Gabiley oo gurmad horumarineed u baahan
Gobolka Gabiley wuxu ka mid yahay gobolada Somaliland kuwa safka
hore kaga jira xagga wax soo-saarka beeraha, xoolaha iyo xidhiidhka
baayac- mushtarka ee ay Somaliland la leedahay waddamada dariska ah
sida dalka Ethiopia.Gobolku wuxu ku yaal meel istaraatiiji ah, waxa
gob olka ku yaal Customska ugu waaweyn dalka Somaliland sida Customka
Kalabaydhka ,Tog wajaa le iyo Allaybaday oo ka mid meelaha cashuuraha
ugu badan uga soo hoydaan dawladda Somali land marka laga reebo
dekeda Berbera.
Gobolka Gabiley heerkiisa dhaqaale waxa lagu qiyaasaa darajada “A”,
xagga horumarkiisana waxa lagu qiyaasaa darajada “C ”marka la barbar
dhigo gobolada dhigiisa ah sida Maroodijeex (Hargeisa) ,Togdheer,
Awdal,Saaxil ,Sanaag iyo Sool.
Gabiley oo dadweynaha reer Somaliland badankoodu u haystaan in
xukuumadihii Somaliland soo maray sida xukuumaddi Maxamed Ibrahim
Cigaal,xukuumaddii Dahir Riyaale Kaahin iyo xukuuma dda hadda joogta
ee Axmed Maxamed Siilaanyo in ay wax weyn ka qabteen xagga adeegyada
aasaasiga ee gobolka sida waxbarashada ,caafimmaadka ,beeraha,biyaha
iyo iwm ayaan haba yaraatee waxba laga qaban marka laga reebo 2 ceel
biyood oo dawladdii Dahir Riyaale ka qod ay tuulada Botor ee ku taal
duleedka galbeed ee magaalada Gabiley.
Waxbarashada, dugsiyada gobolka oo arday tiro badani dhigato ayaa
waxay dhammaantood la daala dhacayaan qalab la’aan,iyo daayactir
la’aanta kuraasta ,miisaska iyo iwm.Caafimmaad k a, adeegga caafimmaad ee gobolku wuxu u baahan yahay
waxqabad weyn,magaalooyinka qaar koodna ma laha adeeg caafimmaad sida
Togwajaale,waana nasiib darro magaalo xad ku taal oo dad tiro badani
ku nool yihiin oon lahayn adeeggii caafimmaad.Gabiley general
Hospital wuxu u baahan yahay taakuleyn iyo tayeyn uu ka helo
wasaarada caafimmadka ee Somaliland.
Beeraha ,gobolku wuxu ahaan jirey “Bread Basket-kii” dawladdi la
odhan jiray Somalia,haddii ay dawladda Somaliand dhiirigaliso wax
soo- saarka beeraha wuxu markale gobolku hannan karaa kaalintiisii
hore ee ahayd “BB”.Waxay dawladdu cashuur ku soo rogtay beeraha ,taasina
waxay niyadjab ku keentay beerlaydii gobolka.
Maqaalkan waa maqaal wax ka taataabanayaa baahiyaha ka jira
deeggaankeenii, waa maqaal dhiirigalinayaa waxqabadka baahiyahaas,
waa maqaal soo noolaynayaa hab-dhaqankii wax so o-saarka ee loo
yiqiin GUUSKA ee marwaba beer lagu GUUSI jiray sidaa darteed waxan
soo jeed inayaa in marba mid ka mid ah baahiyaha qaarkood sida
waxbarashada, caafimmaadka iyo iwm lagu guuso.
Waxa dhammaan ammaan muddan qurbajooga gobolka gaar ahaan haweenka
oo dadaal weyn ugu waxqabadka gobolka, waxa kale oo ammaan muddan
golaha deegganka oo iyana dedaal weyn ugu jira sidii ay horumar weyn
ugu talaabsan lahaayeen,waxa kale oo iyana ammaan mu ddan dadweynaha
gobolka ee diyaarka u ah waxqabadka gobolkooda.
Allaa Mahad leh,
Eng. Mahamed Abdillahi Nur
Ottawa,Canada
Almis302002@yahoo.ca
|