Dhammaan Dadweynaha Degan North Amerika Waxa Loo Sheegayaa in Mudaaharaad Balaadhan Laga Dhigi Washington, DC., 18ka May
Sanad kani wuu ka duwan yahay
kuwii hore, waayo waxa la isugu imaan doonaa Washington, DC, oo ah
meesha wadanka aduunka ugu xooga weyn laga maamulo, aduunyada
inteeda kalena laga haggo hawlahooda. Sidaa daraadeed in la wada
yimaado oo intii kari kartaa isa soo xilqaamto ayaa waajib ah. Waxaa
laga qayb gelayaa MUDAHARAAD BALAADHAN oo lagu qaban doono State
Department ka hortiiisaa Saacaddu markay tahay 8:00 ilaa 9:30
subaxnimo ee 18ka May, 2012. Madaaharaad kaas oo lagu taageerayo
gooni isu taaga Jamhuuriyadda Somaliland. Waxa markaa ka bacdi la
isla tegi doonaa madasha loogu talo galay shirka sanadkan oo ah
Hilton Hotel-ka ku yaala Dulles Airportka agtiisa. Halkaas oo uu
shir balaadhani ka socdo oo socon doona labo maalmood. Waxa intaa u
dheer in la bixin doono abaal marino fara badan, habeen walbana la
idin madadaalin doono, Hadii Allah yidhaahdo. Hadaba ha ka
maqnaanina hawlahaas iyo geedi socodkaas aan loo kala hadhi karin.
|