Dadweynaha Degmada Arabsiyo Oo Saluug ka Muujiyey Habmaa muuseedkii
lagu Qaabiley Wasiirka Ganacsiga iyo Maalgashiga Somaliland Ee Deyna
Usoo Jeediyey Maamulka Heer Gobol iyo Heer Degmo
Annagu Reer Arabsiyo hadaanu nahay, waa la yaqaanaa
ta la mid ah, iyo
tu ka sii xun ayaanu Wad adaa ku samayn doonaa hadii Xukuumadu waxba
ka qaban waydo arrintaasi, waajibaadkayaga aya anu gudan doonaa”.
Ayuu yidhi Oday Maxamed Caydiid .
Arabsiyo (TNN):- Qaybaha kala duwan ee Dadwaynaha Ku dhaqan Degmada
Arabsiyo ee ka tirsan Go bolka Gabiley ayaa ku eedeeyeeyey Maamulka
Heer Gobol iyo Heer Degmo ee Gabiley, Mas’uuliya d a Waji-gabaxii uu
Wasiirka Wasaarada Ganacsiga iyo Maal-gashiga Somaliland Dr Maxamed
C/laahi Cu mar uu kala kulmay Magaalada Gabiley ee Xarunta Gobolka
Gabiley Maalintii Isniintii ee Todobaad ka n, ka dib markii Maamulka
Magaalada Gabiley kaga qufusheen Hoolkii Shirarka ee Xarunta Dawlad a
Hoose ee Degmada oo Wasiirku Kulan kula qaadanayey Xildhibaanada
Golaha Deegaanka, Hogaam iy ayaasha Dhaqanka, Madaxda Urrurada
Bulshada Rayidka ah, Ardayda Wax ka barata Jaamacada ha Timacade iyo
Camuud ee Gabiley iyo Boorame, Haweenka Qurbe-joogta Reer Gabiley ee
Wakhti-Xaa dirkan ku sugan Dalka gudihiisa iyo Marti-Sharaf kale oo
aad u tiro badan.
Dadkan oo Eedaynta ay u soo jeediyeen Maamulka Heer Gobol iyo Heer
Degmo kaga hadlay Shir-Jaraa’id oo ay Warbaahinta Kala duwan ku
siiyeen Magaalada Arabsiyo ee Gobolka Gabiley, Iyaga oo tilmaamay in
Maamulka Gabiley ay u qoor-xidhan yihiin Ashkhaas gaar ah oo loo
adeegsado inay fuliyaan kolba Hawlo Nin gaar ahi wato, waxaanay
xuseen in ay qalad tahay in Mas’uul Dawladeed oo mudnaa in lagu soo
dhaweeyo Magaalada in Laga xidho Hoolkii Dawlada/hoose ee Degmada ee
uu Dadwaynaha kula hadli lahaa, Waxaanay farta ku fiiqeen hadii
Xukuumada dhexe ay tallaabo ka qaadi waydo in ay Iyagu ka Degmo
Arabsiyo ahaan ka qaadi doonaan, Cawaaqib Xumada ka dhalan doonta
Arrintaasina ay Dawlada/Dhexe dusha ku qaadan doonto.
