| 1.Shicibyahow
iswada hiifayee Haybta wada sheegta.
2.Shicibyahow
Hashii uu dhacsaday
Haysan kari waayey.
3.Shicibyahow
hankii uu lahaa Hawlyaraan dumiyey.
4.Shicibyahow
hormuud looga dhigay Boqonta kii heeray.
5.Shicibyahow
horweyn geela dhaqay Hororna maalaayo.
6.Shicibyahow
hurdada ay galeen Heeryo doqon saartay.
7.Shicibyahow
harraad weli u qaba Hanaqa kii gooyey.
********
8.Shicibyahow
halbowlaha isjaree Habayo dhiigiisu.
9.Shicibyahow
hilmaansani Wixii hawdka shalay geeyey.
10.Shicibyahow
halhays looga dhigay Haatufkiyo beenta.
11.Shicibyahow
habawsani wuxuun Waa la hubiyaaye.
12.Shicibyahow
hubkiisii mar kale Lagu hujuumaayo
********
13.Hayinkiina
ruuxaan la rabin Hogor inuu keeno.
14.Nimaan
kuu hanbaynayn waxbaba Hadimo mooyaane.
15.Haamaha
nin kaa buuxsadoo Horumar kuu diidan.
16.Hiirtaanyo
cudur nimay waqiis Hurudey beerkiisa.
17.Hambadiina
ruuxaan jeclayn Haw hiloobina e.
********
18.Hargeysiyo
burcaba maalintii Hugunku yeedhaayey.
19.hilba
dirirka maantii nin ragi Huray naftiisiiba.
20.kuman
heermay kuman heetiyiyo Kuman halaakoobey.
21.Iyo
kuman hugii tuurayoo Hayna laga dhaarshey.
22.Iyo
kumanhalkii ay mareen Weli la hoomaayo.
23.Iyo
kuman hayaaydaa hayoon Cidi ka hoos qaadin.
24.Iyo
kuman sidiiharimcadkii Hawsar lagu laayey.
25.Iyo
kuman halkii weli la dhigay Haadku fadhanaayo.
26.Iyo
kuman halyeey oo hadeer Inaga hooseeya.
27.Iyo
kuman hamuuntii qaboo Ciil la hoganaaya.
28.Intaasoo
hardoofooyinaa Hibasho luudaaye.
29.Halgankii
lasoo maray Haddii hadiyad loo dhiibey.
30.Halkeebay
jireen wiilasheer Haatan talinaaya.
********
31.Waxbase
yaanan hawraarta iyo Hadalka dheerayne.
32.Waataa
hirdooglihi baxee Loo hayaan yahaye.
33.Horseedkeeda
waxa inoogu maqan Hanadadeeniiye.
34.Inshaallaahu
rag lagu soo hirtoo Hawl karaa qabane.
35.Harraadkiyo
waxay inaga biin Hiifta nagu taalle.
36.Hammigeenu
suu yahay Wanaag waa u helaynaaye.
37.Haaneedka
maandeeq bulshadu Haakah waa odhane.
38.Humbanida
ku naaxdiyo Dhurwaa waa la hirayaaye.
39.Hanti
boobka nimankii Bartaa heel lasoo tubiye.
40.Iyadoo
hangool lagu waday Iman hortiinaase.
41.Hareeraha
ka jira Yaan mar kale hawli soo noqone.
|
