DILKA FOOSHA XUN IYO GEFKA LAGU SAGOOTIYEY
LABADA SARKAA
Marka hore waxaan halkan ka tacsiyadeynayaa ummadda Somaliland,
eheladii, qoysaskii, qaraabadii, iyo Ciidanka dhammaanba dilka
arxandarada ah ee lagu fuliyey labada sarkaa. Ilaahay labada marxuum
jannaatul firdows ha ka waraabiyo ummadday ka baxeena ilaahay samir
iyo iimaan ha inaga siiyo.
Marka xigana labadada sarkaal ee ka tirsanaa Ciidanka Qaranka
Somaliland ee sifaha fooxhsa xun ee qorsheysan qudha looga jaray
iyagaan waxban galabsan oo difaaca dalkooda heegan ugu jira waa buro
iyo boog aan abid ka hadhayn xukuumad ku sheegta uu gadhwadeenka ka
yahay Md. Axmed Maxamed Maxamuud.
Waxa kale oo aan la illoobi doonin garaad xumada ka dambeysey in
meydadka labada sarkaal eheladoodii laga horjoogsado; waa sheeko
ugub ah oo dunida hore loogu arag waxana looga fadhiyaa wasaaradda
gaashaandhiga iyo taliyaha Ciidanka Qaranku in ay ummadda reer
Somaliland u caddeeyaan sababta goob cidla ah labada sarkaal loogu
aasay. Waxa kale oo xukuumadda Md. Axmed Siiraanyo iyo Taliyaha
Ciidanka looga fadhiya sababta labada sarkaal loogu quudhiwaayey in
lagu sagootiyo maamuuskii qaran ee ay ummadda ka muteysteen.
In sifaaha ummadda qadafka ku aha labada sarkaal lagu sagootiyp waa
jahliga iyo garasho xumada dadka talada dalka haya oo aan u qalmin
in ay biniaadam iska daayoo duurjoog lagu aamin. Ma aha duul maanta
laga quustay waa dar abidkoodba quus ahaa.
Waxa kale oo ummaddii reer Somaliland ka degi la' in xukuumaddii ay
doortaan haba yaraatee soo hadal qaadiweydey dilkaa naxdinta leh.
Waxa madaxweynaha looga fadhiyey in uu ummadda warbaahinta kala
hadlo oo qoysaskii labada sarkaal tacsiyadeedo ballanna ku qaado in
qacan-ku-dhiiglaha iyo kooxda soo abaabushayba gacan bira lagu
qabandoona sharciga la hor keenidoono. Kama aha garasho la`aane waa
gef badheedh ah.
Ehelada labada sarkaal ee ka gadooday sida loo maamulay dhacdadan
iyaguna ma geyaan in xabad lala dhexqaado oo dil iyo dhaawac intii
hore ka badan iyo mashaqo kale soo korodh. Kasgaabnimada iyo garaad
xumada kaaderiyiinta u guulwadaysa xukuumadda Axmed Siiraanyo waa ta
geyeysiisey in ay Gobolka Gabiley kula jarmaadaan laba dugi ayaanu
deyrkooda dhagax dhigaynaa; waa qown aad mood in kii lagu guurayeyba
Ilaahay ku abuurin.
Gebo gebadii xadiis shariif ah ay odhana: ``Masiibo huruda ciddii
toosisa Ilaahayba nacdala.`` Markaa qowmkan dalka lagu aaminay
waxaan leeyahay:
``CALAYKUM LACNATU LAAHI AXYAA A`KUM WA AMWAATAKUM ILAA YOWM UL
XASHAR.``
Axmed Cali Ibrahim Sabeyse
September 21, 2014
|