Dr Maxamed-Rashiid Oo Sheegay In Isbedelka Ku Yimid Wad am ada Cara
btu Uu S/land U Horseedi Doono Xidhiidh Fiican Oo Dhex Mara
“Carab-tu
hadii ay arkaan Ingiriiska iyo Faransiiska oo ina ictiraafay waxay
mari doo na an wadada reer Galbeedku jeexay oo saamayn wayn...” Dr.
Maxamed Rashiid Waraysi Khaas Ah
Hargeysa, April 7, 2011 (TNN) - La Taliyaha Madaxwaynaha Ee Amuuraha
Caalamiga iyo ictiraaf raadinta Somaliland Dr. Maxamed Rashiid
Sheekh Xasan, isla markaana ahaa mus haraxii madaxwayne ku xigeenka
ee xisbiga UCID ee doorashadii madaxtooyada ee dalka ka qabsoontay
26-kii June 2010-kii ayaa si qoto dheer uga hadlay kacdoonada
wadama da carabta iyo halka ay salka ku hayaan, kaas oo sheegay inay
tahay arrimo xaga taarii khda ah, kuwaas oo u tilmaamay inay
sababeen in mar kaliya talada laga tuuro qaar ka mid ah
madaxwaynayaashii ugu tunka weynaa dunida carabta.
Dr. Maxamed Rashiid ayaa waxa uu iftiimiyey inay kacdoonadaasi ku
yimaadeen cabudhin badan oo shacbiga wadamadaas lagu hayey muddo aad
u dheer, isla markaana waxa ka qayb qaatay banaan baxyada ay la
yimaadeen shacbiga carabtu ka dib markii xoriyatul qawlkii meesha ka
baxay.
La Taliyaha Madaxwaynaha Somalialnd Ee Amuuraha Caalamiga iyo
ictiraaf raadinta Dr. Maxamed Rashiid Sheekh Xasan ayaa waxa uu
tilmaamay inay kacdoonada wadamada carabta ka socdaa ay saamayn
fiican ku yeelan doonaan mustaqbalka dhaw Somaliland, waxaanu
sheegay inay macquul tahay in madaxda cusub ee wadamada carabtu ay
Soma liland danayn doonaan inay xidhiidh dhaw la yeeshaan, isla
markaana ay ka leexdaan siy aasadihii ay aamin-sanaayeen madaxdii ka
horaysay iyaga.
Dr. Maxamed Rashiid waxa uu sidaas ku sheegay mar uu shalay galab
wargeyska Haatuf waraysi khaas ah khadka Telefoonka ku siiyey, isaga
oo ku sugan magaalada Hargeysa, waxaanu waraysigaasi sidoo kale kaga
hadlay arimo ku saabsan gudida uu ka midka yahay ee uu madaxwaynuhu
u magacaabay ka soo talo bixinta ururada siyaasada, ugu horayna
isaga oo ka hadlaya kacdoonada dunida carabta, waxa uu yidhi
“Kacaanada ka dhacayay mudooyinkan danbe wadamada carabtu waxay
salka ku hayaan amuuro xaga taariikhda ah inkasta oo ay wadamadaasi
ku kala duwan yihiin, laakiin hadii aynu ka soo bilawnay wixii ka
danbeeyey dagaalkii 2-aad ee aduunka carabta oo wixii intaa ka
danbeeyey xoriyadoodii helay inta badani, waxa wadamo badan oo
dawladaha carabta ah guumaysanayey isticmaarkii, tusaale haddii aan
kaaga soo qaado Tunisia oo kale waxa guumaystay Faransiiska, Masar
oo kale inkasta oo ay dawlad lahayd oo ay maamul shaqaynayay ka
jiray oo ay xor ahayd hadana Ingiriiska ayaa awood badan ku lahaa oo
u talinayey haday noqon lahayd Marinka Suez Canal-ka, kaas oo
siyaasadooda iyo dhaqaalahoodaba saamayn weyn ku lahaa, Yemen oo
kale waxa ay kala ahayd laba wadan oo ay caasimado u kala ahaayeen
Cadan iyo Sanca inkasta oo ay iyagana xaga Sanca ay boqortooyo
gabawday jirtay hadana Ingiriiska ayaa guumaysan jiray oo awood
