Dawlada Ghana oo u magacawday Saxafiyad Dr.Muha Farah Jire,
Safiirkeeda Hawlaha Biliaadanimo
warsaxafadeed ay wasaaradda arrimaha dibadda ee dalka Ghana soo
saartay waxay ku tilmaantay Drs Muha Daahir Faarax Jire Xidig geeska
Afrika u dhalatay......
Ghana (TNN):- Munaasabad ay ka soo qayb galleen madaxda haayadda u
qaabilsan dalka Ghana arrimaha bini’aadminimada gudaha iyo dibadda
ee CAT loo yaqaano, qaar ka mid ah diblomaasiyiinta dalalka dibadda
u fadhiya magaalada accra iyo masuuliyiin kale ayaa warsaxafadeed ay
wasaaradda arrimaha dibadda ee dalka Ghana soo saartay waxay ku
tilmaantay Drs Muha Daahir Faarax Jire Xidig geeska Afrika u
dhalatay, kana soo dhex iftay arrimaha warbaahinta iyo gudbinta
wararka ee qaaradda Afrika. Afhayeen u hadlaysay waaxda gargaarka
IMG_3984bini’aadminimada dalka Ghana ee CAT ayaa sheegtay in xilkani
ay dawladda Ghana usoo bandhigtay xidigtani yar ee qaaradda Afrika
ka soo dhex baxday, iyadoo muujisay karti, iyo hawlkarnimo isla
markaana markii shanaad hadda ku soo noqotay dalka Ghana “waxay noo
tahay sharaf weyn in Drs Muha Daahir Faarax Jire ay xilkani naga
aqbasho, waxaana ay u tahay farxad weyn CAT iyo wasaaradda arrimaha
dibadda ee dalka Ghana” ayaa ay ku tidhi warsaxafadeedkaasi. Mrs
Muha Daahir Faarax Jire oo iyaduna munaasabadda lagu magacaabay
hadal ka jeedisay ayaa sheegtay in ay inta karaankeeda ah dhabarka u
ridan doonto hawshani loo xil saaray “Ghana waa iftiinka
dimuqraaidyadeed ee qaaradda Afrika, waxay ii tahay sharaf weyn
inaan markii shanaad imaado Accra isla markaana booqdo meelo badan
oo dalka Ghana, waxaanan weligay iloobayn soo dhawaynta, iyo wanaaga
ay dadka reer Ghana iyo xukuumadda madaxweyne Mahamma ay ii muujisay
muddadii aan halkani joogay, xilkani maaha mid fudud la i saaray,
waxaan isku dayi doona inaan ka shaqeeyo la dagaalanka faqriga iyo
sidii caruurta agoomaha ah ee qaaradda Afrika ay u heli lahaayeen
gacan iyo taageero” ayey tidhi Drs Muha Daahir Faarax Jire. Ka Dib
markii la magacaabay ayey Drs Jire ka qayb gashay munaasabad ay
qaramada midoobay iyo haayadda CAT ugu qaybinayeen cunto iyo
daawooyin xarunta agoomaha ee magaalada Accra, iyadoo furtay
goobtaasi isla markaana hawshii qaybinta raashinka iyo daawooyinka
ka
shaqaynaysay. Waa markii ugu horaysay oo qof dhalasho ahaan ka soo
jeeda Somaliland xil diblomaasiyadeed looga magacaabo dal ka mid ah
dalalka dunida gaar ahaana hormoodka qaaradda Afrika.Dr. Muha Daahir
Faarax Jire ayaa muddo toban sanno ku dhaw waxay ka hawl gallaysay
xarunta midawga Afrika ee Addis Ababa, iyadoo horana u noqotay
madaxii suxufiyiinta qaaradda Afrika, sannadkii 2011-kii ayaa
guddoomiye ku xigeenkii midawga Afrika wuxuu guddoonsiiyey
shahaadada Doctorate PHD, wixii intaasi ka danbeeyeyna waxay iskaga
dab qaadaysay dhammaanba qaaradda Afrika.Sida lagu sheegey
warsaxaafadeed taariikhda Dr. Moha Farah Jire uu kaga hadley urur
arimaha bani aadamnimada u qaabilsan xukumada Ghana oo CAT lagu
magacaabo ayaa shegey inay ahayd Xidig Geeska Africa u dhalatey,
kana dhex iftey arimaha Qaarada ee Saxaafada, Dimoqraadiyada, Amniga
iyo nabadgelyada qaarada, Dr. Moha waa markii 5aad ee socdaal shaqo
ay ku timaad cariga Ghana waxanay si kal iyo bani aadamnimo ku
ladhantahay nooga aqbashey xilkasi ,iyadoo isku xidhi doona ururada
maxaliga ah ,kuwa caalamiga ah, deeqbixiyayaasha iyo guud ahaan
diplomasiyiinta u ololeysa arimaha bani aadamnimada ee ay xidhiidhka
wada shaqayneyd la leedahay Doctooradu ayaa lagu yiri
warsaxaafadeedka
Sidoo kale Moha Farah Jire oo jaraaidka Ghana warsaxaafadeed ay
qabatey kula hadashey ayaa tiri, waa howl aan jeclahay , in aan
taakulayno caruurta dhiban ee uu baahan gargaar bani aadamnimo , waa
waajib aadamnimo oo diinahu guud ahaan ay ina farayaan, wanan uga
mahadcelinayaa Xukumada Ghana ee ii xil saartey howshani baaxada leh,
waxay ka codsatey in warbaahinta qaaradu kala shaqayso u ololeynta
arimaha caruuraha aan waalidka lahayn, ama baahiyaha gaarka ah leh,
waxayna booqashooyin ku samaysay xarumaha ugu waawayn ee Agoomaha
lagu xanaaneeyo Ghana, iyadoo macaawinooyin kii ugu horeysay
gaadhsiisey
Waxa inta badan dalalka reer galbeedka ah loo xushaa xilalka Bani
aadamnimo dadka Caanka ah ee magaca weyn leh, si loogu soo joogsado
howlaha gargaarka ee ay ka wadaan dunida
|