Ethiopia oo digniin
kulul u jeedisay dawlad goboleedka Puntland
Xukuumadda Addis-ababa ayaa uga digtay maamul goboleedka PuntLand
inay colaad ka samayso gobolka Sool, waxaana fariintan ay
itoobiyaanku u soo dhiibeen weftigii Isimada & wasiirada isugu jiray
ee dhowaan gaadhay Addis ka dibna hadda PuntLand ku soo noqday.
Wasiirka maaliyadda Maxamed cali Yuusuf & wasiirka amuuraha Gudaha
Cabdixamiid Garaad jaamac ayaa warbaahinta saaka ugu sheegay
magaalada garoowe in itoobiya waxyaabahii ay kala hadashay ay ugu
weynayd arinta gobolka sool ayna qaateen talada ah in Puntland
colaad cusub aanay abuurin isla markaana aanay Pl isku banaynin
jabhad dagaal oo Cusub.
Wasiiradu waxa ay sheegeen in Itoobiya dhinaceeda kula talisay in Pl
& SL ay yihiin labada goobood ee Soomaaliya ka nabad qaba inkastoo
xiisado hoose ka jiraan isla markaana loo baahan yahay in aanay
labadoodu dagaal foodda isku gelin gobolkaasi Sool.
Sida la ogyahay Qaybtii u dambaysay ee sanadkii hore 2007 aya
Somaliland dagaal kula wareegtay gacan ku haynta inta badan
gobolkaasi Sool oo ay ku jirto magaalada xarunta ah ee laascaanood.
Allhawd.com
|