Digniin ku waajahan dhammaan wasiirada ee Caanbaxay Burburka Xisbiga
KULMIYE
Aniga ka mid ah Xisbiga KULMIYE waxa aan Digniin u diraayaa
wasiirada Xukuumada Madaxwey na Siiraayo ee Baryahan danbe soo
shaacbaxdey khilaafka oo shirweynihii Xisbigu ka Qabsoomi waayey
kaas oo Aabo iyo hooyo u yihiin wasiirada Qoodha ah oo aan shaki ku
jirin in ay iyagu ay ka danbeeyaan khilaafka Ragaadiyey Xisbiga
maanta talada haya Aniga qayrkayba wey ogyihiin sidaas darteed
waxaan dhawaaq dheer ugu yeedhayaa wasiisada maanta nagu heysta
Lafahii aanu ku hadhney markii la kala saarey Xisbiga iyo Xukuumada
Raga laga tagey waxa ka mid ahaa Gudoomiye Gobol,Degmo,Gudomiye
Laamaha Gudaha,Debada maaha wax halka ku soo koobikaro sida shacabka
Somaliland ee xorta ahi la socto sidaas darteed uma dul qaadan karno
haday sii socotana waxay keeni kartaa isku dhac maxaa yeelay marbaa
dulqaadku lumaa ee ogaada.Aniga Dawladan tacab badan baa iga galey
oo anaa cid kasta uga lexejeclo badan laakiin ma jecli gardarada ama
damaca xun ee maanta (shaley) war baahinta arkeyseen iyada oo
Gudoomiyihii Xisbiga KULMIYE uu sheegtey Madaxweyne ku xigeenka
Mudane C/raxmaan Saylici haba miyaaney lumin kala danbeyntii ama
Dastuurkii Xisbiga waxa kale oo lumey in hoos loo tashado.
Anigu waxaan odhan lahaa (Geela Duqdiisu Durdurisay Aarankiisa
maxaad mooddaa? ) Madaxweynuhu waxa uu caddeeyey in aanay jirin haba
yaraatee cid gaar ah oo murrashax xisbiga KULMIYE dhexdiisa ah oo uu
wato ama uu taageersan yahay, isla markaana waxa uu qalad ku
tilmaamay in wax olole siyaasadeed ah la dhexgeliyo hawsha
qabanqaabada shirweynaha xisbiga. Waxa kale oo uu sheegay in aanay
hadda jirin cid murrashax ah laakiin ciddii is sharraxaysa ay u
furan tahay marka shirweynaha la gaadho inay dhexdiisa iska
sharraxdo.
Kulan maanta oo taariikhdu tahay 02/11/2013 ku dhexmaray Qasriga
Madaxtooyada Madaxweynaha Jamhuuriyadda Somaliland Mudane Axmed
Maxamed Maxamuud (Siilaanyo) iyo hoggaanka sare ee xisbiga KULMIYE
ayaa lagaga wadahadlay khilaafka ka dhashay xubnaha Guddiga
Qabanqaabada oo koox ka mid ahi si gaar ahi sifo aan sharciga
xisbiga waafaqsanayn u doortay hoggaan iyo hawlaha u diyaargarowga
shirweynaha 3-aad ee xisbiga KULMIYE oo ku muddaysan 25-ka bisha
December ee soo socota.
2. Madaxweynuhu wuxuu kulanka ka sheegay in haddii la keeno caddaymo
ka markhaati kacaya in xubno ka tirsan Golaha Wasiirradu ay ku lug
leeyihiin eedaymaha olole ee dhaliyey in guddiga qabanqaabadu kala
qaybsanto inuu tallaabo ka qaadi doono.
3. Sidoo kale waxa uu Madaxweynuhu caddeeyey, la islana qaatay in
Guddoomiyaha iyo hoggaanka xisbiga KULMIYE ay u madaxbannaan yihiin
hawshooda maamulka xisbiga, iyadoo Guddoomiyaha xisbiga Md. Muuse
Biixi Cabdi uu halkaasi ka ballanqaaday in arrinta ku saabsan kala
jabka guddiga qabanqaabada iyo go’aankii xubno ka mid ahi ay gooni
ugu doorteen hoggaan uu isagoo guddanaya masuuliyaddiisa gelayo
xallinteeda, isla markaana uu go’aan ka soo saari doono.
4. Waxa kaloo la isku afgartay in khilaafka iyo xasaasiyadda ka
dhashay kala jabka Guddiga Qabanqaabada ay turxaan-bixinteeda dib
isugu noqdaan oo ay ka wadahawlgalaan hoggaanka iyo Guddiga Fulinta
ee xisbigu si aan wax carqalad ahi ugu iman habsami-u-socodka
hawlaha qabanqaabada shirweynaha.
5. Ugu dambayn waxa la isla qaatay in dhammaan xisbiga iyo
xukuumadduba ay si wadajir ah gacmaha isku qabsadaan, ugana
midho-dhaliyaan sidii shirweynaha 3-aad ee xisbiga KULMIYE ugu
qabsoomi lahaa si qurux badan oo aan khilaaf lahayn, si wadajir ahna
looga dhawro wax kasta oo carqalad ku keeni karaya. Madaxweynu maka
dhabeeyey? Waa maya ee waxaa ila tahay Gaymka ninka wadaa uu
Madaxweyna yahay.
Rag sabaan ka sabaan baan,
2. Samaantuun badiyaa.
3. Haduu saakimi waayo,
4. Sariiraan u dhigaa,
5. Iska seexo idhaa.
6. Haduu saakimi waayo na,
7. Caanihii hasha Suub baan,
8. Saddex goor u lisaa,
9. Ku sarriigo idhaa.
10.Haduu saakimi waayo,
11. Sumalkii rugta joogay iyo,
12. Sogobkaan u qalaa,
13. Haduu saakimi waayo,
14. Siirigii Cadmeed baan,
15. Subaggawga badshaa,
16. Haduu saakimi waayo,
17. Gabadh suurad wanaagsan baan,
18. Surrada ugu dhisaa.
19. Haduu saakimi waayo,
20. Xoolo gooni u soofiyo,
21. Sadadaan ku ladhaa,
22. Haduu saakimi waayo,
23. Seeddow, mood iyo mood iyo,
24. Salaantaan badiyaa.
25. Haduu saakimi waayo
26. Salaadaan lallabaa yoo
27. Meydal seedo madow iyo
28. Salligaan cuskadaa yoo
29. Sulub eebo ku joogtaan
30. Sarartaa ku dhuftaa
31. Sambabkaan ka baxshaa
32. Markaasuu sellimaa
Axmed Jimce
|