Furista Xisbiyo badan looma baahna xilligan ,laakiin Dowlada ayaa
dano gaar ah ka leh !!
“Runtu waxay tahay Somaliland,ma
awoodo,tamarna uma hayso furista Xisbiyada badan xilligan ee dano
yar yar oo gaar ahi yaanay inaga duminina wixii aynu ku soo tabacnay
mudada dheer”.
Marar badan ayaan ka hadlay dhibaatada ka dhalan karta haddii
wadanka dib looga furo tartanka Xi sbiyada badan.waxaa wax lala
yaabo ah hadal dhowaan ka soo baxay Madaxtooyada Somaliland kaas oo
lagu sheegay in la magacaabay Guddi ka soo talo bixisa furitaanka
Xisbiya Siyaasadeed,waxaa ka sii fool xumayd sida loo
qaybiyey,meelaha laga soo kala xulayo oo waxaa ka mid noqonaya laba
qof oo ka mid ah shaqaalaha Madaxtooyada,runtii waa wax laga
xishoodo in shaqaalihii Madaxtooyadu ay la miisaan noqdaan 3 Xisbi
Qaran ee hadda jira.
Marar badan ayaan soo gudbiyey sababaha aan u cuskanayo in aan
xilligan wadankeenu qaadi Karin, awoodna u lahayn in dib loo
furo tartanka Xisbiyada badan,waxaa ka mid ah sababahaas:-
1. Waxaan hubaa in xaalada xilligan
lagu jiro guud ahaan dunida ,gaar ahaana Geeska Afrika aanay m
unaasib ahayn in aynu khalkhal gelino Siyaasada wadanka,cid kasta oo
ku talisa in Xisbiyada la furaa na,waxay ka talinayaan
burburka Somaliland,waxayna u adeegayaan dano shisheeye.
2. Weli diyaar ma aha guud ahaan
shuruucdii lagu kala saari lahaa Xisbiyadaa badan,runtiina waxaa loo
baahan yahay in dib u eegis lagu sameeyo Dastuurka Qaranka,gaar
ahaan qodobada ka hadlayaa Xisbiyada Siyaasada,si aynu uga badbaadno
muran Siyaasadeed.
3. Dowlada waxaa xilligan u yaala howlo
badan oo muhiim ah ,sida daminta colaadaha,xalinta Mudah ar
aadada joogtada ah,soo qabashada cida Guryaha maalin kasta
gubta,gurmadka Abaaraha iyo biyo la,aanta,laakiin muhiim ma aha in
lagu mashquulo furista Xisbiyo badan.
4. Haddii Somaliland laga furo Xisbiyo
badan,waxaa loo kala bixi doonaa,BEELO,waxaa iman doonta Qa
byaalad xoog badan, Siyaasadeysan,kana fool xun tan maanta
jirta,waxaan hubaa in lagu dhawaaqi doono DOWLAD GOBOLEEDYO
Somaliland dhexdeeda.
5. Waxaa jira dhibaato
dhaqaale,Abaaro,Sixir barar dhaqaale ,Mushahar la,aan shaqaalihii
Dowlada, Mudaharaadyo cabasho,markaa waxaa ila haboon in aynu dib u
yara dhigano furista Xisbiyada oo aynu dhibaatadaa xalino,marka hore.
6. Waxaa dhici karta in ay timaado fara
gelin xoog badan, waxaa iman doona AFKAAR kala duwan,oo laga yaabo
in ay ku soo dhex dhuuntaan,ururo xag jir ah oo badan ,in mudo ahna
raadinayey daaqad ay maruun ka soo galaan arimaha Siyaasada
Somaliland. .
7. Waxaa joogsanay koritaanka,horumarka
Xisbiyada,,waxaa iman doonta in marba qaar cusubi yim aadaan,kuwii
hore meesha ka baxaan,sheekaduna noqo halkii uun taagnoow.
8. Waxaa imanaysa in Siyaasad uun lagu
mashquulsanaado, dad badanina ka jeestaan dhinaca horu
marka,Dowlado iyo shaqsiyaad dalka maalgashan lahaa dib u joogsadaan
iyagoo ka baqaya muran Si yaasadeed ,ka dibna waxaa wax weyne
iska bedeli karaan kobcinta horumarka guud ee dalka.
9. Waxaa dhici kara isu dhac
Siyaasadeed oo horseedi kara maamul Goboleedyo, dagaalo sokeeye iyo
dhibaatooyin aan wadanku qaadi karin
Hadal iyo dhamaan waan hubaa in cid kasta oo maanta doonaysa in dib
loo furo habka Xisbiyada bad an ,in aanay hoos u eegiin
xaaladaha kala duwan ee maanta ka jira guud ahaan geeska Afrika,gaar
ahaanna Somaliland.Waxaa haboon in loo tudho dalka iyo dadkaba oo
xilligan la kacaa kufaya ABAAR sababtay BAAD IYO BIYO LA,AAN.
F.G: la soco
qaybta dambe oo aan ku eegi doono,danaha Dowladu ka leedahay furista
Xisbiyada bad an xilligan iyo weliba Dowlad Goboleedyo la
filayo in laga dhawaaqo qaybo ka mid ah Somaliland dhowaan.
Mahadsanidin
Abdi
M.Saleiman (Mingiste)
Political Analyst
abdi_saleiman@hotmail.com |
|