badan ku lahaa, markaa wadamadaas oo dhami dagaalkii labaad ee
aduunka ka dib ayey xornimadoodii heleen, markaa ay xornimada
qaateen wadamada carabta oo dhami midna kamay hirgalin nidaamka reer
galbeedku gadhwadeenka ka yihiin ee Dimuqraadiyadu oo wadan walba
waxa qabsaday nin ama Caa’ilad ayaa qabsatay, kuwaas oo shacbigoodii
ku noqday caqabad aan la dhaafi karin. Masar oo kale ninkii awooda
badnaa ee Jamaal Cabdi Naasir kacdoonkii uu sameeyey sanadkii
1953-dii, isla markaana uu ku doonayey in dunida carabta oo dhan uu
waji cusub iyo taariikh cusubi ay u bilaabanto, aad ayuu run
ahaantii arimahaas iskugu dayey xataa waa tii mar dhacday in Masar
iyo Suria ay midoobeen sanadkii 1958-kii markii danbena kala noqday,
markaa waxa uu soo dhisay Jamaal Cabdi Naasir awood askarinimo oo
aan Dimuqraadi ahayn”.
Dr. Maxamed Rashiid Sheekh Xasan mar wax laga waydiiyey danaha
wadamada reer galbeedku ka leeyihiin kacaanada carbta gaar ahaan
Liibiya, waxa uu yidhi “Run ahaantii dano siyaasadeed way jiraan
sida aynu aragnay faalooyinka aqoonyahanka caalamku ka bixinayaan,
wax la dafari karayona maaha in reer galbeedku ka leeyihiin dano
siyaasadeed, umana malaynayo in dawladaha reer galbeedka ee la
dagaalamaya maamulka Qadaafi ee garabka siinaya mucaarika Benghazi
jooga inay jacayl u ay u qabaan shacbigaas ay ugu hiilinayaan. Mida
kale Qadafi wuxuu ahaa hogaamiye shacbigiisa u diiday inay
horumaraan, xaga dhaqaalaha wax wuu ka qabtay laakiin waxyaabaha uu
qabtay waxa ka maqnaa arimaha dhinaca Xoriyatul-qawlka oo ah kuwa
ugu mihiimsan ee bulsho ku horumari karto, isla markaana dal uu amni
ku heli karo, inkasta oo aanu Qadafi isku haysan nin dadkiisa
cabudhiyey ee uu isku magacaabay oo uu dajiyey nidaamka qoomiyadaha
la yidhaahdo Jamaahiiriya oo ah nidaamkii ay dadwaynuhu xukunka
hayaan, isagaa aragti iyo fal-safad uu iska leeyahay u dajistay,
markaa dadkii markii ay wax barteen ee ay arkeen dunidan horumartay
ee ilaalinaysa xoriyatulqawlka inaanay dani ugu jirin in uu sii
joogo, taas oo ay u sii cadaatay dadka inuu Qadafi damacsan yahay in
marka uu xilka ka dagana uu damacsan yahay inuu xilka ku wareejiyo
wiilkiisa Seef Al Islam ama inamadiisa kale-ba, kaas oo wadankaas ka
dhigi lahaa in lagu xukumo nidaam boqortooyo oo kale, mida kale waxa
dhacay in aan dawladda Liibiya la filayn in kacdoon ka dhaco sababta
oo ah Qadafi wuxuu isku sii diyaariyey nin waligii joogaya, marka uu
ka dagana inamadiisa ku wareejinaya. Sababta oo ah lacag badan oo
Liibiya leedahay ayuu Afrika galiyey isaga oo isku magacaabay
boqorkii Liibiya, taas oo xataa u samaystay astaamo gaar ah oo ay ka
mid tahay koofiyado dhaadheer, tii ugu danbaysay ee dadka iyo dunida
reer galbeedkaba ku kicisay, isla markaana la qaadan kari waayey
waxa ay ahayd markii uu yidhi ‘dadka jooga Banqazi waan xasuuqi
doonaa, suuq suuq ayaan u gali doonaa oo aqal aqal ayaan u gali
doonaa’ arimahaas oo dhami waa kuwa dabka ku sii holciyey ee keenay
in dagaal lagala horyimaado”.
