"C/laahi Cirro Wax
Badan Odhan-maayo Balse Waanu Wada Joognaa Hargeysa"
Muuse Biixi Cabdi
Gudoomiye ku-xigeenka koowaad ee
Xisbiga KULMIYE Muuse Biixi Cabdi ayaa si ba'an u naqdiyey qaabka
baahinta warbaahinta dawllada, islamarkaana waxa uu ku eedeeyey UDUB
in ay u adeegsadeen qaab hore loogu isticmaalo Idaacado ka jiri
jiray dalalka Ruwanda iyo Serbia.
Muddo kordhinta ka hor waxa jiray olole laxaadleh oo Xisbiyada
KULMIYE iyo UDUB mid kastaa dhankiisa kaga dedaalayey in la
meel-mariyo mudo kordhinta iyo in la diido. Sidaa darteed Muuse
Biixi waxa la weydiiyey sababta ay u diideen muddo kordhintu markii
ay soo baxday. waxana uu sheegay in KULMIYE ahaan ay ogol-yihiin
wixii sharciga iyo dastuurka dalku qabo, waxana uu ku celiyey in
qaabka muddo kordhinta Lixda bilood ah ee dhawaan loo jadiidiyey loo
maray ahayd mid ka baxsan sharciyadii dalka.
"Golayaasha sharci dejintu
waa dastuuri waana hay'addaha dalka ugu sareeya, waxaana ka sareeya
oo kaliya Dastuurka. Shardigii kordhintu hadday dalka ka jirto oo ah
in nabadgelyo darro jito, waanu ogolaaneynaa nabad-galyo darana
dalka kama jirto..annagu gardiid ma nihin, bal gartaas cid waliba ha
qaado."
Sidaas ayuu yidhi Gudoomiye ku
xigeenka KULMIYE oo u waramay shalay TV-ga madaxa-banaan ee Space-channal
iyo Shabakada wararka ee Somalilandfure, waxaana uu intaa ku daray
oo uu sheegay in haddii uu dastuurka waafaq-san-yahay in ay taageeri
lahaayeen. "Dastuurku maaha waxaan jecelahay, waa sharci sharcigaas
haddii muddo kordhintu waafaqsantahay, xaalada dastuurku jideeyey in
lagu kordhiyo lama diidayo, laakiin sharcigii ma waafaqsana, sidaa
darteed ma aqoonsaneyno."
"in sharciyadii ka dhamaatey, oo
uu yahay Madaxweyne aan sife sharci daro ah ku fadhiya. annaga oo
qudha maahee, caalamka oo dhan ayaa og." Ayuu raaciyey
Mujaahid Muuse, mar uu ka hadleyey xaalada dalka waxa uu tilmaamey
in aan dalka wax nabad-gelyo darro ahi ka jirin, isla markaana
roobabkii da'een. Waxana haddalkiisii ka mid ahaa, "Dalku wuu
nabdoon-yahay, roobab baa ka da'ay, busaarad xumina waa jirtaa nin
iyo waagii"
Mar uu ka hadlayay warbaahinta ku hadasha Afka xukuumada Riyaale,
waxana haddalkiisa ka mid ahaa oo uu yidhi. "Qoladda UDUB,
saxaafadooda waxay u isticmaaleen, sidii tii Ruwaanda iyo Seerbiya…"
ayuu yidhi, waxana uu ku doodey in markaa ka dib ay isku dayeen inay
shacbiga u bandhigaan mawqifkooda, isaga oo arrintaa la hadlayana
waxa uu yidhi. "Waxaanu damacney inaanu dadkayaga la haddalo,. Waxa
dhacdey in la yidhaahdo ma hadli kartaan ,waxay isticmaaleen
ciidankii qaranka ee ummadda u dhexeeyay waxay gaadhay heer ay
rasaas ku furan taageerayaashadii ilaa gudoomiyihii xisbiga"
Waxaa uu sheegay Gudoomiye ku xigeenka KULMIYE inay isku dayeen in
arrimahan laga wadda hadlo oo waan-waan lagu dhameeyo, taasoo uu
sheegay in ay ilaa hadda taagan-yihiin balse ay kala yihiin. "waxaan
filayaa inay noo arkaan rag ka baqaya oo ka cararay laakiin baqdin
ma'aha ee wax ka weyn baanu ilaalinaynaa oo tacab badani nagaga soo
baxay kuwa aanu ka cararaynaa ma'aha kuwo tacab ka galay dalkan
waxayna ahaayeen basaasiintii NSS-ta ahaa ee dalkan laga xoreeyay.
