EEBOW YUUSUF
MAGANTAA
ajashaba mar
buu yurdaha
yeelku idlaadaaye
baajin waa yaasinkuna naftii
malag u yeedhaaye
geeridu yac weeyaan illeyn
yurid la'aaneede
yuusuf mowdka helay baan
yarxam leeyahaye
Eebow yalaalugaa naftii
igu yahoontaaye
*****
yaahuudan maqlay buu
wadnuhu
yawda gurayaaye
ha yeesho eh xaq weeyaan
qaddarka yaallaaye
yaqiinka Eebahay iyo ninkii
yaminka garanaaya
ka yaayuuli maaye ducaduun buu
ugu yaboohaaye
*****
nolol adduunyo kii
yu'anayow
yallam baa xigye
yowm baa jira qaddarku uu
yug ku soo odhonne
Eebow yuhuunta adigaan
nagu yakoomayne
Yasic oo u nuur qabriga
yasir su'aashiisa
*****
Eebow
yiciistaadaannu nahay
yar iyo weynkiiye
Eebow yoomal qiyaamaha
yuusuf magantaaye
yabaarag oo halyayga baxay
ka yeel mid liibaanay
Eebow yoolkii uu lahaa
mid aan yaraynin
Eebow dalka mid noo yabyaba
yacwilka noo doori
|