DIB AAN U EEGNO 2009 IYO
FALALKII SIILANYO IYO KULMIYE
Waxa aynu manta ka maqlaynaa in mudaharad iyo wadatashi xaaran yahay.
Waa ayaan darro in maskaxda ummadeena sidan loo galo.
Dimuquraadiyaddu waxa sal u ah in dadku wadatashan karo, ururo
sameysan karo afkaar wadaagim karo banaanbaxna ay si salmi ah
xiligey doonaan u samayn karaan. Waana tii KUlmiye loogu hiiliyey.
Madaxweyne din u xusuuso haddaan xusuusto kaa lumin oo balankaad
gashay oofi. Ha ku wacad furin intaad ku wacad furtay in ka badan.
Waxaad u keentey kii ay eryeen iyo wasiiradii ay kaga hiiliyeen.
Mana garanayno waxa ku dhacay caqligii iyo afkaartii aanu kugu
naqaanay kuuguna dooranay.
Haddii Xanuun jiro waanu kuu ducaynaa ee Alle ha kaa dul qaado hana
ku tuso intan yare e ku afduubtay ee Xirsi hormoodka u yahay, maalin
walba koox uu sameystay ayaa Golaha Wasiirada ku biireysa, maantana
aqlabiyad Golaha ah ayuu sameystay oon Madaxweyne ada kuu arag
Madaxweyne balse uu halkaas xirsi ugu jiro.
Intaas dabadeed aan iddin soo gudbiyo maqaalkan muujinaaya
banaanbaxii KULMIYE oo Siilanyo hogaamiye u ahaa ay oogi jiriin iyo
waxay ka odhan jireen.
BANAANBAX UU DHIGAY KULMIYE OO KA DHACAY BURCO IYO OOG IYO JAWIGII
BANAANBAXA ASI
Bannaanbax uu dhigay Xisbiga Kulmiye oo ka dhacay saaka Burco iyo
Oog iyo jawigii Bannaanbaxyadaasi.
Burco: Bannaanbaxyo ay soo qabanqabiyeen xisbiga mucaaradka ah ee
Kulmiye ayaa saaka ka dhacay Magaalada Burco iyo weliba Degmada Oog,
Bannaanbaxan oo ahaa mid silmiya oo aan wax rabashado ah wadan sidii
kii hargaysaa ayaa ku koobnaa xarumaha xisbigaasi, iyadoo markii ay
masuuliyiinta asxaabta khudabadahooda halkaas ka jeediyeen ay kala
tageen dadkii halkaasi isugu soo baxay.
Bannaabaxan oo ka dhacay xarunta xisbiga Kulmiye ee Gobolka
Tog-dheer, ayaa waxa ka hadlay masuuliyiin fara badan oo ay ka mid
yihiin:
Guddomiyaha xisbigaas ee G/togdheer Sahal adan maxamed, waxa
hadaladii Guddomiyaha ka mid ahaa “wax caqliga gala ma aha xisbiga
kulmiye ayaa ka danbeyay dhacdadii shalay ka dhacday hargaysa Markaa
walaalayaal waxaasi ma tahay wax caqliga gala ninkan Wuxuu wada
sidii uu dalka u meja habaabinlahaa shacabka nabadooda Jecelna uu
khalkhal ugagalinlaha markaa waxaan shacabka u soo jedinlaha inay ka
digtoonaadaan wax uu ninkani wado waxaana Uu hadalkiisi ku soo
gabagabeyay hadii golaha baraalamanka Faraha lagala bixi waayo waxay
gaadhi doontaa gacan kahadal wuuna Dhammaaday af ka hadalki”
Hadalada Guddoomiyaha oo cadho badani ka muuqatay isla markaasna
eedayn u badnaa ayaa waxa uu ku soo gabagabeeyey “waxanu shacabka
leenahay hadii uu ninkan Riyaale faraha kala bixiwaayo golaha sharci
dajinta cidi idin Kama xigto aqalka barlamaanka waana tagi
kartaan”ayuu yidhi Guddomiyuhu.
Sidoo kale waxa munasibadda Bannaanbaxan hadalo badan ka jeediyey
Guddomiyaha Garabka Dhlinyarada xisbiga kulmiye ee G/Tog-dheer
Abdilahi hassan haji diriye, Abdilaahi Hassan aya isaguna ka hadlay
sida ay uga xunyihiin dhacdadii foosha xumayd ee hargysa Ka dhacday
shalay, Isagoo dhalin yarada Reer somalilandna ugu baaqay inay usoo
jeestan badbaadada dalkooda .
waxaa sidoo kale isna halkaasi ka hadlay gudoomiyaha beesha awal
bari Xaaji C/laahi Maxamed C/raxman wuxuun Guddoomiyuhu hadlkiisa
kubilaabay “Ninka riyaale Somaliland way sharaftay isagoo meel cidla
ah taagan ayey madaxweyne kadhigtay kursigii dalka u sareeyeyna ku
fadhiisisay waxaana laga eegayey inuu abaal gud u sameeyo wuxuuna
noqday awrkii heeryadiisa cunay oo uu dumarkii iyo caruurtii
askartii ku fayliyo balse wax dhacaba waa laga kabtaa waxaan ilaahay
ka baryeyaa dhacdadii dadkii ku dhintay inuu janadii geeyo inagana
samir iyo iimaan ilaahay inaga siiyo waxaase aanu leenahay waan u
aaraynaa waana idiin hiilinaynaa reer hargeysow” Guddomiyaha Beesha
Awal Bari oo hadaladiisa cadho badan iyo qiiro ka muuqatay ayaa ugu
danbayntii halkaasi uga duceeyey dadkii ku dhintay kuna dhaawacmay
rabshadihii shalay ka dhacay hargaysa.
waxa sidoo kale halkaasi gabay dheer ka jeediyey abwaan cali yusuf
maxamed (cali cawar) waxa midhihii gabaygaas ka mid ahaa:
xilku maa ha xamkowsi
xoog iyo awood maaha
masaakiinta xag xago maaha
Munaasibaddan oo ay ka jeediyeen khudbado dhaadheer masuuliyin aad u
tiro badani sidoo kalena ay gabayo ka jeediyeen abwaano fara badan
aya waxay ku soo gabagabowday jawi degen, waxaana dhamaantood ay
muujinayeen inay ka xun yihin dhacdadii foosha xumayd ee shalay ka
dhacday caasimada somaliland ee hargaysa.
iyagoo gebi ahaantood ku tilmaamay in bilayska rayaale u shaqeeya
waa sida ay hadalka u dhigeene ay geysteen xasuuq aan loo meel
dayin.
Dhinaca kalena magaalada Oog ayaa sida ay sheegayan wararka ka
imanayaa waxa ka dhacay Banaanbax Culus iyagoo taageerayaasha
xisbiga Kuliye ay shiid iyo dhagaxtuur ooda kaga qaadeen Goobo ay
joogaan masuuliyin ka tirsan xukuumada, iyadoo sida la sheegay ay
dadkaasi dhagax tuurka samaynayay ku dhawaaqayay ereyo ay ka mid
yihiin " waa lana sixro waa lana siree siilaanyo mee, waa lana
sixroo waanu silicnaye siilaanyo mee"
Ugu danbayntii Bilayska Magaalada Oog ayaa rasaas ku furay shacabkii
Gadoodsanaa, lamana oga khasaaro dhab ah oo uu geystay banaanbaxaska
dhacay magaalada Oog.
http://togaherer.blogspot.co.uk/2009/09/banaanbax-uu-dhigay-kulmiye-oo-ka.html
Abdi Haji Axmed
hargeysawi@ymail.com |