Guddoomiye-ku-xigeenka
UDUB oo ku Dooday in Mowqifka Rayaale aannu Saamayn ku Yeelan Doonin
Murrashaxa Xisbigooda
Hargeysa (TNN)- Guddoomiye-ku-xigeenka xisbiga mucaaradka ah ee UDUB
Md. Axmed Yuusuf Y aasiin ayaa ku
dhawaaqay in hadalkii ka soo baxay Guddoomiyaha xisbiga
Md. Daahir Rayaale Kaa hin aannu wax
saamayn ah ku yeelan doonin go’aankii Guddiga Fulintu ku doorteen in
Jamaal Cali Xuseen noqdo murrashaxa
jagada madaxweynaha.
Md. Axmed Yuusuf Yaasiin oo shalay shir jaraa’id ku qabtay gurigiisa
magaalada Hargeysa waxa uu sheegay in go’aanka UDUB ku doortay
murrashaxa madaxweynaha ee doorashada Madaxtooy ada soo socota uu
ahaa mid sharci ah oo ka soo baxay aqlabiyadda Guddiga Fulinta, isla
markaa na lagu burin karo oo keliya shirweynaha xisbiga oo awoodda
ugu dambaysa leh. Sidoo kalena wa xa uu xusay in Jamaal Cali Xuseen
uu buuxiyey shuruudihii laga rabay murrashaxiinta u dhex tart amaya
jagada madaxweynaha ee xisbiga UDUB.
Madaxweynihii hore, ahna Guddoomiyaha UDUB Md. Daahir Rayaale Kaahin
oo isaga oo ku sugan dalka Faransiiska warbaahinta u sheegay in
go’aanka Guddiga Fulintu ku dooratay murrashaxa m adaxweynaha uu
ahaa mid aanay waxba ka jirin oo dib loogu noqon doono. Haseyeeshee,
Guddo omiye-ku-xigeenkiisa Md. Axmed Yuusuf Yaasiin oo arrintaasi
daba socday waxa uu sheegay in doorashada murrashaxa madaxweynaha
xisbigu ahayd mid sharci ah oo loo maray shuruuc iyo nidaam loo
dejiyey oo ansax ah, waxaannu xusay in Guddiga Fulintu sharci-darro
u arkeen qoraal Md. Rayaale khadka Emaylka ee internetka ugu soo
diray oo uu ku sheegay inuu laalay kala xul ista murrashaxiinta u
tartamaya jagooyinka madaxweynaha iyo madaxweyne-ku-xigeenka ee
xisbiga dhexdiisa, isla markaana la gudogeli doono kadib doorashada
golayaasha degaanka, balse qoraalkaas waxa Axmed Yuusuf ku tilmaamay
mid si shakhsi ah uga soo baxay Guddoomiyaha oo aan xisbiga ka soo
bixin.
“Horta Daahir Rayaale cudurdaarkiisa wuu leeyahay oo maanta
Guddoomiye maaha oo dalka ay uu ka maqan yahay, Guddoomiyihii
xisbigu maanta waa aniga, maalinta uu yimaadana kursiga ani gaa u
bannaynaya, ninka markaa shirka Guddoominaya ayuun baa Guddoomiye ah
ee ninka maq ani maaha. Ta kale guddi fulineed go’aankeeda waxa
burin karaa waa shirweyne, nin kale ma bu rin karo xataa aniga,”
ayuu yidhi Axmed Yuusuf Yaasiin oo ka jawaabayey su’aal la waydiiyey
oo ku saabsanayd go’aankii Guddiga Fulinta iyo hadalkii Daahir
Rayaale ka ansaxa ah.
Waxa kale oo Axmed Yuusuf Yaasiin saxaafadda u soo bandhigay xeerar
iyo shuruuc badan oo la xidhiidha dib-u-habaynta, dhismaha iyo u
diyaargarowga ka qaybgalka doorashada golayaasha degaanka ee xisbiga
UDUB muddadii uu isagu ku-simaha ahaa oo guddoomiyuhuna si buuxda
ugu soo igmaday, kuwaas ay ka mid yihiin wax-ka-beddel lagu sameeyey
sharciga guud ee u yaal UD UB oo dhigaya in la kala saaro
guddoomiyenimada iyo murrashaxiinta, xeerka hab-raaca murrash
axiinta golaha degaanka UDUB, qorshihii hawlgalka xisbiga ee heer
gobol iyo degmo iyo qaar kale, kuwaas oo dhammaantood ay ansixisay
Guddiga Fulintu.
