Guddoomiye-xigeenka
Baarlamaanka Kenya oo deeq-waxbarasho ugu deeqay 10 Arday oo reer
Somaliland ah
Hargeysa (Timacade News)-
Guddoomiye-xigeenka Baarlamaanka Kenya Faarax M acallin, ayaa
deeq waxbarasho ugu deeqay 10 Arday oo ka soo jeeda Gobolka Sool ee
Somaliland, ka dib markii uu socdaal ku tegay toddobaadyadii aynu ka
soo gudu bnay Magaalada Laascaanood ee xarunta gobolkaas.
Guddoomiye-xigeenka 2aad ee Baarlamaanka Somaliland Baashe Maxamed
Faarax, ayaa sheegay in Md. Faarax Macallin waqti uu dhawaan
booqasho ku tegay Mag aalada Laascaanood ee Xarunta Gobolka
Sool uu deeq waxbarasho siiyay 10 Arday oo uu ka bixin doono
kharashka waxbarashada. “Toban Arday oo Dhakhaatiir ah, shan
dhakhtar oo Caafimaadka Xoolaha ah iyo kuwa Caafimaadka dadka ah,
ayuu ka bixinayaa waxbarashada Dugsiga sare ee Caafimaadka Xoolaha
ee Sheekh iyo Jaamacadda Cammuud.” Ayuu yidhi Baashe Maxamed oo
maanta u waramay Laan ta Afka Soomaaliga ee Idaacadda BBC.
Baashe Maxamed Faarax wuxuu sheegay in Guddoomiye-xigeenka
Baarlamaanka Kenya uu sidoo kale ballan-qaaday in haddii Xukuumaddu
si wacan u maamusho deeqdan waxbarasho uu 10 arday oo kale ku
kordhin doono oo uu ka bixin doono kharashka waxbarashada.
Guddoomiye-xigeenka Baarlamaanka Kenya Mr. Faarax Macallin ayaa
dabayaaqadii bishii December isaga iyo Wefti uu hoggaaminayaa dalka
ku yimi booqasho muddo toddobaad ah qaadatay oo uu ku soo maray
Magaalooyinka Borama, Berbera iyo Laascaanood.
Source: Somaliland.Org
|