana ku haboon maalinta ay shacabka Somaliland shucuurtooda
muujinayaan, dhinaca Uk waxaa diyaar ahaa Jaaliyadii hawshan soo
diyaarisay ee Shafeld, Birmingham, Manchester iyo Dalada ugu weyn UK
oo ay ku bohoobeen ururada ugu badan Somaliland.
Hadaba waxaa ilaa iminka aan masuul ahaan is weydiinyaa sababta
keentay in arin qarbo qarbo ah la dhinac eryo hawshii mudada dheer
laga shaqaynayey ee weliba cida wadaa aanay masuul ahaan waxba igala
socdsiin si aan hadii ay suurta gal tahay meel uga wada duulo, waxaa
kaloo isweydiin mudan Masuuliyiinta ogaa in hawshaas mudo la soo
waday sababta ay arintan jaaliyadaha degdega ku ah uga hadli waayeen
iyagoo aad moodo inay iska indha tirayaan hawshii mudada socotay ee
ay wax ka ogaayeen raalina ku yihiin dhabarjebinta hawshan lagu
sameeyey.
Waxaan anigu leeyahay waxa fiican in aynaan dalkeena iyo shacabkeena
isku duuban sumcad xumo u soo hoyn ee aynu ka tashano talaabada la
qaadayo hadiise kooxi is tidhaahdo hawshii socotay mid qabyo ah ka
horaysiiya si aad isu muujisaan waxay uun inagu keenaysaa guul daro
ee arimahaas ha laga waantoobo, waxaan ku rajo weynahay in aynu
midayno hawlaha qarankeena kuna ixtiraamno nidaamka u yaala si aan
kala danbayntu inooga lumin, xilalkuna waa meerto oo marba qof uun
baa hayn lahaa sidaa darteed ama nebcaw ama jeclow waa muhiim inaad
masuulka xilka kuu haya ku ixtiraamto hadii kale isna beri ka
yimaada ku ixtiraami maayo sidaana waxaa inagaga lumaya hanaanka
kala danbayneed iyo horumarka aynu hiigsanayno.
Ugu danbayn waxaan ku baaqayaa Wada tashi Qurbajooga ah oo dhakhso
ah si aynu arimahan u qabyo tirno oo meel uga wada duulo
jaaliyadihii iyo ururadii Bisha may u diyaar garoobayna waxaan ka
codsanayaa inay ka raali noqdaan wixii khalkhal maamul xumo inala
soo gudboonaday wada tashigana aan isugu nimaadno , qolada hawshan
degdega ah wadana waxaan leeyahay walaalayaal Jaaliyaduhu anigoo
masuulkii ah ayay ila soo xidhiidhaan wixii aanan waxba ka ogayna
waxay noqonaysaa hawl qabyo ah ee nidaamka ha hareer marina, waad
ogaydeen fadeexadii ka dhacday kulankii Madaxweynaha ee laga qariyey
masuulkii jaaliyadaha iyo Kumanaankii reer Somaliland ee isu
diyaariyey soo dhoweynta madaxweynohooda, markaa aan wada tashi
hawlaha ku galno oo noqono umad ujeedo qudha wada leh ee aan wax
kala hororsanayn si aynu u gaadhno guulaha aynu rabno.
Hadii aad rabto inaad ogaato ilaa mudada aanu hawshan soo wadnay iyo
sida saxafadu ula socotay riix ama qaado adreskan hoose qaar ka mida
saxaafadii xiligaa wax ka qortay qorshahan.
http://burcoonline.com/view.php?id=8278
http://oodweynenews.com/2013/01/gudoomiyaha-qurbajooga-eu-abdirahman-ali-ubaxle-ayaa-safar-wacyi-gelin-ah-ku-soo-gaadhay-wadanka-denmark-kuna-sii-jeeda-wadamo-kale-oo-eu-ah/
Abdirahman Ali Ubaxle
Gudoomiyaha Qurbajooga Somaliland ee EU
Birmingham UK
|