S: Kacdoonada ka dhacay dunida carabta maadaama oo ay ahaayeen dalal
aan xidhiidh wanaagsan la lahayn Somaliland maxay kacdoonadaasi ka
badali karaan ayaad u malaynaysaa xidhiidhka Somaliland iyo wadamada
Carab ee aan wanaagsanayn?
J: Marka hore waa in aad ogaataa in dawladaha carabta in aanay
lahayd mawduuc wayn oo siyaasiya oo madaxbanaan, waxaanay inta
baddan ku daydaan wadamada reer galbeedka oo siyaasadooda saamayn
wayn ku leh, inkasta oo ay hada jiraan boqoro yar yar oo dhalinyaro
ah oo qaarkood yihiin kuwa dibadaha wax ku soo bartay, kuwaas oo ka
siyaasad duwan aabayaashood ama madaxdii iyaga ka horaysay, markaa
dawladaha carabtu maaha kuwo u madaxbanaan arimahaas. Imika hadii ay
arkaan wadamada reer galbeedka oo arimaha Somaliland aad u danaynaya
ama ay arkaanba laba sadex wadan tusaale ahaan Ingiriiska iyo
Faransiiska oo kale waxaan hubaa in ay markaaba iyaguna ina wada
ictiraafi lahaayeen, Markaana waxay mari doonaan wadada reer
galbeedku jeexay. Waxaan tusaale yar kaaga soo qaadayaa markii inaga
halkan dagaalku inagaga socday sanadihii 1988-kii ee dayuuradaha
Siyaad Barre ay garaacayeen magaalooyinka waawayn ee Somaliland sida
Hargeysa iyo Burco wadamada carabta xidhiidh wanaagsan ayeynu la
lahayn oo may arag nin kaligii taliya oo shacbigiisii diyaarado ku
rushaynaya, manay muujin kadeedkaa iyo dhibtaa lagu hayey shacbiga
reer Somaliland, laakiin maanta waxaan u arkaa inay soo fahmayaan
meeqaamka ay taagan tahay Somaliland iyo nidaamka iyo kala danbaynta
ka jirta dalkeena iyo xataa heerkooda diiniga ah ee culimada iyo
waxbarashada, markaa hada way ii muuqataa inaynu xidhiidh dhaw la
yeelan doono inaguna aynu ku dadaali doono xidhiidhkaasi sidii uu u
noqon lahaa mid wayn.
S: Maadaama oo ay Somaliland buuxisay dhamaan shuruudihii laga rabay
dal madaxbanaan iyo dawlad xor ah, isla markaana dhinaca
dimuqraadiyada ay Somaliland kaga horayso wadamo badan oo Afrika ka
tirsan, maxaad u malaynaysaa inay ictiraafka ka hortaagan tahay
Somaliland ilaa iyo hada?