Kibirka nimankaa UDUB, waad la yaabeysaa.waxay gaadhsiiyeen meelo
lama taabtaan ah ciidamadan naloo adeegsaday iyo rasaastan nalala
dhacayna garteedu Somaliland bay u taalaa,in badab baa la yidhi
KULMIYE nabad gelyo daruu wadaa,"Ayuu yidhi Muuse Biixi.
Muuse Biixi gudoomiye ku-xigeenka koowaad ee xisbiga Kulmiye mar uu
ka had layay inay xisbi ahaan diyaar u yihiin doorasho wuxuu yidhi "Doorasho
diyaar baanu u nahay laakiin meel nin diyaarsaday in lagula ciyaaro
anagu ku ciyaarimayno balse waxaanu leenahay waar kubada dhexdaa
inoo dhiga aynu hareeraha ka wada joogno markaa ka dibna aynu ku
tartano"
Mar gudoomiye ku-xigeenka koowaad ee xisbiga KULMIYE ka hadlayay
dacaay ado iyo borobogaande lagu hurinayo colaad ka dhex dhacda
beelaha Somaliland wuxuu yidhi "Abaabul dagaal ayay Xukuumaddu
bilowdey odayaal ayey soo fadhiisisaa TV_Geeda. 50 sanaddood wixii
dalkan soo marey ee xumaan iyo dhibaato ahaa ee dadkani soo dhaafey
ayey soo fadhaa, waxayna gaadhey in ciidamadii qaranka ee dalka u
dhexeeyey ay rasaas nagu ridaan wax walba waa ay nagula keceen."
"In aanu baqano oo ka cararno anagaa dan moodnay waayo waxay
doonay aan inaanu isa soo taagno oo is dilno markaa waa inaanu ka
warwareegno oo nidhaahno waaryaadha na daayaay nabad manta dalka
taala ma rabno in wax la yelo ummadan dalka leh ee ganacsiga ku leh
baa arkaysa in nala leeyahay waan ku xidhi oo xabad nalagula soo
cararo oo nalagu ridayo,waad ogtihiin in Faysal Cali Wabaare Wajaale
uu tagay oo xabad lagu soo riday anaga waad ka war qabtaan in ilaa
gudoomiyihii xabad lagu riday oo maalintii dambena inan yar naloo
soo diray oo isu soo baxayagii uu xabad ka riday waa la ogyahay
markaa anagu waxaanu leenahay waar sidaa ka daayaay nabad nala
qabtaay waxaanuna leenahay waar ninkani wuu waashay oo waad aragtaan
inuu na leeyahay waan ku xidhi waan ku dili mar walba oo aanu ku
nidhaahno umada wax u qabo buu na odhanayaa"Ayuu yidhi Muuse Biixi
mar uu ka hadlayay dhacdooyin doora oo axsaabta mucaaradka ah kaga
timi xukuumada oo adeegsanaysa ciidamada bileyska.
Muuse Biixi mar uu ka hadlayay sida xisbi ahaan u arkaana
dhexdhexaadintii urur-siyaasadeedka UDHIS ee dhinaca xukuumadu ku
gacan seydhay wuxuu yidhi "Anagu mar walba waxaanu leenahay cid
walba oo dhexdhexaadin ka gelaysa in la wada hadlo diyaar baanu u
nahay"
Mar la weydiiyay sida uu u arko hadal uu xalay warbaahinta ka
jeediyay wasiirka daakhiliga C/llaahi Ciro oo uu ku sheegay inaanay
mar dambe xukuumad ahaan u dulqaadan doonin isu soo baxyada xisbiga
KULMIYE, wuxuu yidhi Muuse "Horta anigu wax badan odhan maayo ninkaa
{C/laahi Cirro} isaga waanu wada joognaa Hargeysa,xukuumada oo ka
tirsan yahayna maba aqoonsani sharciyadeeda markaa cid iga hor
joogsan karta isu soo baxyo hadaan qasdiyo inaan isugu imaado ma
jirto"
SomalilandFuture
|