Guddoomiyaha Xisbiga UCID oo Dalka dib ugu soo laabtay, kuna Baaqay in lala Xidhiidho Dadka Qadiyadeena Sida Qaldan u Fahansan

Eng. Faysal Cali Waraabe isagoo hadalkiisa sii wata yaa waxa uu sheegay in ujeedada shirka London ...........

Hargeysa (TNN)- Gudoomiyaha Xisbiga UCID eng.Faysal Cali Waraabe ayaa Maanta Dalka Dib ugu soo laabtay ka dib markii uu Muddo laba bilood ka badan ku Maqnaa Dalal Kala duwan.
Gudoomiyaha xisbiga mucaaridka ah ee Ucid Eng.Faysal Cali Waraabe oo saaka abaaro 11:00Am ka soo degay Gagada diyaaraha ee Cigaal International Airport ee magaalada Hargeysa ayaa waxa ku soo dhaweeyey Gudoomiye ku xigeenka xisbiga Ucid oo ay weheliyan xubno sare oo ka tirsan xisbigaas iyo taageerayaaasha xisbigaas.

Eng. Faysal Cali Waraabe oo warbaahinta kula hadlay qolka nasashada ee madaarka caasimada ayaa waxa uu sheegay in ujeedada dalka uu kaga maqnaa ay tahay dan guud isaga oo ka hadlay wada hadalada somaliland,Somalia iyo waliba kulankii uu la qaatay madaxweynaha dawlada ku meelgaadhka ee somaliya Sheekh Shariif Sheekh Axmed, waxaana hadaladiisi ka mid ahaa “waxa  an dalka ka maqnaa muddo gaadhaysa laba bilood waxaanan ku maqnaa dan guud, waad ogayde enoo waxaynu ka qayb galnay shirkii lagu qabtay magaalada London, waxaanu ahaa shirkii ugu horeeyey ee aynu ka qayb galnay kaasi oo loo qabanayay somliland iyo Somali”

Eng.faysal cali waraabe isagoo hadalkiisa sii wata yaa waxa uu sheegay in ujeedada shirka Lon don laga soo saarey uu kujiro qodob khuseeya somaliland kaas oo ahaa in somaliland iyo somali ya oo ay wakiil ka tahay dawlad TFG-du ka wada hadlaan kana wada hadlaan mustaqbalka labada dal iyo xidhiidhka u danbeeya ee labadaa dal yeelanayaan.”

Sidoo kale faysal cali waraabe waxa uusheegay in arrinta wada hadalka ee haatan taagan ay ta hay mid waji cusub leh addunkuna goob joog kayahay taasina waxay aad iyo aad ugu baahan ta hay in aduunkana loo macneeyo ,shacabka somaliland-na meel kasta oo uu joogo la gaadhsiiyo.

Dhinaca kale mar uu faysal ka hadlayay xaaladda labada wadan iyo waxay doonayaa ayaa wux uu sheegay iney jiraan dad badan oo qadiyadeena iyo arrinaheena si khalad ah u fahamsan iyo dad sidii saxda ahayd u fahamsan oo ina taageersan laakiin aynaan xidhiidh la lahayn,waxaana wanaagsan dadkaa in lala xidhiidho oo laga dhaadhiciyo inaan qadiyada somaliland ahayn mid dhibaato ku keenaysa dadka soomaliyeed meel kasta oo ay joogaan, waxaana inala gudboon n inaynu kala garano dadka reer somaliya kuwa wax inala doonaya iyo kuwa inaga oo horjeeda.

Intaa kadib faysal cali waraabe wuxuu ganafka ku dhiftay wada hadalkii dhexmaray isaga iyo sh ariifka oo sheegay waxaanu yidhi “Madaxweynaha TFG-da waan la kulmay arimaha aan kala hadl ayna waxay ahayd arimahan qasaya qodobka lixaad ee shirkii London, kuwaas oo lagu soo daray maamulka Garoowe wada hadaladii aynu la lahayn dawlada TFG-da, qodobkaasina mid uu jabiyey ayey ahayd waanan kala hadlay meel fiicana way noo maraysaa”

Isagoo eng.faysal cali hadalkiisa sii wata ayaa waxa uu ka hadlay xaaladda Somalia iyo road map ka iyo distoorka qabyo qoraal ee maanta oo sabti ah la filayo in loo ansixiyo Somalia waxaanu yidhi ““distoorka iyo Road Mapka wadanka somaliya waxa weeyaan wax soo socday mudo toban sano ah iyada oo ka soo bilaabantay Shirkii Carta ee aynaan ka qayb galin,waxaana ku xigtay heshiiskii Uganda oo Road Map-ka lagu sameeyey isagana kamaynaan qayb galin, waxa iyaduna jirtay shirarkii Garoowe ee 1aad iyo 2aad iyagana kumaynaan jirin, markaa cidii ka qayb gasha shirkan lagu ansixinayo dastuurka somaliya waxaanu u aragnaa cid somaliland ku dartay soma liya, waxaanan u aragnaa inay tahaay cid ansixisay inay somaliland ka mid tahay Road Map-ka waana ta la doonayo in laynagu khiyaameeyo, waana ta laynoogu soo daray labada nin ee Puntl and ku soo dartay wadahadalada somaliland iyo somaliya, waxaan leeyahay raga la celcelinayo ee dhuudhuumanaya ee salaaadiinta ama cuqaasha ee ka qayb gala shirkaa inay yihiin niman qa diyada somaliland dhirbaaxo aan waligeed lagu dhufan ku dhuftay””

 

C.raxmaan Muuse Yuusuf
Timacade News Desk
Hargeysa,Somaliland