J: Marka hore arimaha la isku ictiraafayo waxa ugu waawayn imika
dano siyaasadeed aduunyadu ma kaa leedahay, waa in marka ugu horaysa
aad is waydiisaa maxay kaa helayaan wadamada ku ictiraafay,
aduunyada dano siyaasadeed ayaa ugu horeeya oo la isku ictiraafa way
yartahay inta jacayl ama waxyaabo kale la isku ictiraafa. Somaliland
dagaalkeeda iyo tartanka ay caalamka kula jirtaa maalinba meel ayuu
joogay, maalin waxa aynu iska dhicinaynay nidaam axmaq ah oo
shacbiga reer Somaliland gumaaday, mar waxaynu dhisaynay
Dimuqradiyadeena oo ay kaw ka ahayd inay Qabaa’ilku heshiiyaan taas
oo aynu ku soo afjarnay shirkii waynaa ee aynu 1993-kii Boorama ka
dhacay, golayaashii sharci dajinta ayeynu dhisanay Wakiiladii iyo
Guurtidii, markii danbana waxaynu galnay doorashooyin is daba joog
ah oo ay ugu danbaysay doorashadii dhawaan dalka ka dhacday ee lagu
soo doortay madaxwayne Axmed Maxamed Maxamuud Siilaanyo, arimahaas
oo dhan ayeynu la soo tacaalnay oo aynu soo yagleel-nay. Markaa
hadii aynaan hawlahaa markii hore ku mashquulin waynu ka badin
lahayn ayaan qabaa arimaha ictiraaf raadintu halka ay maanta marayso,
anigu waxaan aamin-sanahay in ictiraafkeenu uu imanayo goor uu
imanayo ayuun baanan garanayne, wax inaga horjoogaana ma jirto
maanta reer galbeedku way u soo jeedaan Somaliland run ahaantii,
waxa taas cadaynaya shirkii ay sadexdii wasiir dhawaan magaalada
London kaga qayb galeen waxa lagala hadlayey shidaalka iyo macdanta
Somaliland ku caanka tahay sidii looga faa’idayn lahaa, isla
markaana loo soo saari lahaa, xaga siyaasadana waxa aynu ku naalnaa
meel Istaraatiiji ah oo aad u mihiim ah markaa Insha Allaah inta
inaga dhimana waynu buuxin waynanu heli doonaa dhawaan Ictiraaf.
S: Hadii aynu u soo noqono arimaha dalka, gudida aad ka midka tahay
ee uu madaxwaynuhu u magacaabay talo bixinta ururada siyaasadu ma
ogtahay in arintan aad ku mashquulsan tihiin uu hore madaxwayne
Axmed Siilaanyo kaambayn ugu galay inuu furi doono ururada, isla
markaana miyaanay qodob dirtuuriya ahayn in muwaadiniintu isku soo
abaabuli karaan qaab xisbi ama urur?
J: Waxa aan jeclahay inaan shacbiga xasuusiyo madaxwaynuhu khudbadii
uu golayaasha u jeediyey oo uu yidhi anigu waxaan balan qaaday oo
aan kaambaynkii ku galay inaan furi doono ururada, laakiin wuxuu
yidhi waxaan doonayaa in talada aan baahiyo oo aan bulshada ka qayb
galiyo, anigu waxaan u arkaa talaabadaasi inay tahay mid loo baahnaa
oo shacbiguna aad u soo dhaweeyeen. Markaa anaguna gudi ahaan
markaanu arintaas soo dhamayno ayaanu madaxwaynaha u gudbin doonaa.
S: Sideebaa gudidiina loogu arki karaa mid dhexdhexaad ah maadaama
oo ay ku jiraan sadexda xisbi ee Kulmiye, UDUB iyo UCID oo iyagu
hore u cadeeyey inaanay ogolayn in ururo la furo, miyaanay noqonayn
uun arin ragii diidanaa la yidhi ka soo talo bixiya?
J: Inkasta oo axsaabtu bulshada wakiil ka tahay, hadana gudida waa
ka mid mujtamaca kale oo aan axsaabta ka mid ahayni oo dhalinyaradii
ayaa fadhida oo aqoonyahankii ummada ayaa ku jira, markaa waxaan
codsanayaa in gudida laga warsugo inaanay shacbigu raali ka ahayn
furista ururada iyo in ay ka yihiin.
Source:Haatuf
|