Sahra C/laahi Sheedaal oo ugu horreyn Shirkaa Jaraa’id ka hadashay
ayaa sharaxaad ka bixisay Ujeedada ay iskugu yimaadeen oo ay ku
sheegtay inay cambaaraynayaan Dhacdadii Lagaga xidhay Hoolka
Shirarka Dawlada/Hoose ee Degmada Wasiirka Wasaarada Ganacsiga iyo
Maal-gashiga Somaliland Dr Maxamed C/laahi Cumar waxaana
hadalladeeda ka mid ahaa: “Waxaanu Cambaarayna ynaa Maamulka Gobolka
Gabiley, gaar ahaan Maayarka Magaalada iyo Xog-hayaha Fulinta
Dawlad a/Hoose oo aan ka soo qayb-galin soo dhawayntii Wasiirka
Ganacsiga, Wasiir Maxamed C/laahi Cumar maaha Nin Fudud oo la
fududaysan karo, markii uu ahaa Wasiirka Arrimaha Dibada Siyaasadii
Dibada Somaliland waa kii furfuray ee Caalamka oo dhan Inagu soo
xidhay wixii uu Dalkan u galay waa la wada ogyahay, waanu ka mudan
yahay Nin Inta caruur loo soo shiriyo Albaabadana laga xidho. Waxa
Ayaan-Darro ah Mas’uuliyiinta Gobolka iyo Madaxda Degmada Gabiley
sida ay u fikireen anigoon garanaynin, iyo Meesha Laga hagayo iyo
waliba Cida ay u shaqaynayeene, hadaba hadii ay u haystaan inay gool
dhaliyeen, guul-daro ayay qaateen, waanu cambaaraynaynaa, waanu ka
xunahay, waanu cambaaraynaynaa, Xukuumaduna haday waxba ka qaban
waydo oo tallaabadii ku haboonayd laga qaban waayo mar hadii ay
Hoolkii Xidheen Aniguna Waddada ayaanu Anaguna Xidhan doonaa”. Ayay
Tidhi Sahra C/laahi Sheedaal oo ka mid ah Hooyooyinka Reer Arabsiyo.
Waxa kale oo Isaguna isla Shirkaa-Jaraa’id ka hadlay Oday Maxamed
Caydiid oo Isaguna si adag uga hadlay Hadiiba Tallaabo ay xukuumadu
ka qaadi waydo inay Iyagu(Reer Arabsiyo) ay ka qaadi doo naan waliba
Talaabo aan la mahadin ay ka qaadi doonaan oo ay ka jawaabi doonaan:
waxaanu yidhi “Waxaanu halkan iskugu nimid Waxyaabihii Foosha Xumaa
ee ka dhacay Gobolka ee lagula kacay Mas’uulka dhan ee Gobolkiisii u
yimid si uu ugu dhabo-galo Xaalada Dadkiisa ee Albaabadii uu kula
hadlayay Dadkiisa inta laga qufushay caruurna loo fayliyey lagu
yidhaa ku mudaharaada in aanu cambaarayno ayaynu iskugu nimid,
Arrintaa aad iyo aad ayaanu uga xunahay. Arrintaa uu Gobolka kala
kulmayna waa Arrin aad iyo aad u nasiib-daro ah, Reer Gabiley iyo
Madaxda Gobolku Iyagaa ka jawaabi doona, Annagu Reer Arabsiyaanu
nahay, Reer Arabsiyana waa la yaqaanaa Taa tu la mid ah, iyo tu ka
sii xun ayaanu Wadadaa ku samayn doonaa hadii Xukuumadu waxba ka
qaban waydo Arrintaasi, Waajibaadkayaga ayaanu gudan doonaa”. Ayuu
yidhi Oday Maxamed Caydiid .
Waxa kale oo Iyaguna halkaasi ka hadlay Deeqa Carab Kaydo Xirsi
Buuni Yaxye Cabdi C/laahi iyo Axmed Ciise Caawale oo dhamaantood
Iyaguna sidoo kale digniino culus u diray Xukuumada, kuwaas oo ugu
baaqay in Xukuumadu Faro-galin ku soo sameyso Maamulka Gobolka iyo
ka Degmada Gabiley oo ay Baadhitaan rasmiya ka samayso Arrintaasi,
Cidii Falkaa Ka danbaysayna ay Tallaabo Sharci ah ka qaadaan.
Maadaama Mas’uul Xukuumadii ka tirsan Madaxdii Gobolku sidaa la wada
ogyahay u gal een.
Dhinac kalena Badhasaabka gobolka gabiley oo arintani warbaahintu
waxa ka weydiisay ayaa shee gay ina gabi ahaanba la dhameeyey
arintaasi, oo uu dhamaystirey wasiirka arimaha guduhu
C/raxmaan Xaaji
Timacade News Desk
Gabiley,Somaliland
|