Sidoo kale, waxa uu kashifay dhukumentiyo iyo qoraallo caddaynaya in
xidhiidho kala duwan oo dhexmaray isaga iyo Daahir Rayaale, kuwaas
oo ay ka dhexmuuqdaan in Guddoomiyaha UDUB duruufo u gaar ah awgood
uu dalka iman kariwaayey, sidaa darteedna uu si buuxda ugu igmaday
Guddoomiye-ku-xigeenkiisa inuu maamulo hawlaha xisbiga.
Dhinaca kale, Md. Axmed Yuusuf Yaasiin waxa uu si faahfaahsan uga
hadlay sababaha dhabta ah ee keenay in Jamaal
Cali Xuseen loo doorto murrashaxa madaxweynaha ee UDUB iyo
qaabka Cali Maxamed Warancadde uga
hadhay tartanka, isla markaana waxa uu ku
eedeeyey Cali Waranca dde inuu ka
horyimi shuruucda iyo shuruudaha la xidhiidha murrashaxnimada
xisbiga ee isagu diy aarintooda
saamaynta ku lahaa,
kuna guul darraystay
inuu bixiyo lacagta deebaajiga murrashax iinta oo isagu sharci ka
dhigay.
Isagoo arrintaa ka hadlayeyna waxa uu yidhi, “Waxa la isla gartay in
xisbigu u baahan yahay m iisaaniyad uu dib loogu dhiso oo uu kaga
baxo doorashada dawlaha hoose, taas oo khuburo loo saaray oo aad u
kala dhigdhigay ay soo saartay inay ku baxayso lacag dhan $300,000 (saddex
boqol oo kun oo doollar, kadibna waxa la iswaydiiyey halka
lacagtaasi laga keenayo, waa laga dooday waxase loo badnaa bahwaynta
xisbiga ha loo qaybiyo, laakiin saaxiibkay Cali Warancadde anigu
ceebaynmaayo oo ceesh baanu wada cunaye wuxuu yidhi lacagtaa xisbigu
u baahan yahay aniga ayaa xambaaraya oo murrashax ah, waxa la yidhi
waar ka daa oo ragga murrashaxiinta ah oo dhan ha loo qaybiyo, maya
ayuu yidhi markhaati ayey leedahay oo waxaan dhukumenti aha yni
aniga iga reeban, halkaa markay marayso ayaa la bilaabay xeerka
murrashaxiinta oo loo saaray guddi dhaqaaleyahan ah.
Xeerkaa qodobka khuseeya
murrashaxiinta, waxa uu leeyahay, ‘Waxa murrashax kastaa ku soo
shubi doonaa xisaab bangi oo gaar ah (special bank account) lacag
kayd ah oo dhan $285,000 (laba boqol
iyo shan iyo sideetan kun oo doollar) muddo laba toddobaad gudahood
ah marka la baahiyo. Waxa maamuli doona xisaabahaa murrashixiinta
tartamaya iyo guddoomiyaha xisbiga, haddii loo baahdana
murrashaxiintu waxay magacaabi karaan wakiillo guddoomiyaha la
maamula ha lacagtaas.”
Axmed Yuusuf Yaasiin waxa uu sharraxaad ka bixiyey sababaha keentay
in Jamaal Cali Xuseen uu noqdo murrashaxa jagada madaxweynenimo ee
xisbiga UDUB, isla markaana uu Cali Waranca dde ku waayey, waxaannu
yidhi, “Xeerkan markii Guddiga Fulintu u coddaysay ayaan 13 bishii D
ecember ku idhi Xoghayaha baahi oo sida uu xeerku sheegayo in muddo
laba toddobaad ah murr ashaxiintu ku soo gudbiyaan deebaajiga iyo
lacagta kaydka ahba, waana la baahiyey, markay mu ddadii shan casho
marayso ayaa aniga [Axmed Yuusuf], Maxamuud Siciid iyo Siciid Sulub
waxa n oo yeedhay Cali Warancadde huteelka KAAH oo wuxuu nagu yidhi
lacagtii ma hayo, waxaan ku nidhi waar Cali sowdigii lahaa waan
xambaarayaa xisbiga, anigu aad baan u naxay markii ninkii aannu
saaxiibka ceesh iyo milixda ahayn uu yidhi lacagtii ma hayo,
maalintaa Khamiis bay ahayd oo waxaannu ku nidhi bil ilaa Sabtida
aannu ku sugno, iyadiina waxay noqotay in aanay waxba ka soo
indho-caddayn, maalintii aan idhi haddii ay yimaadaan rag Cali ka
tallaabo dheeri markaas ayey ahayd, waa kelmada uu ka xanaaqay ee la
yidhi cid buu u eexanayaa, waa markii saaxiibkay Cali Warancadde uu
noo xogwarramay ee uu yidhi waxba ma hayo, marka horena rag badan oo
dibadaha joogay oo murrashaxiin ahaa ayaanu ku nidhi naga joogga
waanu isku filanahaye, laakiin maalintaasi ayaanu soo fasaxnay cid
kasta oo murrashax ah.”
