Daad xoog leh oo marayay Togga Weyn ee Burco oo Qaaday Laba Iska Rogo iyo Bas

Burco (TNN)- Daad aad u laxaad badan oo marayay toga weyn ee Burco, ayaa la tagay oo qaaday 3 Baabuur oo laba ka mid ahi yihiin Iska-rogooyinka ciidda gura,halka Baabuurka kalena uu ka ahaa Bas yar oo ay leedahay D/hoose ee magaalada Burco.

Inskatoo magaalada Burco aanay ka di’in wax roobab ahi ayaa haddana daadkan khasaaraha  gay stay ay ka soo rogmadeen buuralayda golis oo maalmihii u dambeeyey ay roobab culusi ka  da’aye en. Ma jiraan cid ku dhimatay ama ku waxyeelooday gaadiidkan daadku qaaday oo wakhtigaas ku sugnaa badhtamaha dooxaas weyn ee Burco.

Ku xigeenka Duqa magaalada Burco mr. Axmed Cabdi Falaay, oo ka hadlay arrintan ayaa sheegay inay awoodi kari-waayeen badbaadinta gaadiidkaas maadaama aanaan haysan qalabkii loo  baah naa ee gaadiidkaas lagu badbaadin lahaa, isla markaana daadku ahaa mid u soo rogmaday si kadis ah ayadoo magaalada wax roobab ahi aanay ka di’in.

Sidoo kale, qaar ka mid ah beeralayda Burco ayaa iyaguna sheegay inay daadadkani ay khasaare weyn u gaysteen dalagii beeraha oo ay la tageen waxyaalihii aannu beeraha ku beeray ama aannu ka goosanay. Beeralaydan ayaa ka codsatay xukuumadda cusub inay gacan ka siiso khasaarahan ay daadadku u gaysteen.

Masuuliyiinta Maamulka Togdheer,ayaaBulshada iyo gaadiidleyda ugu baaqay inay foojignaadaan Dooxa Magaalada,madaama ay lagu jiro Wakhti roobaad,Islamarkaana Buuraleyda Golis ee Dooxani ka soo Rogmado ay ka da,ayaan Roobab Culusi.


Daadkan saaka ka soo rogmaday toga weyn ee magaalada Burco ayaa noqonaya, kii ugu ballaadhnaa uguna xoogga badnaa ee soo mara toggan sannadihii u dambeeyey, isla markaana gaysta khasaare intaas le’eg.
 

Source: Togdheernews