Wadadaada Hore Ula Wareegay Awoodda Madaxweyne Siila anyo Oo Ku
Khasbay Qayb Ka Mid Ah Gudida Qaban-qaabada Shirweynaha Kulmiye Inay
Qol Madaw Ku Doortaan Hogaan
Hargeysa (TNN):- Kooxada Wasiiradda awooda badan ee
xukuumadda Madaxweyne Siilaanyo mayal ka u haya ,ayaa ku khasbay qayb
ka mid ah Guddida qaban-qaabada
shirweynaha Xisbiga Kulmiye inay khasab ku doortaan hogaan ka kooban
Afar xubnood. Kadib markii ay maanta kulan qarsoodi ah ku yeesheen
qol madaw oo ku yaal Gurri ku yaala Magaaladda Hargeysa.
Kulankaa oo ahaa mid aanay hogaanka xisbigu waxba kala socon, isla
markaana aanay ka qaybgelin kala badh xubnaha gudida qabanqaabada,
waxay xubnaha wasiiradda awooda badan ee loolanka ugu jira sidii ay
ula wareegi lahaayeen hogaanka xisbiga Kulmiye ku khasbeen xubnaha
ka qaybgalay in ay doortaan Afar xubnood oo kala ah Guddoomiye,
Guddoomiye Ku xigeen, Xoghaye iyo Afhayeen.
Kulankaa qarsoodiga ah oo ahaa mid lasoo qorsheeyay, waxa xubnaha
gudigga Qaban qaabada eek a qaybgalay lagu sheegay 15 xubnood oo ka
mid ah 27 xubnood ee ay ka kooban yihiin, waxaana madasha ka
maqnaadey oo aan qorshahaa la socon xubnaha kale ee gudida iyo
hogaanka Xisbiga.
Xubnaha laysugu geeyay guriga oo wararka qaar sheegayaan in Wasiirka
Maaliyadda Cabdicasiis Samalle iyo Wasiirka Madaxtooyadda Xirsi
Xaaji Cali oo isagu ku maqan dalka Britain, balse Telefoonka ka
maamulaya arrimahaa iyo qorshayaasha ay ku doonayaan inay kula
wareegaan talada iyo awooda xisbiga, waxayna xoggo kulankaa la
xidhiidhaa sheegayaan inay lacag badan ku iibsadeen xubnaha gudida
qaban-qaabada shirweynaha Kulmiye, kuwaas oo ay doonayaan inay soo
xulaan xubnaha ay doonayaan si ay ula wareegaan tallada xisbiga.
Kooxdaa Xubnaha ka ah gudida qaban-qabanqaabada ayaa sheegay in ay
Guddoomiye u doorteen Abubakar Xaamud Jibriil, Guddoomiy ku-xigeenna
Xildhibaan Saleebaan Cabdi Cali Bukhaari, halka Xoghayaha Gudigga
loo doortay Xoghaye C/raxmaan Maxamuud Caraale, halka Af-hayeen loo
door tay Sahal Maxamed Jaamac.
Hase yeeshee Guddoomiye Jaamac Shabeel oo ah gudoomiyaha golaha
dhexe ee xsibiga iyo Xildhiba an Ibraahin Kacaan oo ka mid ah gudida
qaban-qaabda ayaa ka hadlay doorashada kooxda gudida qaban-qaabada,
waxay ku tilmaameen mid aan sharci ahayn oo aanay waxba kala socon
masuuliy iinta iyo hogaanka xisbiga Kulmiye, isla markaana xeerkii ay
ku shaqayn lahaayeen gudiidu aanu weli diyaar ahayn.
Gudoomiyaha Golaha Dhexe ee Kulmiye Jaamac Shabeel oo ka hadlay
arrintaa, wuxuu yidhi, “Waxa an idiin sheegayaa gudoomiye’yaashaas ay
doorteen inay tahay sharci darro,fadhigii ugu horeeyay ee gudidani
muu qabsoomin wali,waxa u dhinayd cidii abuurtay iyaga oo gudiga
fulinta ahayd inay u soo samayso xeer hoosaadkii ay ku shaqayn
lahaayeen ee uu ku jiray qaab dhismeedkoodu,ma gud oomiye kaliyaata
ayay yaalanayaan ma gudoomiye iyo ku xigeen ayay yeelanayaan, ma
gudoomiye iyo xoghaye ayay yeelanayaan,ma gudiyo ayaa loo sii kala
ja’jabinayaa iyada oo laga fikiraayo haw sha hor taala ee gudidu
qabnayso,ayay ahayd inay gudida fulintu fadhiisato oo ay ka fikirto
qaab dhismeedkoodu sida uu noqonaayo, qaab dhismeed ayay iska
samaysteen aanay awood u lahayn oo sida aan warbaahinta ku arkaayay
afartan xubnood ee ay magacaabeen wax allaale iyo waxay sharciyad ku
fadhidaa ma jirto, gudida fulintaana xilkaas iska lahayd,xilkii
gudida fulintana way maroorsadeen iyaga oo aan awood u lahayn.” Ayuu
yidhi.
Dhinaca kale Gudoomiye Xiggeenka Kulmiye Muj. Maxamed Kaahin ayaa ku
tilmaamay talaabada ay qaadeen qayb ka mid ah gudida mid aan sharci
ahayn oo aan shaqaynayn.
Talaabada ay qaadeen kooxda awooda badan ee wadaadada doonaya inay
la wareegaan talada iyo hogaanka xisbiga Kul miye, iyagoo adeegsanaya
dhaqaalaha ummada iyo lacago kale oo kale oo ururo iyo maalqabeeno
carbeed, isla markaana isticmaalaya awooda xilalka ay qaranka u
hayaan, waxay durba muujisay ddeg dega ku jira sida sharcidarada ah
ee doonayaan inay hogaanka xisbiga ula wareegaan, iyagoo horeba
awooda xukunka uga fara mariijiyay Madaxweyne Siilaanyo.
Liiska Magacyada xubnaha ay iibsadeen wadaada awooda badani.
1- Guddoomiye Abubar Xaamud Jibriil
2- Gudoomiye Ku xigeenka Saleebaan Cawad (Bukhaari)
3- Xoghaye C/Raxmaan Maxamuud Carraalle
4- Farax Faarax Cali
5- Ammaal Xaaji Miisaan
6- Fu’aad Maxamed Cumar
7- Yaasiin Maxamed Cabdi
8- Sahal Maxamed Jaamac
9- Maxamuud Axmed Saalax
10- Cali Obsiiye Diiriye (Cali-Gabiley)
11- Dr. Cumar Cilmi Dixood
12- Mustafe Faarax Dhoorre
13- Cismaan Garaad Saleebaan
14- C/Risaaq Waabari Rooble
15- Yuusuf Nuur Maxamed (Guruuje)
Source:Araweelo
|