“26-kii December oo maalin keliya ka hadhsanayd muddadii loo qabtay
murrashaxiinta ayaa sida xeerku dhigayo aniga iyo
Cali Warancadde aannu akoonkii
xistaabta furka ee lacagta murrasha ee laga doonayo uu ku shubi
lahaa ka furnay shirkadda Dahabshiil, maalintii 27-kii bisha oo
ahayd wakhtigii kama dambaysta ah ee loo qabtay murrashaxiinta ayaan
waydiiyey Dahabshiil in Cali Warancadde
lacagtii shubay, waxay iigu soo
jawaabeen waxba laguma shubin, kadibna Cali sharc iga ayaanu
u jebinay oo wakhti baanu ugu darnay 28-kii,
29-kii, 30-kii, 31-kii ayaanu waxba shub in. Cali waxa uu
dadkii ku wareeriyey akoont shakhsi ah oo isagu leeyahay oo uu lahaa
kaasay lacagtii ku jirtaa, dabadeed waxaannu 2-dii bishan socota ee
January warqad u qornay Dahabsh iil oo aannu ka codsanay inay noo
kala caddeeyaan in akoonka Cali sheegayaa yahay mid gaar ah iyo inuu
yahay mid wadareed, waxaanay noogu soo jawaabeen akoonkaasi waa mid
u gaar ah C ali Maxamed Warancadde ee shaqo kuma lihid.
Murrashaxa kalee Jamaal Cali Xuseen
waxa uu isagu lacagtii kaydka ahaydba oo dhan
$285,000 (laba boqol iyo shan iyo sideetan kun oo doollar) uu
ku shubay akoon xisaab wadareed ah bang iga Salaam,” ayuu yidhi Md.
Yuusuf.
Waxa uu intaa ku daray, “Iyadoo aannu Cali Warancadde bixin lacagtii
xeerku dhigayey ayaanu haddana ku darnay oo aannu nidhi yaan laga
reebin shirkii Guddiga Fulintu ku kala xulayeen murr ashixiinta si
uu barmaamijkiisa siyaasadeed u jeediyo. Markii shirka la gelayey oo
koorarmku buuxo ayaa Ku-simaha Xoghaha xisbigu ii yimi oo uu ii
dhiibay warqad uu yidhi waa emayl ka yimi Guddoomiyihii xisbiga,
kadibna waxaan u dhiibay Guddigii Fulinta oo aan ku nidhi warqadan
ka war rama, markii la eegay waxa la yidhi warqaddani sax maaha,
waayo Guddoomiyuhu (Daahir Raya ale) telefoon buu kuu soo diri lahaa
(Axmed Yuusuf) haddii uu kaaga u soo geliwaayana intaas oo qof ee
guddida ah ayuu soo garaaci lahaa, ta kale guddi waxay yidhaahdeen
warqadani maaha mid ka soo baxday xisbiga ee waa mid laga soo saaray
ciwaan gaar ah, markaa Guddigu Fulintu waxay u arkeen mid aanay
waxba ka jirin.”
Axmed Yuusuf waxa uu shaaca ka qaaday in Guddoomiyaha xisbiga Daahir
Rayaale uu si buuxda ugu igmaday kala saarida murrashaxiinta xisbiga
gudihiisa uga tartamaya jagooyinka madaxweyn aha iyo ku-xigeenkiisa.
“Xisbigu lix bilood ayuu wada fadhiyey oo Guddoomiyuhuna si buuxda
iigu igmaday xilka oo uu w eliba 35 igu kaabay. Mar arrintu adkaatay
oo anigu aan ka soo horjeeday ku dhawaaqista murras haxa ee deg
degga ah waan la hadlay Guddoomiyaha (Daahir
Rayaale) oo waxaan ku idhi madax weyne xulida murrashaxiintu
haddii aanay ka dambayn doorashada deegaanka khalkhal baa dhici kara
ee hebel, hebel iyo hebelba la hadal oo jooji, wuxuu igu yidhi
anigaa ka hawlgalaya ee waan kugu soo celin, labadii qolaba waa
waydiiyey wuxuu kula hadlay Guddoomiyuhu iyagaa sheegi do ona anigu
sheegimaayee, aniga ayuu igu soo celiyey oo wuxuu igu yidhi
Axmedow dhex noqo oo kala goo, anigu wixii
meesha ka dhacay waan kala gooyey oo waxaan raacay aqlabiyadii oo
waan ku khasbanahay,” ayuu hadalkiisa ku soo gunaanaday
Guddoomiye-ku-xigeenka xisbiga UDUB Md. Axmed Yuusuf Yasiin.
source:jam
|