Guddoomiyaha Xisbiga Kulmiye oo Salaadiinta Subeer Awal ugu baaqay
kulan Doceed Qarsoon
Hargeysa(TNN)-Guddoomiyaha Xisbiga Kulmiye
Muuse Biixi Cabdi ayaa la sheegay inuu ugu baaq ay
Salaadiinta Subeer Awal kulan Doceed
Siyaasadeed oo ay ku gorfaynayaan Xaaladaha Siyaa sadeed ee Dalka ka
taagan iyo Beel ahaan mawqifka ay ka qaadanayaan.
Sida ay wararku nagu soo gaadhayaan waxa la sheegay Guddoomiyuhu
inuu Casuumad u fidiyay maalinta khamiista ah dhamaan Salaadiinta
Beesha, kulankaasi oo aan Ajandihiisa la cadayn waxa la filayaa inuu
ugu qaban doono magaaladda Hargeysa.
Ilaa hada ma cada inay Salaadiintu aqbaleen iyo inkale hase yeeshee
waxa jiray kulamo kan ka h oreeyay oo ay maalmahanba si gaar gaar ah
ugu kulmayeen Madax-dhaqameedka Habar Awal g uryaha ay ku kulmaan ee
loo yaqaano Majlisyada, lamana garano Ujedooyinka ay kulamadaasi da
aran yihiin, inkastoo wararka laga helayaa ay iftiiminayaan in ay
dood ka lahaayeen Tabashooyin ka ay dadweynuhu ka tirsanayaan
Xukuumadda Madaxweyne Siilaanyo.
Baaqan uu Guddoomiyaha Kulmiye kula dhex dhacay ayay dad badani
faaqidayeen ilaa shalay ma rkii uu Suuqa soo galay, waxaanay
Saadaasha kulankaasi dadku u sibir saarayaan inay la xidhiid ho
sidii loo hor istaagi lahaa Furista Ururada Siyaasadeed ee ay
Guddidii Talo-bixintu ku talisay in la furo, taasoo uu Guddoomiyaha
Kulmiye ku soo dhaweeyay shuruud ah in Sharciga la waafajiyo.
tan iyo intii ay guddidu soo saartay go’aanka furista Ururada
Siyaasada waxa jiray dhaq dhaqaa qyo uu Muuse Biixi ku
doonayay sidii uu taageero ugu heli lahaa baajinta Taladaasi hase
yeeshee ilaa hada ma muuqato Awood xoogan oo fikirkiisaasi
xoojinaysaa inkastoo Madaxweyne Siilaanyo ilaa hada ka baaqsaday
inuu dhinac uun isku dhaafiyo arrintan.
Mana cada Madaxweyne Siilaanyo jihada uu ula kici doono soo
Af-jarida dooda la xidhiidha Ururo waa in la furaa iyo lama Furayo,
taasoo muddo badan soo jiitamaysay imikana isaga hortaala ink astoo
sida muuqata ay bisayl gaadhay kooxda taageersan in la furaa.
Si kastaba ha ahaatee inta aanay furmin wadiiqooyin kale oo leexin
kara doonista dadweynaha e e ah furista Ururadu inay lama huraan
tahay waxa laga filayaa Madaxweyne Siilaanyo inuu laba mid uun soo
galo ama inuu ku dhawaaqo go’aanka talada la siiyay ama inuu maro
wadada kale ee ay doonayaan kooxda ka soo horjeeda oo ah in uu
mariyo Baarlamaanka
Source:Waaheen
|